حب حياتي بقلم ايمان صلاح
نمت قومت تاني يوم قومت طلعت بره لقيتهم قاعدين
_ بابا انا هروح المكتبه اجيب كتب
_ خدي احمد اخوكي معاكي
عيطت_ والله يا بابا مش هعمل حاجه تضايقكم و
اتنهدت واتكلمت بضيق_ والله يا بابا انا مش هعمل حاجه تضايقكم مني ووحتى يوسف مش بشوفوا ولو شوفتوا مش هكلمه وهمشي من الشارع تاني
_ خلاص يا فرح هديكي فرصه اخيره روحي
_ خدي الفلوس دي يا فرح عشان متنزليش من غير فلوس
هزيت راسي بهدوء_ شكرا يا بابا
قفلت الباب ونزلت وانا سرحانه حياتي اتغيرت تماما عن الاول اكتر حاجه مؤلمھ انك تحلم بحاجه وفي لحظه تضيع من ايدك تماما.
_ انا اس
بصلي پصدمه _ فرح هو انتي
_يوسف!
ابتسم بهدوء_ عامله ايه يا فرح النهارده
لسه هتحرك وقف في وشي بلهفه
_ استني انتي رايحه فين انا عايز اتكلم معاكي
_ انا اسفه يا يوسف انا وعدت اهلي اني مش هتكلم معاك
_ بعد اذنك يا يوسف همشي
سيبته ومشيت وانا متضايقه مش عارفه ليه يمكن يوسف اعرفه طول فترة الثانويه العامه فبعده مأثر فيا بس ليه يعني ده زميل عادي!
_ حمدالله على السلامه يا فرح جبتي الكتب اللي انتي عايزاها
_ نعم يا احمد خير
اتكلم بابتسامه _ يا بت تعالي نقعد وبعدها نتكلم
_ عايز ايه مني يا احمد
_ هعوز منك ايه تيجي نقعد في البلكونه زي زمان
هزيت راسي برفض_ لا عندي مذاكره
_ خلاص تعالي اقعدي هقولك كلمتين وبعدها ادخلي كملي مذاكرتك وبعدين يا اختي مذاكرة ايه ده انتي في تجاره
اتكلمت بضيق _ ما انت اللي ضيعت مستقبلي كان زماني في طب زي ما بحلم
طيب تعالي اقعدي نتكلم شويه
قعدت قصاده فبصلي وابتسم _ موضوع الكلية ده بيبقى قسمه ونصيب نصيبك هتدخلي كليه معينه فهتدخليها ربنا عايز كده
_ ربنا برضوا ولا انت السبب في قعدتي من الدروس
بصلي وبعدها حاول يتكلم بهدوء_اولا انتي عارفه كويس اني مش السبب انتي السبب انتي عاملتي في نفسك انتي اللي كلمتي واحد غريب عنك ومشيتي معاه
اتعصبت _ يوسف مش غريب يوسف زميلي انا مبعملش حاجه غلط
_ ولما انتي مش بتعملي حاجه غلط بتخليه يقعد بعيد ايه مجتيش ليه عرفتينا عليه زي باقي اصحابك البنات
_ عشان انتوا مكنتوش هتسكتوا زي ما عملتوا معايا كده
_ يبقى غلط انتي كده بتعملي غلط اول الغلط يا فرح انك تخبي حاجه عن اهلك
_ لا انا مش بعمل حاجه غلط يا احمد يوسف مجرد زميل بيساعدني في مذاكرتي
_طيب قولي الحقيقه ومتكذبيش
_ ايه
_ لا قولي والله هقول الحقيقه من غير كڈب
_ ليه يعني
_ من غير ليه
وانا اوعدك مش هكلمك واقولك حاجه او اعملك حاجه تزعلك
اتنهدت بضيق _ والله هقول الحقيقه
_ يعني وانتوا رايحين الدروس دي مش بتضحكوا مع بعض
_ يعني هنعيط يا احمد اكيد كنا بنضحك يعني!
_ طيب مجاش في مره لقاكي زعلانه راح
_ ا
اتكلم بتحذير_ من غير كڈب انتي حلفتي وانا وعدتك اني مش هكلمك
_ فعلا عشان كنت زعلانه بس انا
اتنهد بهدوء كتير وسكت شوية وبعدها اتكلم
_ كل الحاجات دي حرام يا فرح ربنا نهانا
