حازم ويارا
انك عمرك ماهتبعد ولا تتخلي عني..بس دلوقتي انت بتعمل اي بتسبني وهتمشي عايزني بقي اعمل اي اعيط واقولك والنبي متسبنيش
انا قولتلك قبل كدا
كنت فكراك بتهزر مش بتتكلم بجد ..وبعدين اتفاجأت من كام دقيقه زي زيهم
انت نتيجتك طالعه بقالها قد اي وقبل النتيجه كان في وقت قد اي تقولي فيه علي قرارك دا ..انت قررت لوحدك ودي اول مرة تحصل ان حد ياخد قرار لوحدة
اتكلم بنرة مليانه ندم
حقك عليا والله انا كنت فاكر اني قولتلك
لفيت عشان انزل ومسحت دمعه نزلت من ععيني
حصل خير ربنا يوفقك
نزلت بسرعه قبل مأنهار قدامه
طب لما انتي هتتفلقي من العياط كدا عشان هو هيسافر بتكلميه ببرود لي ومش راضيه لي تردي علي المسدجات بتاعته وبقالك يومين مش بتنزلي تحت ولا بتطلعي السطح اللي مكنتيش يتسيبيه
قوليلي اعمل اي انا متضايقه اوي مش متخيله اني هصحي وافتح باب الشقه مش هلاقيه مستنيني عشان نفطر سوا ٠٠٠٠ولا هجري عليه ونطلع السطح عشان في حاجه مضيقاني وعايزة احكيله عليها ٠٠خايفه اني يوم ماهدور عليه مش هلاقيه جمبي ..لما ابقي خاېفه مش هيجي يطمني دانا لو كان غاب ساعه مع صحابه مكنتش ببقي علي بعضي وافضل اتصل بيه وانا بينه وبينه نص ساعه بالكتير مابالك بقي لما يسافر بلد تانيه ..انا خاېفه يتشغل عني او ينساني وينسي حبنا ويحب حد تاني
هتفضلي زعلانه كتير مني ..المرادي المدة طولت اوي احنا مكناش بنتخاصم غير دقيقتين ونرجع تاني..للدرجادي قدرتي متكلمنيش دا كله ..دانا خلاص مسافر ويعالم هتشوفيني تاني امتي
انت اللي اخترت تبعد عني فابحاول اتأقلم انك مش هتبقي موجود ف حياتي
للدرجادي ..منا اكيد هبقي معاكي علي التليفون واكيد هنزل ف الاجازات
عيني اتملت دموع وصوتي بدأ يتخنق ..
بس مش هتبقي موجود ف كل وقت ..مش هتبقي موجود معايا وقت ماهحتاجك مش هلاقيك جمبي ..وقت ماهتصل بيك ممكن ملقكش متوفر ليا ..هلاقيك مشغول ..غير كدا البعد بينسي ..يعني انت ممكن تنساني
يارا انا مقدرش انساكي ..ربنا وحدة اللي عالم انا زعلان قد اي اني هسيبك لوحدك ..انا عمري ماتخيلت اننا نفترق او حد مننا يسيب التاني
مسحت دموعي بضهر ايدي
بس انت هتسبني
وعد هبقي معاكي علطول ووقت ماهتحتاجيني اتصلي بيا ف اي وقت ..دول حتي عملولنا المكالمات فيديو عشان نشوف بعض ..متبقيش نكودة بقي عايزين نخربها قبل مأمشي
خلاص يادومه انهارده اخر يوم ومش هشوفك تاني غير بعد شهور
قولتها وانا عيوني مليانه دموع ..كنا قاعدين ف السطح وبنودع ذكرياتنا اللي عملناها طول الايام اللي فاتت
والله هبقي معاكي علطول
