رواية بقلم نسمة مالك
انت في الصفحة 1 من 20 صفحات
_ انا حامل..
_ حامل! اممم مبروك....
_ واه قبل ما انسى والفرحة تاخدك اوى انتى طالق!
_ دا كان رد جوزى على خبر حملى...
_ انا ندى 19سنه بنت وحيده معنديش غير بابا وماما من طبقه مش متوسطة لا طبقة فقيره معايا ثانويه عامه حكايتى معقده شويه بس فيها عبره وعظه أتمنى انها تفيدكم .. بدأت حكايتى لما ناويت أنزل اشتغل أساعد بابا على مصاريف علاج ماما اشتغلت فى مول كبير شامل كافه شئ وقفت فى قسم المخلل كان الاول الكل مستغرب ازاى واقفه ابيع مخلل مش فاهمه ايه المشكله انا رضيت وقولت الحمد لله خصوصا ان مرتبها حلو جدا بس تعب اوى بفضل واقفه 12 ساعه ممنوع اقعد خالص كل ست ساعات باخد نص ساعه راحه اصلى واكل وارجع تانى بسرعه الدقيقه بخصم يوم كامل دخلت اوضه اللبس ولبست اليونيفورم وانا خارجه خبطت فى بنت ڠصب عنى.
البنت _ ولا يهمك انا اللى مستعجله انتى فى قسم ايه أنا أول مره اشوفك هنا.
ندى _ انا لسه جديده.
البنت _ اه علشان كده انا برضو بقول انا مشوفتش القمر دا قبل كده انا سهى شغاله هنا من قريب برضو مكملتش شهر بس ماشاء الله عليكى اليونيفورم يجنن عليكى الله ايه دا انتى احمريتى كده ليه بتتكسفى منى وانا بنت امال هتعملى ايه فى اللى هتشوفيهم بره لا اجمدى كده دا انتى تتاكلى هنا انتى اسمك ايه و فى قسم ايه اكيد اتعينتى فى قسم المجوهرات.
سهى _ ايه مخلل ايه بس بحلوتك دى ماشاء الله عليكى والله يابنتى مش بحسدك بس اصل هنا بيختارو الحلوين اوي اللى زيك كده وبيعينوهم يا في قسم المجوهرات يا في قسم الملابس الرجالى وانا متنمناش لاي بنت تقف فى قسم الرجالى دا حاسه انه يشبه اي واحده رغم اني مشتغلتش فيه فقولت اكيد انتي هتكونى فى المجوهرات.
سهى _ اه عندك حق استنى خليكى معايا على ما البس بصى انا ارتحتلك اوى وشكلنا هنبقى اصحاب انا فى قسم لعب الاطفال ومتخفيش قسم المخلل مش بيكون زحمه ربنا بيحبك بس خلى بالك كل المكان متراقب على اعلى مستوى وصاحب المكان وولاده دايما موجودين وساعات بيمرو بنفسهم واى حد مش بيشوف شغلو بيمشوه فورا هما جد اوى اوى فى الشغل.
خرجت روحت على القسم بتاعى وسميت الله ووقفت مكانى وبدأ الشغل وقولت الحمد لله ان مبيبقاش فى زحمه اوى على القسم اللى واقفه فيه لكن فجأه بدأ المكان عندى يزدحم شويه بشويه بس قدرت انظم اللى واقفين وبدات امشى بالدور بعد ما وقفتهم فى طابور عدت الايام علاقتى بسهى بقت اقوى خصوصا انها تقريبا نفس سنى وكمان تعتبر نفس ظروفى لكن هى معاها دبلوم وباباها متوفى وعايشه مع مامتها واخوتها بنتين لسه فى اعدادى وابتدائى وهى اللى بتصرف عليهم وبقينا نروح ونيجى مع بعض بس الغريبه ان كل يوم بقى على القسم بتاعى زحمه اوى اوى لدرجه كل اللى فى المول مستغربها حتى سهى!
ندى _ انا عارفه ان الزحمه بتزيد بس اول مره اعرف ان فى حد بياخد ويقف ياخد تانى انا مش ببص فى وشوش الناس اصلا باخد الورقه من ايديهم وبعبى اللى مكتوب وبديهلهم وبس وبعدين مش الزحمه دى حاجه كويسه والمشرفه قالتلى برافو عليكى انتى شايفه شغلك تمام يبقى اخلى بالى من ايه ياسهى واللى واخد باله دا واخد باله من ايه فسرى كلامك
ندى _ ماشى ياسهى يلا خلينا نستلم شغلنا
خرجت على القسم بتاعى اللى فعلا اول مره اخد بالى ان كل الزحمه اللى عليه معظمهم رجاله واتفجأت اكتر لما قالتلى البنت اللى بستلم منها بنبره
