تزوجت أخي بقلم آية حسن

جاله تليفون ونزل بعدها
ساهر.. اخبارك يا مدام انجي معرفتش اباركلك امبارح فالفرح .. مبروك
انجي بحنق.. ميرسي أوي احنا هنمشي ولما ييجي مراد قوليله اني جيب أشوفه يلا يا روان
سلمى.. طب متخليكم يمكن ييجي دلوقتي
وعلى اثر كلمتها مراد دخل البيت روان جريت عليه وحضنته.. مراد وحشتني أوي
اتقدم مراد وسلم على والدته وشاف ساهر وآدم ووشه اتقلب
ساهر.. ازيك يا مراد باشا .. مبروك
مراد باقتضاب.. متشكر
انجي.. نزلت الشغل ليه
مراد.. مشكلة كدة وهتتحل
آدم قام.. على الله تكون مشكلة بسيطة متشغلكش عن شهر عسلك
مراد حس أنه بيرمي لحاجة ورسم ابتسامة خفيفة عكس اللي جواه.. لا متخافش مفيش حاجة ممكن تشغلني عن شهر عسلي أو تشغلني عن مراتي حبيبتي
حط ايده على كتف سلمى وقربها منه وهي اتكسفت .. على عكس آدم اللي اضايق من تصرفه
ساهر.. طيب احنا هنمشي اشوفك ف الشركة قريب يا نازلي يلا يا ولاد
عمر وهو باصص ع روان.. طب ما تخلينا يا بابا شويتين تلاتة لحسن الجو هنا طراوة
روان اشاحت بوجهها وهي بتنفخ بضيق
ساهر بحزم.. يلا قولت بعد اذنكم
مشيوا وآدم رفع حواجبه ل مراد وبصله بابتسامه جانبية خبيثة
مراد خرج من الحمام بينشف شعره وسلمى قربت منه
سلمى.. انت مضايق مني فحاجة
مراد حط الفوطة ع كتفه وبصلها.. واضايق ليه انتي عملتي حاجة تضايق!
سلمى اتنهدت.. لا
مراد بعد عنها بضيق وراح يلبس هدومه.. خلاص يبقى متسأليش
سلمى راحتله.. ما هو انت شكلك في حاجة مزعلاك
مراد لبس التيشيرت والټفت لها.. عادي مشكلة كبيرة حصلت فالشغل
سلمى بغرابة.. ايه هي
مراد.. كنا مشتريين مواشي بعدد كبير وبنسبة 70 أو اكتر ماتوا وطبعا دي خسارة كبيرة لينا
سلمى بدهشة.. لا إله إلا الله وازاي حصل الكلام دة
مراد.. اللي حصل دة متدبرلنا واللي وراها هعرفه
سلمى.. طيب ازاي هتعوض الخساير دي أكيد محتاج سيولة عشان تقدر تشتري غيرهم
مراد.. بالظبط لأني محتاج اغطي الكمية المطلوبة اللي ادفع فلوسها من الشركة الإيطالية
سلمى مسكت ايده.. مراد .. انا عندي فالبنك فلوس كتير خد المبلغ اللي انت عايزه و...
سحب ايده وقاطعها بحدة.. هو انتي شايفاني أعلنت افلاسي! خلاص مش هعرف احل مشاكلي عشان آخد فلوس منك .. للدرجة دي شايفاني قليل
سلمى.. مراد أنا آسفة انا مقصدش اللي جه فبالك خالص والله
مراد.. ولا تقصدي ولو سمحتي الكلام دة متعديهوش تاني
سلمى بصت لأسفل.. حاضر
مراد.. وأه صحيح ايه حكاية عايزة تأجلي شهر العسل هو انتي خدتي رأيي قبل ما تقرري!
سلمى رفعت راسها بضيق.. في ايه يا مراد انت عايز تتخانق وخلاص! .. انا من امتى باخد قرارات من وراك قولت اني بفكر فكدة
مراد.. بتفكري يعني عايزة على العموم مفيش حاجة هتتلغي واحتمال آخر الأسبوع نسافر ومش عايز اسمع اي كلمة اعتراض
سلمى بصت له بحنق.. ماشي يا مراد
وراحت ناحية الباب
مراد.. رايحة فين!
سلمى.. رايحة عند ماما نام لوحدك بقا مدام مش عايز تسمع كلام
سابته وقفلت الباب وراها .. وهو جز أسنانه بتذمر
دخل الدهشوري مكتب رئيس مجلس الإدارة وألقى السلام
الدهشوري.. ازيك يا سعادة البيه
الشخص لف بالكرسي وظهر وش آدم وهو ماسك سېجارة.
الدهشوري.. ازيك يا سعادة البيه
آدم وهو بينفخ فسيجارته.. اقعد يا دهشوري
الدهشوري.. أأمرني
آدم.. مراد جالك طبعا
الدهشوري هو انت ليه خلتني أعمل كدة
آدم بحدة وصوت غليظ.. مش شغلك انت تنفذ اللي بقولك عليه وبس
الدهشوري ابتلع ريقه من نظرته.. أنا خاېف يعرف حاجة ويوديني فداهية
آدم بتذمر.. انا مبحبش اللي يشتغل معايا يبقى خاېف انت فاهم
الدهشوري.. مهو أكيد هيكشف على المواشي وساعتها هيعرف وانا هتحبس
آدم.. لا من الناحية دي اطمن مش هيقدر يثبت عليك حاجة
الدهشوري.. طيب عاوزني اعمل ايه دلوقتي
آدم.. هو مراد دفعلك حاجة
الدهشوري.. نص المبلغ بس والنص التاني شيكات
آدم.. استني مني أوامر
الدهشوري.. تحت أمرك
مراد ف المصنع
مراد.. قوللي يا دكتور منصور ملاحظتش اي حاجة فالمواشي دي!
منصور.. بالعكس مكانش فيها أي حاجة مسافة نص يوم لقيناها فالأرض مترصصة
مراد.. طيب يا ريت تطلع نتيجة التحاليل بسرعة وجبهالي انا شخصيا
منصور.. تحت أمر سعادتك
نازلي.. يصح برضو تنامي بعيد عن جوزك 
سلمى بضيق.. ما هو اللي استفزني
نازلي.. مهما كان متسبيش أوضتك وتخرجي تنامي فأوضة تانية ازعلي منه وعاتبيه بس متخليش الأمور توسع بينكم .. انا معرفش اللي حصل بينكم لكن بغلطك انتي
سلمى.. وهو برضو غلطان
نازلي..