زواج مدبر شروق خليل
بهدوء هدخل واعتذر
دخلت الأوضه بهدوء ملقتش حد وفي الحمام مفيش برضو راحت فين! نزلت بسرعه فضلت ادور عليها ملقتهاش خالص رجعت البيت بعد ما تعبت على أمل انها تكون رجعت وطلعت فتحت الشقه ودخلت الاوضه لقيتها من البلكونه نازله من عربيه حد راجل وبيسلم عليها! دا انت ليلتك سودا وطلع فتح الباب قبل ما هى تفتح وبصلها بطريقه تخوف _ والله لسه بدرى يا مدام
مريم بۏجع _ سيب ايدي يا يوسف
يوسف _ كنت فين!
مريم حاولت تتكلم بشجاعه عكس اللى جواها _ وانت مالك هو انا بسألك عن حاجه!
يوسف زقها جامد لدرجه انها وقعت على الأرض واتكلم بصوت عالى _ انا مش قايلك متخرجيش لا طبعا لازم تعاندى وتخرجى وتبينى إن كلمتى مش فارقه لا ورجعالى مع راجل ونازله من عربيته انت ناسيه انك متجوزه ولا ايه يا هانم!
يوسف نزل لمستواها واتحكم في نفسه _ اياكي تتكلمى في الموضوع دا تانى والا هتشوفي تصرف مش هيعجبك وبعدين انت بتقولى ايه! انت ناسيه انك نازله من عربيه راجل من شويه!
يوسف خبط على الكرسي _ مريم! لاخر مره هسالك مين اللى كنت نازله من عربيته!
مريم بتحدى _ حاجه متهمكش
مريم كانت بتحاول تتحكم في خۏفها _ ايه هتضربني بالقلم تانى! ولا هتلوى دراعي لحد ما يتكسر في ايدك
يوسف قام وقف بتوتر _ انا كنت هعتذر منك النهارده بس انت كل مره بتخلينى اتعصب اكتر واعمل حاجات عمرى ما عملتها قبل كده
يوسف نزل لمستواها تانى وبصلها بتركيز وكمل كلام _ انت بتخلينى اكره اليوم اللى قررت فيه اعتبرك حد قريب منى عاوز اعرف هدفك ايه! عاوزه تخلينى اخسر اكتر واحده وقفت جنبي هنا وساعدتنى وحبتنى حتى لو انا محبتهاش ربع حبها ليا بس عمرى ما هنسى انها انقذتنى قبل كده وو انت تيجي في الاخر تشككينى فيها علشان اكرهها انت كان ممكن تقوليلي انك غيرانه منها وانا كنت هبعدك عنها عادى
مريم بعدت عنه وقامت وقفت بس ضحكت ضحكه سخريه فجأه _ اممم هستغرب ليه ما انت اللى مربيك احمد بيه اكيد هتبقي شبهه
مريم بصتله پصدمه _ بجد هو كل اللى فارق معاك مين اللى نزلت من عربيه دا ابن خالو صاحب مطعم هنا وهيبقي مديري في الشغل اللى هشتغله ممكن تبعد
يوسف بعدم فهم _ وكمان هتشتغلىى!
مريم _ ايوا هشتغل
مريم بعدت عنه بس خبطت فيه بدراعها _ اااه
يوسف فاق من شروده وبص لدراعها لاحظ أنه احمر من ضغطه عليه واستوعب هو عمل فيها ايه هو بجد ازاى يعمل فيها كده! هى دى معامله هو عمره ما عمل كده مع اى حد تأثير هاجر عليه وثقته فيها وصله أنه يأذي مريم كده
يوسف مسكها _ مريم تعالى
مريم برفض _ انا تعبانه وهنام
يوسف قعدها على الكنبه _ هنتكلم شويه وبعدين هسيبك
في مكان تانى
هدى شافت على داخل _ حمدلله على السلامه يا على
على بحب _ تسلمى يا حبيبتى ها أنا جعان حضروا الغدا ولا لسه
هدى _ بيحضروه عشر دقايق وهيبقي جاهز
على _ مش شايف البنات يعنى
هدى _ خرجوا النادى
على _ امممم طيب ما تيجي اعزم مراتى حبيبتى على الغدا برا وتغيري جو بما انك مبتخرجيش
هدى بفرحه _ بجد!
على _ ايوا طبعا يلا اجهزى وهكلم السواق يمشي واحنا هنروح احنا بالعربيه
هدى _ حالا هجهز
. عند يوسف ومريم .
يوسف _ مريم انا بجد مش عارف ازاى كنت قاسې معاك بس انت نرفزتينى وقللتى منى خليتينى اتصرف بطريقه مش كويسه معاك انا بجد بحبك اوى وبعتبرك اقرب صاحبه ليا دلوقتى بس انت مصممه انك تبوظى كل حاجه بينا أنا مش انانى وعمرى ما كنت كدا انا اسف
