من حكايات أيمي بقلم أيمان صلاح

السلام زوجتي الواطيه 
_ انا واطيه يا عمر 
_ اها واطيه عشان قعدتي عندك وسيبتيني لوحدي 
_ يعني انت صغير 
_ انتي بتعملي ايه يا مريم 
_ بجهز الفطار 
اتكلم بتذمر_ وسيباني انا اكل دليفري 
_ انت مش عايزني اقعد مع جدو !
_ لا
اقعدي بس اعملي حسابك هاجي اخدك النهارده
اتكلمت بتحذير _ عمر 
_ مفيش عمر انا مش قادر اقعد من غيرك انا لا عارف اقعد في البيت ولا اكل ولا اشرب وانتي مش فيه يا مريم انا هاجي اخدك النهارده وإلا هخطفك 
قفلت معاه ايه المچنون ده حضرت الفطار وصحيت بابا وماما و جدو وقعدنا نفطر ف ماما قالتلي 
_ ايه الهمه والنشاط ده كله يا مريم من امتى بتقومي بدري 
ابتسمت _ انا طول عمري نشيطه 
_ لا واضح اوي من يومك يا بنتي 
ضحكت _ اصل عمر بيقوم بدري عشان الشغل فبقوم اجهزله الفطار 
بابا ضحك _ الجواز بيعلم الادب 
ضحكوا وكملنا فطار وبعدها عطيت لجدو العلاج وقومت شيلت الاكل ونشرت غسيل وحطيت دورة غسيل تاني مش عارفه الغسيل ده هيخلص امتى من الدنيا شطبت المطبخ وبعدها قومت على الشقه وخلصت وقعدت جنب جدو بعد ما بابا راح الشغل 
جدو بصلي وقالي _ كلمتي عمر 
ابتسمت _ اها كلمته يا جدو 
بصلي بهدوء _ انا كنت شايل همك بس من وقت ما شوفت نظرته ليكي وتردده وهو ماشي ومش عايز يسيبك وقتها اطمنت عليكي وعرفت أنه بيحبك 
قلبي دق وافتكرت كلمته _ بيحبني !
ابتسم _ اها وانتي كمان حبتيه يا مريم 
اتكسفت ومعرفتش ارد عليه فطبطب عليا وقالي _ لما يجي النهارده روحي معاه متبعديش عن جوزك وبيتك 
_ بس انا عايزه اقعد معاك يا جدو 
_ انا بقيت كويس يا حبيبة جدك خلي بالك من بيتك وجوزك
هزيت راسي ولما جه فعلا قولت ل بابا ومشيت معاه دخلت الشقه وبعدها بصلي وابتسم 
_ حاسس ان الشقه رجع فيها الروح تاني 
ابتسمت ودخلت قعدت وهو جه قعد جنبي 
_ خطوبة جهاد بنت عمتي بكره 
بصتله بفرحه _ بجد يعني عندنا خطوبه بكره 
ضحك _ تخيلي جهزي نفسك بقى ولا اقولك تعالي اشتريلك فستان وانا بدله ونروح زي العريس والعروسه
_ بس انا عندي هدوم الفرح 
_ وماله اول حاجه نشتريها مع بعض قومي اجهزي 
لبست بسرعه واخيرا هنخرج ونزلت معاه ركبت العربية ودخلنا مول اختارلي فستان وكان تحفه عجبني واشتريته واختارت ليه بدله وبعدها خرجنا ودخلنا كافيه وبصلي 
_ تشربي ايه 
_ عايزه ايس كريم 
ابتسم وبص للجرسون _ اتنين ايس كريم مانجا
طلب الايس كريم وبعدها بصلي وابتسم 
_ هاتي ايدك 
بصتله بدهشه فمسكها وطلع الدبله ولبسهالي 
_ دبلتك متقلعهاش تاني 
_ انا مش بحب البسها 
ابتسم_ البسيها عشاني 
مسك ايدي وصور ايدي وهو ماسكها وبعدها دخل موبايله وجه الايس كريم كلنا ومشينا روحت البيت وكنت طايره من الفرحه فكرة الاهتمام دي حلوه اوي والاهم من الشخص الصح 
تاني يوم يوم الخطوبه لبست الفستان ولفيت الخمار عليه وطلعت عنده كان لابس زي نجوم السينما كده ابتسمت وقربت منه وهو صفر ومسك ايدي ولفني 
_ ايه الجمال ده كله 
ابتسمت _ وانت كمان طالع حلو بالبدله
ابتسم وغمزلي _ بس مش زيك يا قمر انت 
خدني وروحنا عند القاعه وطول الطريق مشغل اغاني رومانسيه وبيبصلي وماسك ايدي وصلنا القاعه وكان حاطت أيده في أيدي دخلنا وكل اللي في القاعه باصوا علينا لفتنا الأنظار بدخولنا دخلنا سلمنا على العريس والعروسه وأغنية اشتغلت وهو مسك ايدي ورقصنا رومانسي مع بعض وبعد الاغنيه ما خلصت بصتله وابتسمت ةوقولتله _ انا بحبك 
بصلي پصدمه وابتسم وبعدها شلني ولف
بيا وقالي_ انا بعشقك
بعدها نزلني وهو مبتسم واتصورنا مع بعض وروحنا اتصورنا مع العريس والعروسه وبعدها واحد صاحبه شاورله راحله وانا من فرحتي طلعت البلكونه اشم هوا سمعت صوت حازم ورايا 
_ واقفه لوحدك ليه 
بصتله بدهشه_ بشم هوا 
_ تعرفي الفستان يجنن عليكي 
رفعت حاجبي بضيق فبصلي وقالي _ متستغربيش انا اللي بعت صاحب عمر ينداهلوا عشان اتكلم معاكي 
كنت هطلع بس هو قالي _ انا بحبك من اول ما شوفتك وانتي عجبتيني انا عارف ان جوازك من عمر ڠصب وجدي حكالي عن الموضوع ده اطلقي منه ونتجوز 
بصتله وضړبته بالقلم _ انت ازاي تقولي كده اصلا مش انا مرات عمر اللي المفروض صاحبك ازاي تبصلي كده اصلا انا مبحبش غير عمر وبس احسنلك متقفش في وشنا تاني 
كنت هطلع بس عمر دخل وضربه
بالبوكس في وشه وقاله _ مش عايز اعرفك تاني انا عارف انك انسان مش محترم من زمان ايام اشوفك تاني فاهم
خدني و روحنا وطول الطريق كان متضايق دخلنا الشقه وبعدها قولتله پخوف 
_ والله يا عمر هو اللي 
قاطعني وقال_شششش مټخافيش انا سمعت كل حاجه وانا فاهمه من زمان وعارفه
بصتله بهدوء _ يعني انت مش زعلان مني 
ابتسم ي _ عمري ما ازعل منك انا بحبك جدا وبغير عليكي بس انا عندي ثقه فيكي دايما
ابتسمت _يديمك ليا ومعايا طول العمر