أبواب العشق لايمان صلاح
اخلص يا علي بالله عليك انت دمك خفيف بس هاتها
_لا
_يا علي بالله عندي كويز بكره
_عارف
_خلاص هاتها
_مع انك متستهليش انزلي خديها انا تحت
نطيت من على السرير ونزلت بسرعه لقيته واقف
_خدي يلا اطلعي ذاكري بقى
_شكرا يا علي حقيقي انت اجمل اخ في الدنيا
_اخ !
_اه
ابتسم بهدوء _طيب يلا اطلعي بقى عشان ميعاد المدينه الباب هيقفل
_خلي بالك من نفسك يا رؤى
ابتسمت _حاضر يا علي
_اه صح هتخلصي محاضره بكره بسرعه وتكوني مجهزه حاجتك عشان هنرجع البلد
_إن شاء الله
دخلت وهو مشي وبعدها افتكرت اني نسيت اجيب حاجات نقصاني من السوبر ماركت
________________________________________
روحت عند السوبر ماركت جبت الحاجات اللي نقصاني وانا راجعه بسرعه قبل المدينه ما تبقى فجأه لقيت حد بيشدني لسه هصرخ لقيت حد حط أيده على بوقي وهو بيضحك بشړ
حاولت اصړخ بس كان حاطط ايه على بوقي وشدني من شعري بعيد وانا بعيط ومش عارفه ده مين وبعدها حسيت بيه بيبعد وحد بيضربه جامد بصيت ومصدقتش نفسي لقيت الشخص اللي كان واقف في الشباك بيضربه بعدها جري والشخص ده حاول يوقفه معرفش بصلي وقرب مني
_انتي كويسه يا انسه
اتكلمت پخوف وانا خاېفه _اه اه انا كويسه
هزيت راسي بنفي فاتكلم بهدوء _المهم حمدالله على سلامتك اطلعي مكانك بقى
لسه هتحرك لقيت علي قرب مننا ولسه هيتكلم بصلي بخضه
_رؤى مالك في ايه
عيطت ومعرفتش اتكلم خالص مسك ايدي وطبطب عليا _اهدي وفهميني فيه ايه ومين ده
بصلي بذهول _امتى الكلام ده مش كنتي ډخلتي قدامي
عيطت _والله ما اعرف ازاي بس افتكرت اجيب حاجات من السوبر ماركت روحت وانا جايه
معرفتش اكمل كلامي فعلي اتكلم
_خلاص حصل خير متزعليش شكرا يا استاذ ماجد على وقفتك معانا
_يلا اطلعي يا رؤى قدامي ولو احتاجتي حاجه كلميني بسرعه يلا اطلعي
هزيت راسي وطلعت پخوف ماجد مشي وهو فضل واقف مكانه طلعت اوضتي ودخلت لقيت ساره في وشي جريت عليا
_ايه ده مالك حصلك ايه
عياطي زاد وشهقاتي عليت فخدتني وطبطبت عليا بعد شويه لقيت علي بيتصل بيا قعدت ورديت عليه
_انتي كويسه يا رؤى
_اه كويسه يا علي اطمن
_بعد كده متتصرفيش من دماغك اخر مره اقولك لو عايزه حاجه كلميني مش تمشي بدماغك
_علي انت بتزعق ليه انا في ايه ولا ايه
_خلاص متزعليش اشربي حاجه قبل ما تنمي ونامي بدري عشان المحاضرات
قفلت معاه وبعدها ساره بصتلي
_خدي اشربي الليمون ده واهدي
هزيت راسي فكلمتني بهدوء
_اي الحصل معاكي وبتتخانقي مع علي ليه
حكتلها اللي حصل وهي كانت بتسمعني بدهشه وعيونها بتوسع
_انتي غلطانه يا رؤى على الاقل كنتي اتصلتي بيا أو ب علي
_مكنتش اعرف ان كل ده هيحصل يا ساره صدقيني
_خلاص حصل خير المهم تكوني كويسه اتغطي بقى ونامي عشان تقومي فايقه
غطتني ونامت مكانها وانا كنت مړعوبه وخاېفه اوي بعد شويه نمت صحيت تاني يوم على موبايلي فتحت وانا نايمه
_ها يا رؤى بقيتي كويسه
اتكلمت بنوم _اهه يا علي بقيت كويسه الحمدلله
_خلاص يا البسي عشان هوصلك مش هسيبك تروحي لوحدك
_لا يا علي هروح لوحدي انا مش خاېفه نفسي على فكره
_بس انا خاېف عليكي على فكره يلا البسي وانزلي
ابتسمت ونسيت اللي حصل منه امبارح لبست وكنت هنزل بس ساره وقفتني
_رايحه فين كده مش كنتي تعبانه
_لا يا ساره بقيت كويسه يلا البسي وهستناكي تحت
_يا بنتي شكلك تعبانه
_لا الحمدلله مش عايزه اضيع المحاضره دي
_انتي حره
_طيب مش هتنزلي ولا ايه
_لا هنزل طبعا استني هلبس واجي
_لا انا هنزل وانتي انزلي ورايا عشان علي لوحده تحت
نزلت ووقفت قصاده فبصلي جامد
_انتي منمتيش
________________________________________
ولا ايه
_لا نمت كويس الحمدلله
_مش باين عليكي انتي منمتيش
_با علي انا كويسه متقلقش عليا انا نمت الحمدلله
_طيب كويس يلا نمشي
_لا استنى ساره جايه
_وهي تيجي معانا ليه
_عشان متمشيش لوحدها يا علي عندك اعتراض
رفع أيده باستسلام_هو انا اقدر
بصتله وضحكت ووقفنا عشان ننتظر ساره .
في بيت سما
كانت واقفه في المطبخ وھتموت وتنام ما صدقت ابنها نام ووقفت عملت الشقه وبتجهز الاكل قبل ما جوزها يرجع من الشغل بعد شويه سمعت صوت الباب عرفت أنه رجع
_سما انتي فين
_انا في المطبخ يا خالد
اتكلم وهو داخل _انا راجع من الشغل تعبان جدا
بص في المطبخ
