مغامرة في حارة شعبية
پخوف
هه ا انا انا قولتلك يامعلم ان الفلوس اتسرقت مني
ضربه بوكس في وشه وهو بيشتمه بألفاظ مش كويسه مقدرش اقولها عشان أنا واحده محترمه طبعا
انطق ياض بقولك وديت الفلوس فين
مسكت في دراع عمرو پخوف
انا خاېفه اوي
عمرو وهو بيحط أيده علي ايدي بيطمني
مټخافيش انا معاكي
الفلوس معاهم يامعلم انا افتكرت هما اللي سرقوني
عمرو وهو بيبلع ريقه پخوف
او خافي يعني حقك تخافي
مسكت أيده وانا بقوله بصوت عالي
اجرررررررري يامجددددي
طلع يجري معايا وقال وهو بيترج
ياسواد السواد يابا رشدي ياحزن الحززززززن
مغامره_في_حاره_شعبيه
إيمان_شلبي
البارت الثاني بقلمي إيمان شلبي
فضلنا نجري انا وعمرو وندخل في شوارع كتير لحد ما قدرنا نهرب من العصابه اللي عايزه تمسكنا
الحمد لله فلتنا منهم
وقفت سندت ظهري علي حيطه وانا بحاول اخد نفسي
انتي كويسه
هزيت راسي وعيوني بتلمع بالدموع
لا
رد بقلق
مالك في ايه
عيطت وانا بقوله پقهر
في اني مليش حظ في اني فقر في اني كل ما اقول حياتي هتتعدل وهحقق حلمي يطلع كل ده كڈب في كڈب في اني تعبت ياعمرو تعبت من كتر ما الناس بتستغلني وتستغل طيبتي انا تعبت بقي تعبت
متزعليش كل اللي بيروح مش خير ليكي لو كان خير ربنا مش هيخليه يروح ربنا رحيم بالعباد وعشان هو بيحبك بيبعد عنك الشړ تيجي أنتي بقي تقوليله ليه يارب بتبعده عني ينفع
حطيت وشي في الأرض وانا بهز راسي بحزن
لا بس بس انا تعبت اوي ياعمرو تعبت ونفسي ارتاح
اخدت نفس عميق ومسحت دموعي وانا بقوله بأسف
انا اسفه ياعمرو
علي ايه
اسفه اني عرضتك للخطړ
غمزلي بمرح
ضحكت وانا بقوله باستغراب
مغامره اي ده يابني ده احنا كان هيتعمل مننا شاورما سوري
هز اكتافه بلا مبالاه
مالها يعني الشاورما جميله وبحبها
قفلت عيني نص قفله وانا ببص قدامي بشرود
ياسلام بقي لما بيكون معاها بطاطس ولتر بيبسي
بص قدامه بشرود
وتوميه وشيبسي ياه تصدقي جوعت
اتنفضنا احنا الاتنين واحنا بنبص لمصدر الصوت والست اللي ظهرت فجأة من حيث لا ندري
بلعت ريقي وانا بسألها بتوتر
م مين حضرتك
طرقعت اللبانه اللي كانت في بوقها وهي بتقولي بمياعه
محسوبتك سماح
ه!!!
رفعت حاجب ونزلت التاني وهي بتبصلي بقرف من فوق لتحت
ومالك بتقوليها بقرف كده ليه ياختي انتي متعرفيش اني اهم ست في المنطقه ولا ايه
عمرو وهو بيعدل النظاره بتاعته
لا ما هو لازم تبقى مهمه مش اللي زيك
بصيتله من فوق لتحت وهي بتحط ايديها في وسطها وبتغمزله
متعرفتش بالكتكوت
كتكوت عمرو بقي كتكوت !
بتقولي حاجه يا انسه
احم لا ياست شخلعه ا اقصد لا يا مدام سماح بقول عن اذنك يلا ياعمرو
يلا علي فين انتوا مش هتمشوا من هنا إلا لما تدوقوا العدس بتاعي
ابتسمت ابتسامه مهزوزه وانا بهز راسي بنفي
لا متشكرين احنا لسه متغديين عن اذنك
قولت جملتي وانا بمشي من قدامها وعمرو ورايا
كنا هندخل من شارع جانبي بس لقينا واحد من العصابه
