رواية بقلم نسمة مالك
ۏجع _ شوفت يا عبد الرحيم مش قولتلك لا اطمن مقولتش انك ابنى قولتلها انك شغال عندى وانى مشيتك ومش هتشتغل عندى ولا عند غيرى علشان اجبر بخاطرها هى وابوها.
عمر يبتسم بخبث _ امممم تمام تسلم يا والدى ومتزعلش منى انا اسف انا ابن ابويا يا ابو عمر
عدى كام يوم وانا مركزه فى شغلى ورغم الزحمه اللى بتزيد الا ان ربنا بيقدرنى وبعرف انظم شغلى من غير مشاكل وعلى اد ما انا ملخومه اوى فى الشغل وبروح تعبانه جدا ومابصدق اترمى على السرير الا ان الموقف اللى حصلى والقلم اللى ختهم مش قادره انساهم ولا يطلعو من بالى مجرد ما انام احلم بيهم وبصاحبهم كمان ودى حاجه مضيقانى جدا لحد ما فى يوم مروحه انا وسهى لقيته واقف قدامى مش هنكر واقول انى مخوفتش لا انا خۏفت واوى كمان وسرعت خطوتى وانا بشد سهى اكتر..
ندى _ امشى بسرعه بس ياسهى وانا افهمك
ومجرد ما عدينا الطريق لقينا عربيه وقفت قدمنا ونزل منها اتنين رجاله ضخمين اوى وشالونى انا وسهى رمونا فى العربيه وقبل ما نصوت كانوا رشو فى وشنا مخدر محسناش بأى حاجه بعد كده
عادل _ حرما يا أم ندى..
ناديه _ جمعا ان شاء الله حمد لله على سلامتك يا ابو ندى..
عادل _ امال ندى فين لسه مرجعتش من الشغل ولا ايه المفروض انها بتيجى قبلى..
عادل _ لا هستناها طبعا بس هعمل ساندوتشين ننقنأهم كده على ما هى تيجى علشان تاخدى علاجك..
ناديه _ تسلملى وتسلم ايدك ولا انحرم منك ابدا ويحفظك يا ندى يا بنتى واشوفك احلى عروسه مع ابن الحلال اللى يقدرك ويحميكى حتى من نفسه قادر ياكريم يارب
عمر _ تمام ادخلو الفيلا واقف بالعربيه متتحركوش انا وراكم على طول وقعتى فى طريقى يا ندى نوع جديد مجربتوش قبل كده وانا بحب التجديد التجديد مطلوب ومنكرش انها عجبانى البت قمر الصراحه.
فرد امن _ حمد لله على السلامه يا باشا زى ما حضرتك أمرت البنتين متخدرين تحب نشلهم ندخلهم جوه
عمر قلع نظارته ومعطفه اللى لابسه واداه لفرد الامن وبيتكلم بكل حزم _ لا خليكو هنا انا هاخد بنت واحده وهسيب التانيه فى العربيه محدش يفوقها لحد ما اخرجلكم
اتحرك ناحيه العربيه اللى فيها ندى وفتح الباب وشالها من ايديها الاتنين رفعها على كتفه ودخل بيها الفيلا وهو بيصفر
شهاب _ شوفت يا عبد الرحيم اللى عامل حسابه حصل دا ابنى وانا عارفه كنت حاسس انه مش هيسيب البنت فى حالها نظرته ليها مريحتنيش البنت عجباه ودخلت دماغه..
عبدالرحيم _ اهدى يا شهاب وبطل عصبيتك دى خلينا نفكر بالعقل..
شهاب _ عقل بقولك الراجل اللى مكلفه يراقبه قالى انه فى فيلا العين السخنه معاه بنتين مخطفين من قدام المول عندنا دخل بواحده الفيلا والتانيه فى العربيه يله بينا خلينا نلحقه قبل ما يعمل فى البنت حاجه.
عبد الرحيم _ سيبه يا شهاب ياريت يعمل فيها حاجه..
شهاب_ ياريته يعمل انت بتقول ايه يا عبد الرحيم انت كمان هتجننى..
عبد الرحيم_ اقعد واهدى وكلم الراجل اللى بيرقبه قوله يبلغك بكل حاجه اول بأول وانا هفهمك هنعمل ايه مش انت كنت عايز تحطه قدام أمر واقع وتجوزه سيبه هو اللى هيوقع نفسه فى شړ اعماله ومدام البنت عجباه وداخله دماغه زى ما بتقول يبقى جوزها له
عادل _ بنتك جيلها عريس ياام ندى..
ناديه _ يا الف نهار ابيض يارب يفرح قلبك يا بنتى مين يا عادل قولى وفرح قلبى..
عادل _ حيلك حيلك ياوليه ايه ماصدقتى دى هيا اللى حليتنا عايزه تجوزيها أوام كده
ناديه _ عارفه يا اخويا انها وحديتنا بس ستره البنت بالدنيا خلينا نطمن عليها فى بيت جوزها بس اهم حاجه يبقى ابن حلال ويتقى ربنا فيها
