سندريلا في بيتي بقلم منى أحمد حافظ الجزء الأول

علشان تنول غرضها بس أنا مش هخليها تطول حاجة أنا هصلح الغلطة اللي وقعتك فيها البت دي هديها قرشين وتغور من هنا.
_ أنت بتقولى ايه ازاى تفكرى للحظة انى هسمح لك تمسى مراتى بكلامك بصى يا مدام نهاد ولاء مراتى على سنة الله ورسوله ومش هسمح ابدا ان اى حد يقلل منها وخلاص الهدوء السخيف اللى كنت حطاها فيه انتهى من اول ما بقت مرات نبيل جويد وحذاري أن اى حد يفكر انه يتطاول عليها انا بحذر الكل ولو تحذيري مش مفهوم انا مستعد احذر بطريقه مأظنش انها هتعجبكم. 
ارتبكت نهاد أمام هجوم نبيل فاحتمت خلف زوجها وقالت بصوت اودعته كل قدرتها على التمثيل لتظهر بمظهر الضعيفه
_ جويد انت انت سامع ابنك بيقول ايه ولا عاوز يعمل ايه انا مش مصدقة نفسى بجد.
أعترض جويد على موقف نبيل وحديثه وتحرك وحجب نهاد عنه وقال
_ ايه يا نبيل هتنسى نفسك وتتطاول على مراتى وأنا واقف ولا إيه اتفضل ألبس هدومك أنت والهانم اللى معاك وحصلنى على المكتب تحت ويكون معاك دليل كلامك واظن انت فاهم انا قصدى ايه.
ورمقه والده بنظرات غامضة جعلت الشك يسكنه وسمع همهمة نهاد الغاضبة وهى تغادر برفقه والده فاشار نبيل برأسه الى شقيقته لتتفهم بسمة مطلبه فدفعت شقيقها بهير الذى نظر إليهم ساخرا ليرمى ولاء بنظرة توعد قبل أن تغلق بسمة الباب خلفها حينها الټفت نبيل ونظر باعتذار الى ولاء التى حدقت به پانكسار ولكنها سرعان ما تكرت ما فعله فازداد ڠضبها
_ انا عارف ان اللى علمته غلط بس أنت اللى اوحيتى ليا بالفكرة لما حكيتي لي الفخ اللي بتنصبه ليا نهاد وتولين وقلت لازم أسبق الكل واخليهم يفوقوا بقى ويعرفوا ان مش كل حاجة الفلوس والمركز والمظاهر ومكنش فى افضل من انى.
اسرعت ولاء وقاطعته پألم وقالت
_ ومكنش فى افضل من انك تجيب الخدامة اوضتك وتضحك عليهم بيها علشان تذلهم وتقلل منهم لما تبقى على علاقة بالخدامة اللى دخلتها وسطهم وساويتها بيهم بس نسيت حاجة مهمة انك كمان بينت لى انا قد ايه انت ندل وخسيس ومعملتش اعتبار ان الخدامة دى عندها كرامة واحساس وانها فالاول والاخر بنى ادمة ليها حق تعيش زى اى حد.
ازداد احساس نبيل بالندم حين رأى حزن ولاء ورأى دموعها وسمعها تضيف بقولها
_ لما انت جبان كدا ومش قادر على مواجهة والدك وخاېف ترفض العروسة اللى جيبها ليك بتستغلنى ليه هيفيدك بايه اللى انت عملته عجبك بصة الاحتقار اللى مرات ابوك بصتهالى ولا عينين ابوك اللى قالت لى هندمك يا خدامة علشان اتطاولتى على اسيادك ولا مشفتش عنين البيه المحترم اخوك اللى فاكرنى مش كويسة كل دا انت مشفتوش علشان مشفتش الا نفسك وانانيتك لما فكرت تكذب عليهم وتوهمهم انك اتجوزت الخدامة وايه يعنى ما هى خدامة تبوس ايدها وش وضهر بقى وهرميلها قرشين فالاخر مش كدا عموما انا مش هكمل