نور حياتي بقلم وفاء محمد
اللي مقضياها تركي طب خلاص إحنا فيها أعملي الرز أنتي وأنا معاكي
مريم بتتوه في الكلام رز ينهر أبيض أنا نسيت ورايا مذاكرة
نور مش عليا يا ماما إحنا دفنينوا سواه هتعملي الرز يعني هتعمليه
مريم أمري لله وربنا يستر علينا بقي
نور هههههه متقلقيش
الساعة ١٢ الظهر
أدهم الحمد لله وصلنا في المعاد
آدم عادي يعني مكنش هيحصل حاجة لو أتأخرنا هو اللي طالبنا أصلا وكمان ده بيشتغل عندنا
آدم انا أسف حقيقي مكنتش أقصد يلا عشان منتأخرش
بيدخلوا المكتب
أدهم انا أدهم درويش وده أخويا آدم لينا معاد مع المتر عصام
مني أيوة يا فندم أنا اللي كلمت حاضرتك أتفضلوا إستريحوا أديلوا خبر
بتدخل المكتب
مني أدهم بيه وآدم بيه لسه واصلين حالا يا فندم
المتر عصام تمام ٥ دقايق بالظبط ودخليهم
مني حاضر يا فندم عن إذنك
بيرن عليها
المتر عصام الو يا سعاد هانم وصلوا ربع ساعة بالكتير وتعملي اللي أتفقنا عليه
سعاد هانم تمام يا متر يارب يجيب نتيجة
المتر عصام يارب يا هانم عن إذنك عشان ميحسوش بحاجة
مني تقدروا تتفضلوا دلوقتي
آدم شكرا يا أنسة
المتر عصام أتفضلوا يا بهوات عاملين إيه
أدهم الحمد لله يا متر خير في حاجة ولا إيه
المتر عصام لا أبدا أنا بس جايبكم عشان الوصية
آدم مالها وصية بابا هو فيها حاجة غلط ولا إيه
أدهم أستني أنت يا آدم مالها الوصية يا متر
المتر عصام لا أبدا مفيهاش حاجة كلها قانونية وشرعية والتركة بينكم بشرع الله
المتر عصام أنا أقصد وصية سعاد هانم
أدهم وآدم بأندهاش وصية ماما
المتر عصام أيوة سعاد هانم كتبت وصيتها والغريب إنها مقالتلكمش
أدهم مقالتش إيه
آدم هو في إيه أنا مش فاهم
المتر عصام سعاد هانم عندها القلب ومحدش عارف هتعيش قد إيه
أدهم أنت بتقول ايه لأ أكيد مش حقيقي
المتر عصام بحزن للأسف دي الحقيقة
في نفس الوقت بيقاطعهم رنة التلفون
أدهم الو يا عم محمود
عم محمود الو يا أدهم بيه إلحقنا
أدهم بقلق في إيه يا محمود مال صوتك
عم محمود الست هانم وقعت مرة واحدة وجبنالها الدكتور
أدهم قام وقف مرة واحدة...ماما أنا جاي حالا
أدهم ماما وقعت والدكتور عندها
المتر عصام يا ساتر يارب يلا بينا نشوف في إيه
في فيلا إسماعيل درويش
أدهم مالها ماما يا دكتور
الدكتور للأسف يا أدهم بيه سعاد هانم تعبانة جدا ومش هتعيش أكتر من ٣ شهور والأعمار بيد الله والله أعلم
أدهم بعصبية أنت بتقول إيه
المتر عصام أهدي يا أدهم الدكتور ملوش ذنب
بيسبهم وهو متعصب وبيدخلها
الأوضة
آدم وهو بيعيط الدكتور قالك إيه يا أدهم طمني
أدهم للاسف الكلام طلع حقيقي أنا مش مصدق
آدم يعني إيه أمنا بتروح مننا
أدهم وهو بيحاول يخبي دموعه أهدي يا آدم أنت مش صغير ولازم منبينش حاجة قدامها
المتر عصام الدكتور مشي بيقول لازم نسبها ترتاح لأنها واخدة منوم
أدهم تمام خارجين يلا يا آدم
آدم حاضر
قاعدين التلاتة بيبدأ هو
المتر عصام أنا أسف لكلامي في ظروف زي دي بس لازم تعرفوا اللي في الوصية
أدهم بعصبية وصية إيه أنت متخيل إن الفلوس عندنا أهم من أمنا
آدم أيوة أدهم عنده حق
المتر عصام لا لا الموضوع مش موضوع فلوس والوصية مش كده خالص
الوصية فيها.......
بقلم وفاء محمد
رواية نور حياتي
الفصل الرابع
المتر عصام أو نقدر نقول إنها مش وصية
آدم يعني إيه مش وصية
المتر عصام يا بهوات دي آخر أمنية من والدتكم نفسها تتحقق وهي عايشة
أدهم هي إيه
المتر عصام سعاد هانم عايزاكوا تتجوزوا في خلال شهر
أدهم بعصبية إيه أنت بتقول إيه لأ طبعا مستحيل
آدم أهدي بس يا أدهم لحد ما يكمل كلامه
المتر عصام يا أدهم بين لازم تعرف إن دي أمنية والدتك وإنها نفسها تشوفكم في بيتكم مستقرين في حياتكم
آدم يعني هو لازم خلال شهر هنعمل كل ده إزاي
أدهم تعملوا إيه أنا مش متجوز
آدم يا أدهم عشان ماما أنت عارف إنها تعبت كتير عشان تخلينا زي ما إحنا كده
أدهم أنا عارف بس أنا مبكرهش حاجة في حياتي قد الجواز
المتر عصام عشان كده سعاد هانم عايزاه تتأكد إنك هتكون سعيد ومتجوز قبل ما ټموت
آدم متجيبش سيرة المۏت ممكن أنا موافق لو ده هيسعدها
المتر عصام وأنت يا أدهم بيه قررت إيه
أدهم بتوتر سبوني أفكر في الموضوع ده الأهم دلوقتي إنها تفوق ونطمن عليها
المتر عصام تمام أنا هعدي عليكم هنا بكره أطمن عليها وأعرف ردك
آدم يعني أبدا من بكره أدور علي عروسة
المتر عصام لأ لأنها موجودة
أدهم بدهشة موجودة إزاي أنتوا كمان هتفرضوا عليا أتجوز مين
المتر عصام لا بنفرض ولا حاجة سعاد هانم شايفة إن ده المناسب ليكم أتفضلوا الوصية أهيه مكتوب فيها كل حاجة
سابهم ومشي
أدهم رايح جاي بعصبية ومتنرفز علي الآخر
آدم ممكن تهدي يا أدهم ده مش حل
أدهم
