من حكايات ايمي بقلم ايمان صلاح
بعد فتره وروحنا مطعم قريب وقعدنا ولسه يدوب بقرا المنيو لقيت رقم غريب بيرن عليا
_ الوو مين
رد بغيظ_ هو انتي اي حد بيرن بتردي عليه على طول
_ انت مين يعني مش فاهمه وايه اللي مزعلك
_ انا وائل يا اختي برضوا مش اي حد تردي عليه فاهمه
رديت بلامبلاه _ اه اه إن شاءالله عايز ايه
_ لا لسه!
اتكلم پحده _ بتعملي ايه كل ده الساعه 7 يا هانم
ضحكت انا بحب اغيظه من زمان اوي _ ايه ده بجد تصدق مخدتش بالي اليوم جري مع فاطمه اوي
_ طيب يلا انجزي وقوليلي انتي فين
_ استنى هبعتلك اللوكيشن بس بسرعه عشان عايزين ناكل لو هتاكل معانا
_ هو مين ده
_ ده وائل ابن عمي
_ اه تصدقي مشفتهوش هو ومحمد من زمان
ضحكت_ قولي الحمد لله انك مشفتهوش
_ ايه ده ليه يعني
_ يستي بهزر وبعدين مستعجله ليه دلوقتي تشوفيه
بعدها لقيت وائل دخل وسلم على فاطمه وقعد
_ ها هتاكلوا ايه
_ طيب انتوا اختارتوا ايه
_ كريب طبعا مش عايزه كلام
_تمام وانا هختار زيكم
طلب الاكل وبعدها بصتله
_ انت جبت رقمي منين
_ خدته من نوال اختي
_ ومعرفتش منها اني مروحتش وعرفت مني سبحان الله
_ بطلي استظراف انا اخدته منها بعد ما سيبتك الصبح فهمتي
_ طيب هتطلبوا حاجه تاني غير الكريب
هزيت راسي بهدوء_ لا هو كريب بس
لسه هيتكلم لقيت موبايلي بيرن فرديت عليه
_ الوو تامر
_ اهلا يا ست هانم خطيبتي اللي مصدقت خلصت مني
_ ايه الكلام ده
_ مش انتي
متصلتيش عليا
_ هو المفروض مين يتصل يا تامر مش قولتلي انك مشغول المفروض تتصل
_ عشان انت مشغول
_ وده من امتى مش انتي دايما بتتصلي
_يعني عشان دايما بتصل لازم اتصل على طول مش المفروض تتصل من نفسك
_ لا انتي تتصلي
_ وانا مش هتصل تاني غير لما تتصل انت
رد بغيظ _ طيب هنشوف
قفل الموبيل في وشي وانا بصيت للموبيل پصدمه هو ده اخرتها انا مش عارفه ماما بتجبرني عليه ليه ده إنسان بارد والله
_ اه هو يستي
_ طيب وانتي متضايقه ليه
_ سيبك منه الكريب وصل يلا ناكل انا جعانه
ايمان_صالح
كنت بتكلم وانا بحاول ابتسم وبدأت اكل وكل الوقت ده وائل كان بيبصلي بس مش فاهمه فيه ايه!
بعد ما خلصنا اكل وائل حاسب وبعدها وصلنا فاطمه وهو في الطريق وقف على جنب
_ كده احنا وصلنا صاحبتك اقدر اعرف انتي متضايقه ليه
_ ها مين قالك اني متضايقه بقى
_ وشك باين عليه هو انتي حد قالك اني
