عبد الله وأماني بقلم شيماء سعيد

ضيعت جوزى بسبب غبائي 
الكاتبة شيماء سعيد.
في أوضة نوم عبدالله و أماني كانت نايمة على السرير و هو واقف ادامها مش باين عليها انها متجوزة من ١٨ سنة...
..... عبدالله إيه الكلام الفارغ ده أنتي عقلك راح منك على الاخر أنا مستحيل أعمل حاجة زي دي المفروض أننا متجوزين عن حب إزاي تفكري ده !
...... أماني عشان بحبك بقولك تعمل كده و مش شايفة في الموضوع حاجة غلط يعني أنا راضية و مستعدة اعملك كده بنفسي يبقي بتكبر الموضوع ليه !

.....عبد الله راضيه أنتي بجد راضيه على الكلام الفارغ اللي أنتي بتقوليه ده! كاني اول مره اشوفك يا اماني مش مصدق و لا مستوعب ان أنتي الست اللي حبيتها و اخترتها عن الستات كلها انا مش هعمل كده و يا ريت تقفلي على الموضوع ده خالص.
..... أماني عموما فكر و انا عند كلمتي هقف جنبك و هكون معاك خطوه بخطوه بس عندي شرط واحد اضمن حقي و حق ولادي البيت ده يكون باسمي و المحلات كمان .
..... عبد الله كان عندي حق لما قولت ان عقلك راح منك انا خارج و سايبلك البيت كله.
تاني يوم عبد الله قرر يقرب من أماني شوية عشان كده غير في طريقة لابسه لهدوم شبابي أوي عشان يعزمها بره.
في أوضة التلفزيون كانت أماني قاعدة تتفرج علي برنامج بس قامت مخضوضه لما شافت عبد الله بالمنظر ده.
...... أماني يا لهوي ايه اللي انت عامله في نفسك ده يا راجل عيب على سنك ده عيالك بقوا طولك لو طلعوا من اوضتهم و شافوك بالمنظر ده يقولوا ايه!
...... عبد الله اهدي شويه يا حبيبتي ايه يعني تيشرت احمر بنطلون اسود و جزمه حمرا عشان يومنا كله يبقى احمر يا احمر انت يلا بقى روحي البسي عشان نخرج....
...... أماني انت فاكر ان انا ممكن اخرج معاك بالشكل ده دي الناس تاكل وشي حزمة حمرا عايز نخرج بجزمه لونها احمر مش مكسوف من نفسك.
..... عبد الله تاكل وشك ليه ! ماشي في الشارع عريان لابس على الموضه فيها ايه يعني و عازم مراتي على العشا عشان تطلعي من دماغك الخرافات اللي دخلت فيها دي.
...... أماني اللي في دماغي مش خرافات يا عبد الله انا بحبك پجنون و من حبي فيك عايز اشوفك اسعد انسان في الدنيا و عارفه ان انا مش مخلياك سعيد عشان كده عايزه اجوزك و هعمل كده برضاك او ڠصب عنك.
...... عبد الله اقفلي الموضوع ده يا أماني مش عايز اخسرك او اقول كلمه ارجع اندم عليها اتفضلي روحي البسي عشان نخرج أنتي مراتي و انا بحبك و عايزك زي ما إنتي كده و سعيد معاكي أنتي مالك بقى!
...... أماني هتتجوز عشان انا عايزة كده عايزه اشوفك مرتاح مع ست تصونك و تكون زوجه كاملة متكامله ليك و انت هتعمل كده لو مش عشانك يبقى عشاني انا حابة اكون مبسوطة يا حبيبي و مش هكون مبسوطة إلا لما أشوفك عريس.
.......عبد الله هتكوني مبسوطة و أنا مع ست غيرك في حضنها و بقولها نفس الكلام و الحركات إللي بينا!
...... أماني ايوه طبعا عادي جدا انت راجل و من حقك تتجوز واحده و اتنين و تلاتة و اربعه ده شرع ربنا هتيجي أنت تحرمه مثلا حب و عيش و استمتع بكل لحظه في حياتك معايا و مع غيري و انا كده كده يا حبيبي مراتك ام اولادك حبيبتك مافيش اي حاجه هتتغيري غير انك هتعيش حياه احسن و هتبقى مبسوط اكتر و اكتر شوفت انا بحبك اد ايه.
.....عبد الله بصراحه مش لاقي رد لا تعليق انا خارج و بالجزمة الحمراء المخنوقه منها دي.
بعد أسبوع كامل في أوضة السفرة على الفطار كان قاعد عبد الله مع ولاده أحمد و لمياء و كمان أماني قاعدة...
......عبد الله انا عايز مجموع كبير السنه دي يا احمد انت و لمياء مش اقل من طب.
......لمياء اكيد يا بابي من غير كلام هرفع راسك زي كل سنه يعني.
...... أحمد لا و الله ما انا كمان كل سنه