ندم العشق.. آلاء محمد

فات شوية وقت والماتش بدأ ..
احمد ..شوق يلااا الماتش بدأ ..
شوق.. جايه اهو كويس اني لحقت ..
فضلوا يتفرجوا علي الماتش بحماس وهما بياكلوا ...
احمد ..جوول عاش والله يا شباب ...
شوق.. ايوا بقي يا جامدين ...
شوق ..الشوط الاول خلص هروح اعمل فشار تاني ..
احمد.. وهاتي البيبسي معاكي ..
شوق دخلت المطبخ وهي بتضحك بالراحه وعملت الفشار وجهزت كل حاجه وخرجت بيها وفضلوا سهرانين قدام الماتش لحد ما احمد نام وهو قاعد ..
شوق بصتله بحب.. ااه يا احمد منك مش عارفه نهاية اللي احنا فيه ده ايه ..
شوق راحت جابت لحاف وغطته بيه ومسكت الورق اللي كان جنبه وبصت فيه ..
شوق پصدمه.. ياااه كل ده شغل وراك يا احمد مفيش فايده فيك هتفضل طول الوقت كده تكوم شغلك ومخلصتش نصه كمان ...
شوق سابت الورق وجت تقوم بصت لأحمد وصعب عليها دخلت جابت اللاب من اوضتها وعملت كوبايه قهوة ومسكت الورق وفضلت تشتغل طول الليل مكنتش لاقيه تفسير لتصرفاتها دي لكن كل اللي كانت عارفاه انها مش عايزه احمد لما يصحى الصبح يتضايق انه نام ومخلصش كل شغله .. فات اكثر من ٤ ساعات وكانت خلصت ابتسمت بحب وحطت الورق مكانه وخدت اللاب ودخلت اوضتها ونامت بتعب ..
شوية واحمد صحي وبص حواليه بقلق ..
احمد.. يا نهار ابيض مخلصتش الشغل ...
احمد مسك الورق واتفاجيء ان الشغل خلصان ومترتب والورق مظبوط ...
احمد ..معقوله سهرتي وعملتي كل ده دا انا كنت سايب كل حاجه ملغبطه..
احمد ابتسم اوي وقام اخد شاور ولبس هدومه وقعد يظبط حاجته في الصاله شوق صحيت فالوقت ده وخرجت الصاله 
احمد بابتسامه ..صباح الخير ...
شوق.. صباح النور ..
احمد قام .. مش عارف من غيرك كنت هكمل ازاي..
وعايزة اكل .. ااا انا نسيت اخد الدوا ..
شوق غيرت الموضوع وقالت..بتعمل ايه ..
احمد كان ماسك المكوه عايز اكوي القميص بس المكوه مش راضيه تسخن ..
شوق راحت اخدتها منه.. وريني كده اه ما طبيعي متسخنش لانك مش حاطط الفيشه اصلا ..
احمد ضحك.. ده بجد استني احطها ..
شوق ضحكت.. روح انت جهز بقيه حاجتك وانا هكوي بدل ما تبوظه زي ما بوظت القميص الجراي فاكر
احمد ..احم بلاش احراج بقي ..
شوق ضحكت بصوت عالي وبدات تكوي وهي بتقول.. احراج دا القميص كان ب ٣٠٠ ج يا جدع وقعدنا يومين فاتحين الشبابيك عشان الريحه تخرج يلا اديني هكسب فيك ثواب ..
احمد.. مش مهم هو اصلا مكنش عجبني ..
شوق ضحكت.. طبعا اومال يلا روح غير هدومك عقبال ما اكويه ..
شوق كوت القميص وهي بتضحك واحمد غير هدومه ولبس القميص ونزل واول ما نزل شوق مسكت الفون بتاعها وكلمت صاحبتها وحكتلها كل اللي حصل ..
هناء بضحك ..انا مش فاهمه انتي مټعصبه كده ليه ..
شوق ..انتي متخلفه ما انا حكيتلك البلوة اللي رجعت امبارح من الشغل لقيتها احمد مينفعش يرجع لحياتي تاني يا هناء ..
هناء بخبث.. بذمتك احمد بلوة يا بت دا انتي بعد ما اطلقتي جتيلي وقعدتي ټعيطي لما غرقتلنا الشقه دا حسام جوزي راح بات عند مامته من كتر المحزنه اللي كنتي عملاها ..
شوق ..عادي يعني بعدين جوزك دا اصلا ندل وواطي اسمعي خليه يكلم احمد ويقوله يمشي 
هناء..لا يا اختي انا مليش دعوه أتصرفي انتي ف حياتك خرجيني انا وجوزي برا الحوار انتوا الاتنين أغبياء والداخل بينكوا خارج 
شوق.. تصدقي إن انتي كمان واطيه وبياعه اقفلي يلا لسه هعمل الاكل 
شوق قفلت .. اما عند هناء قفلت وقعدت تضحك وحسام جوزها دخل عليها 
حسام ..حبيبي بتضحكي علي ايه ..
هناء حكتله اللي حصل.. تخيل والله الاتنين مجانين ..
حسام ضحك.. مش فاهم هيفضلوا كده لأمتي فاكره يوم جوازهم اتخانقوا عشان الورد اوف وايت مش ابيض ..
هناء.. ولا بعد شهر اتخانقوا عشان مرضيش ينزلها الستاير بس بجد بقي انت ممكن تسيبني زي ما احمد سابها !
حسام ..ده كلام برضه يا هناء انتي مش عارفه انتي ايه عندي اوعي اسمعك تقولي كده تاني دا انا بحبك من ثانويه عامه واتبهدلت وشوفت الويل عشان اعرف اتجوزك هناء انا بحبك..
هناء..وانا كمان بحبك...
شوق قامت عملت الباستا كانت بتعملها