مرادي لنيرة وائل
قلبها
صفية _ نقول مبروك
ياسمين _ تيته انتي لسه صاحيه
صفية بضحك _ طيب مبروك
ياسمين _ هو ايه
صفية _ بيحبك وشكلك انتي كمان بتحبيه
ياسمين _ لا انا مش بحب مراد
صفية بضحك _ وانا مجبتش سيرة مراد
ياسمين _ يا تيتة بقا
تاني يوم بتصحى ياسمين وبتلاقي رقم غريب باعتلها على الواتساب بتفتح المسدچ وبتلاقي محتواها_ صباح الخير يا ڪل الخير
بتبعتله مسدچ وبتقول مين
بيرد عليا _ مرادڪ
ياسمين بتحك شعرها _ مرادي
بعدها بتستوعب انه مراد وبتضحك
بيبعتلها مسدج
_ ابتسامتك حلوه اوى
بتبص ياسمين حواليها _ هو عرف منين اني ابتسمت
مراد _ متبصيش حواليكي اكيد مش معاكي في الاوضه يعني
ياسمين _ بقولك ايه جو الافلام ده مش بياكل معايا انت مهكر الفون ولا ايه
بيعدي اسبوعين وهما بيتكلموا وبيتقابلوا عند صفية على طول
بيرن موبايل ياسمين وبتكون ايمان
ياسمين _ يا ايمااااان الحقيني كويس انك اتصلتي
ايمان _ ايه يا بنتي في ايه
ياسمين _ مش بيرد عليه من امبارح
ايمان _ اوبااااا دا انتى واقعه اوي
ياسمين _ ايمان بطلي رخامه بقا
ياسمين _ اتنيلي دا انا حبيته من اول اسبوع في المترو
ايمان _ طيب الراجل عمال يقولك بحبك وانتي كل مره مش بتديه رد اكيد هيطفش
ياسمين _ يعني هو كده طفش
ايمان _ ممكن. جايز. مش اكيد
ياسمين _ لو كلمنى تانى هعترفله اني كمان بحبه
ايمان _ لو كلمك بقا
ياسمين _ ثواني في حد بيرن
بتبص ياسمين بتلاقيه مراد
ايمان بضحك _ طيب ردي اجري
مش بتستنى ياسمين رد ايمان اصلا وبتكون قفلت
مراد _ وحشتيني
ياسمين بعصبيه _ وحشتك لا والله بجد امال مش بترد عليا ليه من امبارح وسايبني قلقانه
مراد _ يعني كنتي قلقانه عليا
ياسمين _ احم. لا قصدي
بيضحك مراد
ياسمين _ متضحكش
مراد _ والله يا قلبي كنت في المستشفى من امبارح كنت مسحول طول اليوم عمليات ومعرفتش اكلمك
مراد _ حقك عليا انا اسف ياقلبي
ياسمين _ ايه قلبي اللى كل شويه تقولها دى كمان
مراد _ ملكيش في الرومانسيه. بقولك ايه اطلعي ف البلكونه كدا
ياسمين _ لييه
مراد _ اطلعي بس
بتطلع ياسمين البلكونه وبتشوفه بيشاورلها
مراد _ البسي وانزلي مستنيكي
مراد _ هنخرج شويه
ياسمين _ فين
مراد _ مفاجأة تعالي بس
بتلبس ياسمين وبتنزل
ياسمين _ على فين العزم ان شاء الله
مراد _ مفاجأة
بيركبوا وبياخدها الملاهي
ياسمين _ بتهزر صح
مراد بحزن _ معجبتكيش
ياسمين بضحك _ معجبنيش ايه دا ھموت واجي من زمان
مراد _ يا شيخه وقعتى قلبي
بتشده ياسمين من ايده وبيدخلوا بيقطعوا التذاكر وبيدخلوا بيت الړعب. بيكون المكان ضلمه ومرعب جدا وياسمين مش بتبطل صړيخ
مراد _ مادام جبانه بتدخلي ليه
ياسمين _ عشان انا غبيه
بيظهر قدامهم مجسم مخيف وياسمين بتصرخ وبتستخبي في مراد بتتلاقى عنيهم وبيسرحوا
مراد _ مش ناوية تنزلي ولا ايه
ياسمين _ هااا
مراد _ اللعبه خلصت يلا
بتبعد عنه ياسمين بإحراج وبينزلوا
ياسمين _ عايزة غزل بنات
مراد _ طيب ما انا اتغزل فيكي عادي
ياسمين _ متستهبلش
مراد _ يا بنتي انتي مش رومانسيه خالص
ياسمين _ كنت جوزى ولا خطيبي عشان ابقى رومانسيه معاك
مراد بيقرب منها _ ابقى حبيبك وجوزك المستقبلي
بتضربه ياسمين ف رجله وبتطلع تجري وبيقضوا اليوم مع بعض وبعدها بيعدوا على صفيه
مراد _ يا صفصف
صفية _ ايه يا قلب صفصف
مراد _ انا طالب ايد ياسمين
بتكون ياسمين بتشرب عصير واول ما بتسمعه بتشرق .. وبعدها الباب بيخبط بتجري ياسمين
