شهرزاد وقعت في الحب بقلم شهد محمد
مره اركب فيها طياره في حياتي احساس بالخۏف والفرحه في نفس الوقت قطع خۏفي صوت رونزي وهي بتقول
_احكيلي حدوته
_حاضر يا عيوني
فتحت شنطتي طلعت منها قصة سندريلا وبدأت احكي كان عينه عليا مراقب طريقتي في الحكي مراقب حركات شفايفي كنت متوتره متلغبطه مش عارفه احكي لحد ما رونزي عملت فيا جميل ونامت في نص الحكايه شيلت القصه تاني في شنطتي واتنهدت وسرحت بخيالي في السما بيبقا اسوء وقت لما بسيب نفسي لدماغي بفكر في حاجات كتير اوي بفكر في اللي ظلموني واللي زعلوني وكل ذكرياتي الوحشه بقالي فتره بحاول انسى اللي حصلي في القريه بس دماغي مش سايبني في حالي ومن كتر التفكير محستش بالوقت لدرجة اني فوقت على صوته وهو بيقول
بصيت ليه وانا مبتسمه وعيني بتلمع
_يعني احنا كدا في تركيا
_امم
مجاش في بالي غير الكوميك بتاع إن البنت اتجوزت ثري عربي وخليته يوديها شهر عسل في تركيا واول ما نزل من الطياره قالت له طلقني
_طلقني
رفع حجبه وبصلي باستغراب وهو بيقول
_نعم !!
_لاء لاء انا اسفه والله بس عشان لسه صاحيه مفوقتش اسفه جدا
_حاضر
خدت رونزي في إيدي ومشينا وراه كان فيه كذا حد بيساعده يخرج من الطياره لكن كان باين عليه انه مضايق مش عايز حد يساعده مش عايز الناس تتعامل معاه على انه عاجز ! نزلنا من الطياره وركبنا العربيه مع مساعدة الشباب برضو وشويه ووصلنا للبيت اللي هنعيش فيه كنت مستمتعه بكل حاجه في البلد الأجواء تجنن .. البيت زي اللي بنشوفه في المسلسلات بظبط قطع اندماجي مع تفاصيل البيت صوته وهو بيقول
_واوضة حضرتك!
_هعملها لنفسي لما اجي حاليآ انا ورايا اجتماع مهم متتحركيش من مكانك لحد ما اجي
_حاضر
الوقت بداء يتأخر ساعه ورا ساعه وهو لسه مجاش كنت قلقانه عليه حاسه انه ابني وخاېفه عليه نفسي لما يجي امسكه ابهدله وازعق له على التأخير ده .. كنت رايحه جايه قدام الشباك وانا بفكر يا ترى جعان ولا شبعان يا ترى مرتاح ولا تعبان يا ترى .. ولسه هكمل لفت نظري صوت رونزي وهي بتكح بصوت وحش جدا .. جريت عليها كانت سخنه درجة حرارتها عاليه وشها محمر مكنتش عارفه اعمل اي كمادات صح احسن حل هو الكمادات .. جريت على المطبخ جبت مياه ساقعه وتلج وقعدت جنبها اعملها في كمادات لكن مكنش فيه اي نتيجه مش عارفه اتصرف عيطت عشان مش عارفه اتصرف .. ازاي ماما كانت بتعرف تتصرف لما بتعب ومش بتكون متوتره زايي وكمان بتعمل الاكل وتروق البيت وتهتم بالعيله.. انا فاشله مش زيها مش زايها خالص
_انتي كنتي فين
_مش قولتلك متتحركيش لحد ما اجي
_كنتي فين بالبنت انطقي
_اديني فرصه اتكلم طيب
قولتها ودخلت رونزي اوضتها جيه ورايا
_من فضلك نتكلم بره عشان متصحاش
سمع كلامي وخرجنا بره الاوضه
_ها كنتي فين يا هانم
_رونزي تعبت سخنت وعملت ليها كمادات
_اه وانتي بنت حواري تركيا بقا وخدتيها للمستشفى اللي هنا صح وعرفتي تروحي عشان انتي طول عمرك عايشه هنا صح
_عملت سيرش على جوجل بأقرب صيدليه هنا وروحت تبع الجي بي اس واتأخرت عشان عشان مكنش معايا العمله اللي بيتعاملو بيها في البلد فاخدتها مشي وتوهت عقابل ما وصلت هنا
_والعلاج اشتريتي ازاي
_سيبت للصيدلي سلسله دهب بتاعتي مقابل انه يديني العلاج
_والله!
_والله العظيم هو ده اللي حصل
_وعرفتي تتكلمي معاه بقا صح
_انا مش جاهله يا
