مريم وحمزة

و انتي تتابعي حالته و تعلاجيه.. 
مريم باجراحاحم ...ياه على التسرع..ان شاء الله خير يا طنط.
____________________
و تاني يوم راحت مريم الطريق اللي حمزه بيمشي منه و وقفت استنيته و هو لما شافها من بعيد ابتسم وراح لها .
حمزه ازيك يا مريم عامله ايه
مريمميه ميه يا زميل نحمده و نشكر فضله .
ضحك حمزه على طريقتها في الكلام.

بصلته مريم و قالت اسمع يا حمزه انت شكلك خدت على قفاك من الناس اللي في الدنيا دي كلها و طلعوا كلهم تويستك و انا عايزاك ترجع ثقتك في الناس تاني و علشان كده هقول لك سر خبيته عنك لأني مش عايزه انضم للاسته الناس اللي عدوا على حياتك بالجزمه...انا دكتوره مريم انا دكتوره نفسيه يا حمزه و كنت حابه اساعدك ان انت تعدي ازمتك دى بعد اذنك لو تسمحلي يعني.
وقف حمزه مصډوم من كلامها شويه و بعدين قال لها يعني انتي مش لصه انتي دكتوره و عملتي كل الفيلم ده علشان تعالجيني بطريقتك صح طب و ليه انا و عرفتي منين بحالتي دي اصلا كمل بحزن يعني انتي مش بتعملي كده علشان انا كويس و انتي حبيتيني كصديق صح انتي بتعملي كل ده علشان دكتوره و دي مهنتك اكيد حد قال لك و اداكي تمن الكشف مش كده 
مريم يا ابني ابلع ريقك شويه اجاوب انا على ايه و لا ايه دلوقتي نازل بوروم بوروم و بعدين انت بجد يا حمزه صديقي و المقرب كمان و الله انت مش مجرد حاله و لا حاجه.... يا عم دا لولا اني بتكسف كنت كتبت فيك شعر..
دايما قادره تغير زعله لبسمه بتترسم على وشه اول ما يشوفها او يسمع صوتها و كلامها....كلامها اللي دايما بيحسسه انه كويس و مش قليل زي ما هو فاكر و قال بعفويه طب على فكره بقى انا كان نفسي اقفش و ازعل و كده و اطلب منك انك ما تتدخليش في حياتي بس بجد ده لو حصل انا اول واحد هيتعب اتعودت على و جودك و كلامك بيريحني بغض النظر على بعض كلماتك يعني..
ضحكت مريم لا و الله دا مش كلامي انا دكتوره محترمه بس انا تقمصت الدور شويه ايه رأيك دخلت عليك 
ضحك و قال لها دخل جدا شبح شبح يعني.
مريم طب انت موافق يا صديقي تيجي عندي عيادتي 
حمزه بحزن طالما هاجي عيادتك يبقى انا حاله مش صديقك يا مريم.
مريم اسمع يلا انا ما ليش في جو المسايسه و المداديه ده الساعه 600 اخر النهار تكون عندي في عيادتي و ده العنوان هو انا لسه هبرر لك و لا ايه و بعدين تعالي عشان اديك فلوسك و ساعتك اللى علمت عليك و اخدتهم منك.
حمزه و اللهي شكلك انت اللي عايزه دكتور نفسي يا ام لسان طويل. 
مريم اشطا عليك يا حمزاوي بقيت بتعرف ترد و تدافع عن نفسك اهو و ده اول طريقي في العلاج معاك .
حمزه مش هتعالج يا مريم و مش جاي لك .
و سابها و مشى و بعد ما مشى بصت على طيفه و قالت لأ ده انتي تيجي على بيتي على طول تتجوزني هو احنا لسه هنعالج بقمرك ده. 
__________________
استنيته مريم في ميعاد خروجه من عيادته و قالت لواحد كان واقف معاها .
مريم ها فهمت هتعمل ايه
الراجل ايوه يا دكتوره سهله مش كيميا هي يعني.
مريم طب يلا يلا علشان جاي علينا اهو.
فجأه مريم علت صوتها و قالت الحقووووني يا ناس ياهوووو الرجل دا بيديقني. 
سمع حمزه صوتها و قرب منها وهو خاېف عليها و قال بلهفه مريم أنتي كويسه 
مريم حمزه انت اعمي ولا ايه حكايتك اكيد مش كويسه الرجل دا بيضايقني و بيتحمرش بيا عااااا و بكت بصوت مصتنع.
عااااا جبلي حقي منه يا حمزه. 
حمزه كان مرتبك و مش عارف يعمل ايه.
الرجل اللي مريم متفقه معه قرب من مريم علشان يستفز حمزه اكتر و قال انتي بتتحمي فى الواد الخيخه دا....دا ميقدرش يتكلم او يقرب مني حتى دا خواف و جبان.
مريم قالتهحمزه دا اقوى منك و ابطل منك يا خله السنان انت دا