من حكايات أيمي بقلم أيمان صلاح
وانا اتنهدت بضيق انا غلطانه اني استنيته اصلا دخلت نمت هو فضل يومين على الحال ده مش بشوفه خالص في يوم حطيت الاكل كل ودخل الاوضه وانا دخلت وراه
_عمر
بصلي بهدوء حزين _ايه عايزه ايه يا مريم
_كنت عايزه طلب
_ايه عايزه تطلقي
_لا عايزه اشتغل
اتكلم بهدوء بعد ما خد نفسه _ انا قولتلك من الاول انا رافض موضوع الشغل ده !
بصلي وضحك_ يا بنتي مش انتي سياحه وفنادق
_ اه بس ده ايه علاقته بالموضوع
بصلي بهدوء_ ده أساس الموضوع لما انتي هتشتغلي في التدريس سيبتي ايه لبتوع تربية
شوحت بإيدي _ ما كلها بقت مدرسين ها قولت ايه
بصلي بسخرية _ادي يا اختي لما نشوف لو جالك حد يبقى وريني نفسك
_لحقتي تجيبي كل دول امتى
بصتله بفخر _ انا مش اي حد يعني
_ طيب انا عايز اكل جهزتي اكل
هزيت راسي برفض _ لا طبعا ادخل المطبخ طلع اي حاجه كلها
بصلي بضيق ودخل بدل هدومه وانا بدأت الدرس وخلصت وكلهم طلعوا ما عدا اخر تلميذه
بصتلها وقعدت اشرحلها وفي الاخر قولتلها بضيق_يا بنتي مش كده طيب بصي هعيدها تاني
كنت بشرح وانا منفعله تالت مره اشرحهالها وهي مش واصلالها المعلومه خلصت وطلعت وهو قرب مني بضحك فبصتله بضيق
_بتضحك على ايه يا عمر
ضحك _ اللي يشوفك وانتي منفعله كده ميقولش دي هيكون عندها عيال امال هتعملي ايه في ولادك
اتكلم بابتسامه_ وانا معنديش وقت لمذاكرة حد
_ انا بقول ل ابو ولادي مش انت على فكره
بصلي بغيظ_ حد قالك انك مستفزه قبل كده
ضحكت _كتير لييه
زعق بصوت عالي _ يا مستفززه
تاني يوم كنت نايمه وعمر جه صحاني
_مريم قومي
_ يا مريم قومي عايز افطر بقى
قومت بضيق وانا بفرك في عيوني _ انا مش عارفه انت بتصحيني ليه سيبني نايمه وروح لوحدك
_ مش بعرف اعمل حاجه في المطبخ يلا قومي بقى عايز اروح الشغل
_ طيب اطلع بس وانا جايه
طلع وانا نمت بعد شوية لقيت مياه اتدلقت عليا قومت بفزع كان واقف وبيضحك
_بقولك جعان يا مريم قومي بقى
اتكلمت پغضب _ عمر طلقني وروح اتجوز غيري
_ خلاص جهزي الاكل وبعدها اتجوز يلا قومي بقى
بصتله پغضب _ انت بجد هتتجوز عليا يا عمر
ضحك _ مش انتي اللي قولتي
_ تقوم تسمع كلامي يعني
_ طيب قومي جهزي الفطار عندي شغل وكمان مكلتش امبارح قومي بقى
مسكني من طاقية البيچامه فبعدت أيده ودخلت الحمام غسلت وشي وصليت وبعدها طلعت عملت الاكل وحطيته قدامه
_ يلا افطر وسيبني انام
_ طيب تعالي كلي معايا
_ لا عايزه انام بس ممكن
_ يعني مش هتاكلي معايا
_ لا يا عمر اطفح وانت ساكت بقى
بصلي بحده_ انتي بتقولي ايه
ابتسمت ببرود _ بقولك بالهنا والشفا يلا انا داخله انام
دخلت كملت نوم وهو نزل الشغل بعدها لقيت موبايلي بيرن رديت على ماما
_ ازيك
يا ماما عامله ايه
_ الحمدلله بخير انتي اخبارك ايه يا مريم
_ الحمدلله يا ماما صوتك ماله
_ لا أصل جدك تعبان وعايز يشوفك
اتكلمت بقلق وخضه _ ايه تعبان ماله يا ماما
_ مفيش حاله شوية تعب والدكتور كشف عليه وقال ومحتاج يرتاح وياخد علاج عشان ضغطه عالي وطلب أنه يشوفك
_ طيب يا ماما هكلم عمر هقوله
