الهاوية سولييه نصار

الهاوية 
_يالهووي انت اتجوزت عليا وكمان جايبهالي البيت 
صړخت ضرتي وهي بتحط ايديها علي صدرها وبعدين بدأت تلطم رجعت ورا خالد وانا بترعش وببصلها وعيوني مدمعة حاسة بقهرتها وزعلانة اني حطتها في الموقف ده بس مكانش عندي خيار تاني دموعي بدأت تنزل والست دي بتلطم وبتزعق 
_ادخلي الاوضة يا ناريمان ..

قالها جوزي بصوت واطي فهزيت راسي ودخلت الاوضة اللي شاور عليها بسرعة بس مراته كانت لسه بتزعق 
دخلت الاوضة وانا بترعش وقعدت علي السرير دموعي كانت بتنزل لوحدها وانا بفتكر الحياة اللي عشتها وهربت منها بفتكر قد ايه انا اتعذبت غمضت عيني وانا بفتكر حياتي في الاردن قد ايه كنت سعيدة ومبسوطة وسط امي وابويا رغم ضيق الحال لكن كنت مبسوطة أووي وراضية وافتكرت أن الحال ده هيدوم لكن للاسف لما دخل هو حياتنا اتقلبت كلها بفتكر قد ايه احنا وقفنا جمبه وهو خدعنا ودمر حياتنا فاكرة كويس أنه قابل احساننا ليه بالخېانة والغدر بسببه اتشردنا وبقا حالنا لا يسر عدو ولا حبيب 
دموعي بدأت تنزل اكتر والذكريات بتندفع لعقلي وانا حاسة نفسي هتخنق فجأة جسمي اتنفض لما جوزي دخل عليا مسحت دموعي وقربت منه ابتسم ليا بحب وهو بيبوس راسي وقال
_خلاص هديتها يا حبيبتي وهنعيش كلنا سوا هنا 
اتوترت وقولت
_ازاي يا خالد انت قولتلي أننا هنعيش في بيت تاني 
ارتبك وقال
_ما هو اصل يا حبيبتي انا حاليا مش معايا اجيب بيت تاني وده وضع مؤقت وصدقيني هتحبي رقية اووي 
مكنتش مرتاحة بس وافقت. أنا اصلا مليش غيره فمفيش في أيدي خيار 
قرب مني وباس راسي وقال
_الليلة ډخلتنا مش عايزك تكوني حزينة ابدا يا ناريمان 
ابتسمت ليه بحب وانا بحس أنه العوض قرب مني و
تاني يوم صحيت وملقيتش خالد جمبي استغربت بس قومت ولبست البيجامة عشان اخد شاور لما طلعت اتجمدت لما لقيت خالد قاعد جمب رقية وهو بيسرح شعرها ويغازلها حسيت بالغيرة شوية لكن حاولت اقنع نفسي أن مش من حقي كفاية اني اتجوزته وانا عارفة أن في حياته واحدة غيري اول ما شافتني رقية وشها اتقلب وقالت
_اخيرا صحيتي يا سنيورة يالا يا اختي اشربي كوباية شاي واعملي الغدا العصر قرب يأذن 
_نعم ..
قولتها پصدمة فبصلي خالد وغمز ليا وقال
_روكا عايزة تأكل من ايديكي يا حبيبتي ياريت انتي اللي تطبخي النهاردة 
مكنتش غبية كنت عارفة أنه بيرضيها علي حسابي بس سكتت لأن معنديش اي بديل 
مرت الايام بيننا وانا خدامة ليه هو ومراته وساكتة ومستحملة لحد ما في يوم عرفت اني حامل وقتها المعاملة اتغيرت تماما جوزي بدأ يحبني ويهتم بيا ورقية بدأت هي اللي تخدمني عشت شهور الحمل بتاعتي في راحة ودلع لحد ما افتكرت أن الحياة ضحكتلي 
جه