شِبه راجل.
بقصد.. رقية انتي فاهماني كويس انا بتكلم علي ايه اول ما جيتي معانا كنتي حزينة ومضايقة وبتعيطي بليل في اوضتك وبتصحي عيونك منفخة ولا كأنك جاية ڠضبانة ومن بعد ما يوسف جوزك جه هنا واتكلمتو سوا وبعدين مشي وانتي حالتك اتغيرت مية وتمانين درجة وهزار وضحك واهو كام يوم وقلبتي تاني ايه اللي جرالك فيه ايه
صابرين بلهفة .. بسم الله عليكي مالك يا بنتي متوجعيش قلبي عليكي وقوليلي في ايه ده انا امك وسترك وغطاكي
رقية بدموع.. يوسف بقاله يومين مش بيرد علي مكالماتي يا امي كان المفروض يجي ياخدني من يومين بس مجاش وانا خاېفة اوي
رقية بنفي وهي بتحرك راسها يمين وشمال .. لا يا امي يوسف كان بيكلمني كل يوم وكذا مرة بس فجأة كدة يقطع انا قلبي مش مرتاح وخاېفة
صابرين بحزن.. انا معرفش ايه اللي صابكم يا بناتي واحدة كل شوية بحالة وبعد ما ربنا هداها وقالت هترجع لجوزها رجعت قالت مش عايزاه ومش هرجعله والتانية قاعدة جمبي ومش عارفة فيها ايه
رقية وهي علي نفس صډمتها.. انتي قولتي ايه يا ماما هي
مليكة اتخانقت تاني مع عمر وقالت مش هترجعله
صابرين بحزن.. ايوة اختك بقالها كام يوم معاندة وتقولك مش هرجعله معرفش مالها دي بعد ما قولنا خلاص ربنا هداها انا شاكة انها محسودة البت دي والله
منير بتنهيدة.. انا كنت حاسس ان الموضوع في حاجة غريبة تعالي يا رقية نتكلم جوة لوحدينا
دخلت رقية وابوها اوضتها ووقفت قدامه واتكلمت وهي بتحاول تتمالك نفسها
منير بهدوء .. وده كله بسبب علاقة اخوه باختك مش كدة
رقية بدموع.. ايوة يا بابا
منير بتفكير .. احكيلي كل حاجة حصلت ومتخبيش حاجة يا رقية وانا هتصرف يا بنتي
اتنهدت رقية بحزن وبدأت تحكي لابوها كل حاجة حصلت معاها من يوسف من اول ما سمعت مكالمته مع صاحبه عن انتقامه منها لحد ما جه هنا ووعدها انه هيتغير وانه مش هيسمح
