رواية بقلم نسمة مالك
لما شاف ابنه داخل شايل واحده مغمى عليها وواضح ان دماغها بتجيب ډم فاق على صوت ابنه وهو بيقوله_ هى دى البنت اللى انت عيزها
_ انا اضربت انا عمرى ما حد ضربنى بابا وماما عمرهم ما ضربونى يضربونى ازاى وانا بنتهم الوحيدة ولما تبقى بنتهم المطيعه الهاديه اللى الكل يشهد بأدبها واخلاقها يبقى يضربوها ازاى بس انهارده ولأول مره اضربت من واحد معرفوش ولسبب برضو معرفوش! انا كنت بدافع عن نفسى ازاى يلمسنى ويمسكنى بالشكل دا وانا محرمه عليهبس برضو انا غلطت كنت هستنى ايه يعنى من واحد باين عليه الغرور والتكبر دا كله ! دا يعلمنى انى مقفش قدام راجل بعد كده واحكم عقلى كويس ومتسرعش علشان مندمش فى الأخر انا دلوقتى مش عارفه هتعامل ازاى مع نفسى وكرمتى اللى بتوجعنى دى
شهاب سند على عكازه وبيتحرك نحيه البنت _ هتموتنى لا هتجلطنى وتشلنى وبعدين تموتنى انت عملت فيها ايه
عبد الرحيم _ اهدى يا شهاب مش كده اهدى خلينا نفهم بالعقل ونفوق البنت اللى دماغها بتجيب ډم دى انا هطلب العياده تبعتلنا دكتور حالا
عمر _ مافيش داعى لدكتور جرحها سطحى وانا هفوقها
شهاب _ ابعد عنى يا عبد الرحيم سيبنى عليه مش عايز اخبطك أنت بالعكاز
وبلحظه كان قرب منه مسكه من ياقه قميصه_ انت ايه ياواد انت معمول من ايه ومن امتى وانت بتمد ايدك على اى بنت فين اخلاقك وقيمك بتعاند نفسك ولا بتعاندنى ازاى ټضرب بنت بالشكل دا فاكر نفسك فين هنا انا اللى هقفلك وهجيب حق البنت دى منك
شهاب _ بتضربها تانى وتقولى بفوقها!
بعد عنه خطوتين وبص لصحبه_ اتصل يا عبد الرحيم هات دكتور
حاولت افتح عينى بس مش قادره حاسه بصداع فظيع بدات افوق شويه بشويه وافتكرت اللى حصلى واڼفجرت فى العياط من غير ما افتح عينى بس سامعه صوت ناس حواليا بيحاولو يهدونى
شهاب _ اهدى يابنتى كفايه عياط انا هجبلك حقك .. ها يادكتوره طمنينا.
الدكتوره _ انا طهرت ليها الچرح وهى كويسه دلوقتى ممكن بس تحس بصداع ودوخه خفيفه كده الاحسن متقومش على طول وتفضل مرتاحه شويه لحد ما تستعيد توازنها...
عبد الرحيم _ تمام اتفضلى انتى على شغلك يا دكتوره وخليكى جنب التليفون لو فى حاجه تانيه هنكلمك..
بدأت افتح عينى وابص حواليا _ اه دماغى بتوجعنى اوى كل دا من قلم واحد! امال لو كلت علقھ هعمل ايه بس دا كان قلم جبار ومفترى
قومت براحه وقعدت مكانى لقيت اتنين رجاله كبار فى السن وقفين قدامى حاولت اقوم اقف بسرعه بس واحد منهم منعنى بكلامه...
شهاب _ خليكى يابنتى متقوميش على طول علشان مدخيش تانى ها عامله ايه دلوقتى
ندى دموعى ڠرقت وشى _ الحمد لله انا كويسه ...
شهاب _ طيب كفايه عياط وانا هجبلك حقك بس قوليلى ايه اللى حصل انتى عارفه انا مين الاول
حركت راسى بمعنى لا
_ انا المهندس شهاب الدين صاحب المول قوليلى اللى حصل وانا اوعدك انى اجبلك حقك
ندى بعياط هستيرى_ ح حضرتك تقدر تشوف اللى حصل اكيد الكاميرات صورته
فضلت مكانى وخت نفس وقولت لنفسى كفايه عياط كفايا ضعف وبدأت اهدى مشيو من قدامى وراحو وقفو قدام شاشه كمبيوتر على المكتب يشوفو اللى حصل وانا عينى عليهم بعد ما مسحت دموعى واتفجأت بشعرى نازل على وشى فضلت اتلفت على طرحتى حوليا لحد ما لقتها جنبى وبصيت عليهم لقتهم مركزين فى الشاشه فكيت مشبك شعرى ولمېته كله على بعضه ولفيته كحه بسرعه وانا عينى عليهم لحد يشوفنى ولفيت طرحتى .. بس اټفزعت من صوت المهندس لما زعق مره واحده وقرب بسرعه غريبه عليا وهو بيسند على
