جئت جبرا لقلبي
لقيت آدم بيقول لحواا تتجوزيني!
عمي ابتسم وبابا بصيلنا بجمود ومرات عمي زغرطت!
_يا جماعة انتوا فاهمين غلط احنا..
_ مش عيب يا آدم تكلم حواا في موضوع زي دا قبل ما ترجعلي! هيا دي تربيتنا ليكوا وثقتنا فيكوا!!
رد آدم بعد طول صمت_ يا عمي والله أنا ما..
قاطعه عمي _ بس اسكت حقك عليا أنا يا محمد بس انت عارف طيش شباب بقى ع العموم يا أبو العروسة شوف الميعاد اللي يناسبك ونيجي نتقدم رسمي.
_ هيا الدنيا مالها ساحت كدا ليه!
_ انت تتصرف وتفشكل الجوازة دي.
_ عايزاني أعمل إيه يعني يا اختي! ما انتي السبب في اللي احنا فيه دا.
_ ليه يا اخويا إن شاء الله! هو أنا اللي قولتلك تيجي بالخاتم عندنا!
_ لا انتي اللي اقترحتي فكرة عرض الخطوبة دي.
_ ما انت قولتلي هما فوق ومش هينزلوا دلوقتي.
_ طب والعمل ايه بقى دلوقتي!
_ الحل إنك ترفضي.
_ نعم يا حيلة أمك.. وليه مش انت اللي ترفض!
ضړبني على قفايا_ أولا قصري لسانك ثانيا انتي البنت يعني انتي اللي ليكي الحق دا.. وبعدين أرفض أنا ازاي وأمك قفشاني وأنا بقولك تتجوزيني!
سكتت ثانيتين أفكر_ اممم عندك حق فعلا.
ضړبته بالمخدة_ ما تحترم نفسك بقى!
مسكني من هدومي_ بت انتي.. تلاشيني دلوقتي عشان مش طايق نفسي.. انتي فاهمة!
رفعت عيني له وهو ماسكني زي حرامي الغسيل_ ما تيجي نعمل صنية مكرونة بالبشاميل عشان جعانة!
ضيق عيني لحظتين وبعدين سابني_ ماشي وأهو نفكر في حل واحنا بناكل.. ادخلي جهزي المطبخ على ما أنزل أجيب البيبسي.
_ يا ماما افهميني.. أنا مش عايزة أتجوز آدم.
_ بس هو بيحبك!
_ يا ست الكل مبيحبنيش.. احنا كنا بنهزر.
_ وهو في هزار في الحاجات دي!
_ حاجات ايه يا ماما هو انتي قفشتينا ف وضع مخل ولا ايه!
ضړبتني على رجلي _ احترمي نفسك يا قليلة الأدب!
_ ما انتي بتقولي كلام غريب برضو يا ماما!
لا قصره.. عمك جاي النهارده يطلب إيدك من أبوكي وأبوكي هييجي ياخد رأيك.. ابقي قوليله بقى.
_ يعني العمل ايه دلوقتي
_ لو موافق علاقتنا تكون سطحية من هنا وجاي هقوله مش موافقة.
_ أكيد لا يعني انتي عبيطة! انتي أختي ازاي تكون علاقتنا سطحية يعني!
فتحت الباب بشويش وشوفت ماما وهيا بتروق الصالة وقولتله بهمس..
رد عليا بنفس الهمس_ وأمي كمان عمالة تجهز في علب الجاتوه والحلويات!
_ جاتوه نضيف ولا ايه!
_ أكيد نضيف.. بعد ما كنت باكل جاتوهات عرسانك المغفلين بقيت مغفل منهم!
ضحكت وأنا واقفة قدام الدولاب بشوف لبسي..
_ متقلقش هنطلع بالليل على السطح ناكلهم.
_ متنسيش البيبسي بس.
كان صوته بعيد فسألته_ انت بتعمل ايه!
_ بجهز عشان اجي أتقدملك يا اختي.
ضحكت بصوت عالي_ أخويا عايز يتجوزني شبكني بكني وهيجهزني.. فكرني نعمل مونتاج للأغنية ونشغلها في شبكتنا.
سكت لحظتين ففكرته هيشتم_ تصدقي فكرة يا بت يا حواا بحبك عشان دماغك كرييتف كدا.
طلعت الفستان اللي هلبسه وأنا بضحك_ ربنا ما يحرمك مني يا روح قلبي.
_ وعشان ميحرمنيش منك هنسايرهم.
كنت بجيب الجزمة ولما سمعت جملته رفعت راسي وسندت على السرير.. _ ازاي يعني لامؤاخذه!
_ ألبس جزمة سودا ولا جملي
_ لا البس
