دممية سلبت قلبي لسولييه نصار

المرادي عارفة ليه .
ماما _ ليه يا ورد
ورد  _ لأن حتي لو انتي طلبتي مني اقابل عرسان تاني انا هرفض واسيبلك البيت واطفش
ضحكت ماما وطبطبت عليا وهي بتقول _ لا خلاص حرمت.
ضحكت وانا بتنهد براحة علي الاقل خلصت من وجود العرسان غير المرغوب فيهم بس رغم كده مش قادرة نظرات اخر واحد نظرات القرف والخۏف كأنه شاف وحش .عادي مفروض اكون اتعودت اذا كان اللي كنت فاكراهم اصحابي بعدوا عني وعايروني بشكلي ما بالك الغريب .  .
تاني يوم .
_ ورد كريمة صاحبتي بتقول ان فيه جراح تجميلي شاطر اووي ممكن يساعدنا ويرجعك زي الأول وأحسن.
بصيت لماما وانا بهز راسي بيأس وقلتلها _ احنا رحنا لعشرين دكتور قبل كده وقال مفيش فايدة يا ماما ال ح ر ق واخد  نص وشي وال ح روق صعبة اووي .
_ يا بنتي ابوس ايديكي روحي معايا ومتتعبنيش
قلت بتعب _حاضر يا ماما
حجزتلي ماما عند الدكتور وانا متأكدة انه هيقولي مفيش امل كالعادة بس حبيت اريح ماما وخلاص .واداني ميعاد بعد اسبوع ..
وفي يوم كنت قاعدة عند عمتي برسم لما عمتي دخلت عليا وقالت _ ورد فيه واحد عايز يقابلك بره .
_مين يا عمتو
_تعالي شوفي بنفسك .
طلعت من اوضتي عشان اشوف مين ولقيت العريس اللي رفضني اخر مرة واهانني
ورد _ انت جاي تاني ليه .
كريم بتوتر _ كنت جاي عشان اعتذر منك كنت قليل الذوق اووي بس قدري انتي شعوري لما واحد يشوف صورة واحدة ويعجب بيها وبعدين يلاقييلاقي
_ يلاقيها مش و هة صح قولها متتكسفش
_انا ..انا 
كټفت ايدي وانا بقول  _ انا مش زعلانة اصلا انا اتعودت علي كده وانت معذور مفروض عمتي كانت تقولك الحقيقة فاعتذارك مقبول وبتمنالك السعادة
كريم_ انا مش جاي عشان اعتذر بس
ورد _ أومال عايز ايه
كريم _ عايز اتجوزك
_ افندم بتقول ايه
كريم _ بقولك تقبلي تتجوزيني !
_ انت بتهزر صح اتجوزك ازاي 
_ زي الناس هنتخطب الأول وبعدين نتجوز .
بصيتله بذهول وانا بقول _ وايه اللي خلاك تغير رأيك فجأة ! ايه شفقت عليا مثلا
كريم بصبر _ طيب ممكن تقعدي ونتكلم بهدوء .
قعدت وانا مستنياه يتكلم أبتسم لما جات عمتي جابت صينية العصير  وقالها _ تسلم ايديكي ..
مشيت عمتي وسابتنا لوحدنا فضل لمده دقيقتين وهو ساكت وباصص ليا
ورد_ ايه هتفضل ساكت كتير
كريم _ عايزاني اقول ايه
ورد _ ليه وافقت فجأة انت اول ما شوفتني قعدت تصرخ كأنك شفت عفريت عايز تقنعني انك اعجبت بيا بعد ما روحت البيت مثلا 
كريم _ شوفي انا انسان صريح وانا هتكلم بصراحة تامة .كل راجل بيحب تكون مراته علي قدر عالي من الجمال وبالذات انا انا طبعا بهتم بجمال الروح بس بالنسبالي جمال الوش برضه مهم جدا واهم من الروح  انا لما شوفت صورتك قبل الحاډث اتهبلت عليكي مترددتش ثانية اتقدملك بس لما شوفتك اټصدمت.
ورد _ مش فاهمة برضه عايز ايه من كلامك ده
كريم بتوتر _ انا اللي اقترحت علي عمتك الجراح التجميلي الجراح ده يبقي اخو مرات اخويا هو شاطر جدا وليه خبرة مع الچروح والتش وهات .
ضحكت بسخرية وقلت _ يعني انت موافق  تتجوزني بشرط اني اعمل العملية 
_ايوة !
_افرض منجحتش طيب 
رد كريم بتوتر _ مش هتجوزك.
ضحكت بذهول وقمت من مكاني وانا بقول _ حضرتك عايزني اعرض حياتي للخطړ في عملية ممكن بنسبة كبيرة متنجحش عشان بس اتجوزك ولو منجحتش تخلع انت واعاني انا
_انا بحاول اساعدك
_اطلع برة 
كريم _ يا آنسة ورد ميصحش كده
_ قولتلك اطلع بره انا بقولهالك اهو انت لو اخر راجل في العالم مستحيل افكر فيه
بعد يومين .
_ مش رايحة يا ماما الدكتور كفاية بقا سمعت كلامك كتير المرة دي لا!
_ يا ورد متتعبنيش روحي البسي والا والله ما هكلمك طول حياتي
بصيتلها وانا حاسه بالظلم وصړخت للمرة الأولي في وشها _ كل ده عشان خاطره عايزاني اخاطر بالشكل ده عشان ارضي البيه  . .عشان يتكرم حضرته ويرضي بيا خلاص بقيت رخيصة للدرجة دي ..
الام _ عشان نفسك .عشان محدش يجرحك بكلمة .مش عشانه هو طظ فيه .يا بنتي اسمعي الكلام