عروس متمردة
في الزراعة أكيد فلاح وهيعذ بني معاه في الغيط حطيت ايدي على وشي وانا بفكر اني هقنع ابويا ميجوزنيش ليه ابويا طيب وأكيد مش هيسمح أن حياتي تتدمر بالطريقة دي وبعدين غمضت عيوني ونمت ...
لما وصلنا كان النهار طلع نزلنا موقف الاتوبيسات ولقينا عم علي مستنينا بعربيته الصغيرة ...
قرب على وحضن بابا وقال
_كارم وحشتني يا راجل أخيرا عقلت وقررت تستقر هنى
_بنت اخويا الغالي نورتي الصعيد كلها بقيتي زي البدر ما شاء الله
ابتسمت ليه وقولت
_شكرا يا عمي ...
_يالا يا بت اخوي الجماعة مستنينك في البيت يالا ..
وبعدين ركبت العربية ومشينا كنت ببص على البلد افتكر آخر مرة جيت هنا لما كان عمري سبع سنين تقريبا كان ساعتها منذر عنده خمستاشر سنة ورغم أننا قرايب بس هو مكانش بيطيقني كان شايفني متدلعة اووي من بعدها مشوفتهوش تاني ...حتى لما جه عزا في امي من خمس سنين مشوفتهوش كنت وقتها قافلة على نفسي ورافضة اقابل حد بس يا ترى هو بقا ازاي دلوقتي ...أكيد واحد مبهدل في نفسه لابس جلابية وكلها طين من الأرض ...
_يا دي النور يا دي النور ازيك يا آية ...ايه العسل ده بقيتي عروسة .
وبعدين حضنتني وجم باقي بنات عمي وعمتي وسلموا عليا كنت مصډومة وانا بشوف شكلهم المرتب ...هدومهم الشيك حتى ان كلامهم مفهوم وعادي زينا ...أنا كان عندي تصور تاني عن الصعيد غير اللي انا شايفاه ده
سألها عمي فقالت
_راح عند الحاج اسماعيل تعب تاني يا حاج ربنا يشفيه ..
_يارب...
وبعدين بصلي وقال
_منذر خطيبك يا آية دكتور قد الدنيا هو اللي طلع الأول على الثانوية العامة ودخل كلية طب
كنت ببصله وانا مصډومة أنا مكنتش أعرف كده ابويا كان كل اما يقولي اخبار عيلتنا مكنتش بهتم
_اهو منذر جه اهو...
_عمي كارم ..
قالها منذر وقرب من بابا وحضنه وقال
_مبسوط أنك قررت تستقر هنا اخيرا ..
بعد شوية وبعدين اتدخل عمي وقال
_ودي ايه يا ولدي بنت عمك ..
بصلي ببرود وقال
وبعدين كمل كلام مع ابويا ...عضيت شفايفي بغيظ وقولت في سري
_ماله ده شايف نفسه على ايه !
بعد ما اتغدينا وارتاحنا شوية كان الليل جه وبابا قالي اني هقعد مع منذر شوية عشان نعرف بعض عشان خطوبتنا اللي قربت ..
كنت قاعدة بالفعل مع منذر اللي كان ماسك كتاب
