أبواب العشق لايمان صلاح
بسرعه المستشفى وطلعوا عند امهم والدكتور كان واقف
_احنا كده حطينا الډم وهو إن شاءالله يفوق ويكون كويس
_ماشي يا دكتور شكرا بس انتوا جبتوا المتبرع ده منين
_لا مش احنا اللي جبناه
بصتله بدهشه _امال مين اللي جابه
_هو جه وعملنا فحوصات واتبرع
_طيب هو فين الشخص ده
_هناك اهو
_شكرا يا استاذ على ال
ملحقتش تكمل كلامها لما لقيته لف وبصتله پغضب
_انت بتعمل ايه هنا تاني مش قولتلك مترجعش انت ايه
_براحه بس يا رؤى انا اول ما لقيت أن عمي محتاج ډم قولت اتبرع
_عمك ايه هو احنا نعرفك اصلا يلا امشي مش عايزين منك حاجه
_رؤى فيه ايه ده بدل ما تقوليله شكرا
_شكرا ايه يا ماما الأستاذ ده هو السبب في كل حاجه
_خلاص يا رؤى قولت شكرا يا ابني على كل اللي عملته معانا مش عارفين من غيرك كنا عملنا ايه
بصلها ماجد وابتسم وقرب منها
_لا شكر على واجب يا أمي بعد اذنك
بص ل رؤى شويه وبعدها خرج ورؤى بصتلها بذهول
_اقعدي بقى يا رؤى عايزين نعرف ابوكي هيعمل ايه
بصتلهم سما بعدم فهم _هو مين ده يا ماما وفيه ايه وازاي سما قالت هو السبب ازاي
_نطمن على ابوكي واحكيلك كل حاجه
بصتلها ومش فاهمه حاجه ومن جواها بتدعي أن ربنا يصلح حالهم .
ساره في النايت كلب وبترقص وبتشرب مع اصحابها قربت ومسكت دراع واحد من أصحابها وبترقص معاه وهو ماسك أيدها بفرحها
_شششش انا جايه اتبسطت متنكدش عليا ها
_يا ساره انا بحبك انتي ليه مش حاسه بيا
مسكت دراعه وهي بترقص_ششش ارقص وانت ساكت
بدأت ترقص وشويه وقعدوا مع بعض يشربوا واتكلم عدي صاحبهم
_امال فين رؤى معرفتيش تجيبيها زي ما قولتي
_لا يا عم دي رجعت البلد بتاعتها مش عارفه عجباها في ايه وبعدين بتسأل عليها ليه بقى
بصتله بقرف _معندكش زوق في البنات على فكره
عدي_لا متنكريش هي فعلا جامده
اتكلمت بسخريه _ما انا اديتك فرصه على طبق من دهب وانت معرفتش تاخدها
_امتى ده اهه ساعة ما كنت هخطفها ما هي كانت معايا بس ابن .... معرفش طلع منين
ضحكت بصوت عالي_وفي الآخر ضړبك ومعرفتش تاخدها
________________________________________
_ولا طالب ولا حاجه ده خريج بس كان قاعد مع صاحبه عامل فيها العاشق الولهان لست رؤى وهي مش واخده بالها اصلا ولا هي هنا مش عارفه بتحبوا فيها ايه
اتكلمت صاحبتهم_ما ترسونا على الحوار يا جماعه
اتكلمت بلامبلاه_حوار عبيط ملكيش دعوه بيه
ايمان_صالح
في بيت خالد منيره واقفه على الباب بتخبط فتح خالد كان واقف ثابت بصلها
_فيه حاجه يا ام يمنى
_ها لا مفيش بس كنت عايزه أسأل على ام احمد هي فين
_سما في بيت باباها
شهقت بخضه وتمثيل محترف _ليه يا اخويا فيه حاجه
_لا مفيش باباها في المستشفى وهي قاعده معاه
اتكلمت بخبث وطيبه مصتنعه_بجد طيب قولي مستشفى ايه واروحلها
_لا ملوش لازمه عادي يعني
_لا ازاي ده احنا سلايف ولازم اروح اطمن عليها وعلى باباها ده الواجب طبعا
فكر ثواني وهو راسه_طيب جهزي نفسك ووديكي
_ماشي
دخلت بسرعه وقفلت الباب اتصلت بجوزها وقالتله وسابت ولادها نايمين وطلعت عنده
خدها وراحوا عند المستشفى اول ما وصلوا عندهم منيره راحت عندها بسرعه بدموع مصتنعه
_الف سلامه عليه انا اول ما عرفت خليت خالد يجبني ويجي
_الله يسلمك يا ام يمنى شكرا
_المهم انتي عامله ايه
_الحمدلله
_هترجعي البيت امتى إن شاءالله انتي والقمر وتنورينا من تاني
_ربك يسهل
همستلها بخبث_لا متتاخريش ها عشان قولتلك قبل كده الرجاله متتأمنش اشوفك بخير بقى
سلمت على مامتها ومشيت مع خالد وهي فرحانه سما بصتلهم بغيظ وكان نفسها تكسر في اي حاجه قدامها بس سكتت وقعدت جنب امها .
عدت الايام ووالد رؤى رجع البيت وكانوا فرحانين اوي دخلوا البيت وعمها سلم على اخوه ونزل من غير ما يتكلم طول الفتره دي كانت سما قاعده معاهم وكانت بتقولهم انها لسه خاېفه على باباها .
رؤى كانت في الشارع ومروحه كانت بتجيب علاج ودخلت السوبر ماركت جابت حاجات وجابت شيكولاته في أيدها ومشيت كانت بتاكلها بلامبلاه اهم حاجه عندها الشيكولاته بتاكلها في اي مكان كانت ماشيه ولقيت ماجد في وشها
_تصدقي طول عمري مش بستلطف الشيكولاته بس دلوقتي بقيت بعشقها
مردتش عليه ونفخت
