زواج مدبر شروق خليل
_ بس أنا هنا دلوقتى
مريم پخوف _ خضتنى يا مصطفي
مصطفي ضحك _ بتكلمى مين ومشغوله اوى كده لا وبتحكيله عنى
مريم _ دى ملك
مصطفي _ ملك! ملك صحبتك
مريم _ ايوا فاكرها
مصطفي _ طبعا هو انتم حد ينساكم تعبتونى
ملك كانت بتسمع كلامهم وهى لسه على الموبايل مع مريم _ مريومه طيب انا هقفل بقي
مريم _ ليه
ملك _ اصل انا هروح لعلا اخت يوسف وهنعمل شوبينج وكده من وقت ما سافرتى وانا لوحدي هنا وكنت بفكر ارجع انجلترا بس بابا نازل مصر في شغل كالعاده فقلت افضل شويه بس للاسف بابا هيستقر هنا
ملك بحزن _ ما انت عارفه انى مش بشوف ماما غير كل سنه مره
مريم _ لا دلوقتى انت بقيت جنبها وعمو مش هيمنعك عنها هم متفاهمين
ملك _ إن شاء الله يلا سلام
مريم _ سلام
قفلت مع ملك ولقيت مصطفي قاعد لسه
مريم _ سايب شغلك يعنى
مصطفي _ مش من حقي اشرب مع اختى قهوه ولا ايه!
مصطفي _ ايه رأيك تيجي معايا وتشوفي ماما
مريم _ يلهوى عاوزنى اموت!
مصطفي ضحك بصوت مسموع _ هههه انت لسه فاكره
مريم ضحكت _ فاكره ايه بس طنط مش بتحبنى خالص وانت عارف دى كانت بتضربك لما تقولها انى اختك وانك مش هتسيبنى
مريم كملت بحزن _ وفي الاخر خدتك منى برضو
مصطفي _ انت عارفه هي عملت كده ليه وعارفه انها كل ما بتفكتر إن عمتو هى اللى فضلت تهتم بيا وأننا اخوات في الرضاعه بتفتكر الفتره اللى بابا خدنى فيها مصر وانها كانت هتطلق
مصطفي _ دلوقتى اقتنعت بجد بس أنا كل حاجه بالنسبه ليها ودايما بتقولى انى بفكرها ببابا انت عارفه كانت بتحب بابا ازاى
مريم ابتسمت _ قصه كفاح حب خالو وطنط بجد جدو كان بيحكيلي أنه هو وماما مكانوش عاوزين خالو يتجوزها ابدا علشان كان شغلها كله سفر ومش بتشيل مسئوليه وبتدلع وجدو أهلها كسفوه اكتر من مره بس في الاخر خالو اتجوزها وسمع كلامها وعاش بعيد عنهم فتره بس رجع ليهم بقي لما انت اتولدت واتخانقت ومشيت بس خدك منها وبعدين رجعوا تانى علشان كانت بتحبه اوى
مريم _ اممممم الحياه بتمر بينا وبتاخد احبابنا واحد واحد عمرى ما كنت اتخيل إن كل اللى بحبهم هيبعدوا متفضلش غير ملك ودلوقتى حتى هى في مصر
مصطفي بصلها پصدمه _ بجد! هي مش كانت في انجلترا
مصطفي _ انا فرحت اوى انك خلاص رجعتى لعمو
مريم حاولت تتكلم بهدوء _ امممم
مصطفي _ طيب جيتى ليه فرنسا
مريم بتوتر _ اصل اصل يعنى قلت اجى اقعد شويه هنا وارتاح من بعد مۏت جدى وكمان انت عارف إن تعب جدى أثر على دراستى شويه فهحاول اخد كورسس هنا على ما ارجع
مريم اتوترت اكتر بس أنقذها رنه الموبايل _ احم بعد اذنك
مريم _ الو
يوسف _ مال صوتك
مريم _ مفيش
يوسف _ طيب انا خلصت وهاخدك وانا ماشي
مريم _ ياربي بقي
يوسف _ في حاجه!
مريم _ مصطفي معايا مش هينفع اركب معاك قدامه
يوسف بعصبيه _ يووووه مصطفي مصطفي مورناش غيره من امبارح الشخص دا وهو ماله تركبي معايا ولا لا
مريم ببرود عصبه اكتر _ مقولتلوش انى متجوزه
يوسف _ نعم يا حبيبتى!
يوسف قفل في وشي من غير ما يسمع رد منى بصراحه طنشت هو اصلا اللى مش عاوز حد يعرف ودخلت كملت كلامى مع مصطفي
في مصر .. ملك بتعب _ علا ما تيجي نروح نشرب حاجه
علا بحب _ يلا
ملك _ انا حبيتك اوى بجد انتى معوضانى ومخليانى مش لوحدى
علا ابتسمت _ عاوزه اقولك انى متضايقه من نفسي بسبب تصرفي مع مريم بجد
ملك ابتسمت وحاولت تقنع علا بكلامها _ مش ذنبك انت بس كنت حاسه ان يوسف مش مبسوط معاها وكلنا كنا كده بس هم دايما بيتكلموا معانا ومبسوطين
علا _ فعلا
.
كانت مريم قاعده بتضحك مع مصطفي
مصطفي _ يلا هوصلك
مريم ابتسمت _ هجيب حاجتى واجى
مصطفي _ تمام
جبت شنطتى وحاجتى لقيت يوسف في وشي
مريم _ يا خبر
يوسف ابتسم بخبث وعلى صوته _ ايه يا حبيبتى مستنيكى من مده برا
مصطفي بصله پصدمه _ مين دا يا مريم
مريم بصيت ليوسف بذهول من غير اى رد مصطفي
