مرادي لنيرة وائل

ايمان تجري وراها وبيركبوا تاكسي وبيروحوا على الشقه 
ايمان _ ياسمين انتي جايه هنا ليه 
ياسمين _ ايمان خليكي هنا وانا جايه متنزليش من العربيه لو سمحتي 
ايمان _ طيب بس عرفيني انتى جايه هنا ليه 
بتسيبها ياسمين وبتمشي وبتطلع العماره لحد ما بتوصل للشقه بيكون معاها نسخه من المفتاح .. بتفتح الشقه براحه وبتدخل وهي بتتمنى تكون اللى كلمتها بتكدب عليها لحد ما بتسمع صوت جاى من اوضه النوم وبيكون الباب مفتوح منه شويه وبتشوف خطيبها مع واحده .. بتحط ايديها على بوقها عشان تكتم صوت عياطها وبتجري بس بتوقع المزهريه وبتتكسر ف بتعمل صوت بيطلع محمود يجري 
محمود _ مين هنا 
وبيلمح خيال ياسمين اللى بتكون مشيت بيجري محمود وراها وهو بينادي عليها بتجري ياسمين على الاسانسير لكن بيكون في حد ف بتنزل على السلم ووراها محمود اللى بيمسك دراعها 
ياسمين بعصبية وعياط _ ابعد ايديك القڈرة دي عني 
محمود _ ياسمين اهدي والله هفهمك
ياسمين _ تفهمنى ايه انا شفتك يا محمود تفهمنى ايه 
بتزق ايده وهو بيشدها وبتحصل بينهم مشاجرة بتنتهى بوقوع ياسمين من على السلم 
بااااك
صفيه بتملس على شعرها وبتبطب عليها _ محدش يستاهلك منهم يا حبيبتي
ياسمين بعياط _ ليه كل اللي بيدخلوا حياتي بيبقوا كدابين وخاينين. انا ليه حظي في الدنيا وحش كدا يا تيتا
صفيه _ ربنا هيعوضك بالاحسن منهم يابنتي
ياسمين _ انا معتش عايزة حد انا اكتفيت خلاص 
عمروصاحب مراد العوام _ يا مراد انت ازاي تعمل حاجه زي دي 
مراد العوام _ عشان بحبها يا عمرو كنت عايز اوصلها بأي طريقه ولما شقتي السباكه باظت فيها وجيت شقه مراد اللى كان عاطيني مفتاحها لقيتها نازله من عند جدتها فضلت ماشي وراها لحد ما عرفت انها ياسمين اللي كان بيحكيلي عليها وجدتها لما شافتنى في البلكونه فكرتني مراد وانا ساعتها استغليت الوضع عشان اقرب من ياسمين 
عمرو _ انت كدا في نظرها كداب وخاېن 
مراد العوام _ انا محسبتهاش كنت عايز اقرب منها بأي طريقه وخلاص 
عمرو _ انت غلطان يا صاحبي بس المفروض دلوقتي تروح لمراد تصالحه وتشرحله كل حاجه وتسيب ياسمين يومين تهدى بعدين تكلمها
مراد العوام _ مش عارف اواجه مراد ازاي وخاېف ياسمين تسيبني
عمرو _ ايا كان اللي هيحصل بقا لازم تستحمل نتيجة غلطك 
بعد يومين بيخبط باب شقه مراد وبيروح يفتح وبيلاقيه مراد العوام بيقفل الباب في وشه بس مراد العوام بيحط رجله قدام الباب عشان ميتقفلش وبيدخل
مراد أبو الخير _ عايز ايه يا سليم 
مراد العوام _ عايز اتكلم معاك 
مراد أبو الخير _ انسى ان كان ليك صاحب 
مراد العوام _ خليني اشرحلك اللي حصل 
مراد أبو الخير بيخبط ايده في الحيطة بعصبيه _ تشرحلي ايه. انت استغلتني وانتحلت شخصيتي عشان تقرب من البنت اللى قولتلك انى هنزل مصر مخصوص عشان اتجوزها
مراد العوام _ يا مراد اسمعني 
بيمسكه مراد أبو الخير من ياقه قميصه _ اسمع ايه. انت واحد خاااين واناني دا انا اديتك مفتاح بيتي كنت بشاركك كل حاجه عمري ما عملت معاك حاجه وحشه ليه تعمل فيا كده ليه 
مراد العوام _ انا شفتها وحبيتها من قبل ما اعرف انها ياسمين 
مراد أبو الخير _ ولما عرفت مسبتهاش ليه وبعدت
مراد العوام _ عشان حبيتها يا مراد 
بيضربه مراد بوكس في وشه وبيوقعه في الأرض 
مراد أبو الخير _ امشي من هنا يا سليم 
مراد العوام _ مش همشي. اضربني اعمل فيا اللى انت عايزه بس سامحنى 
مراد أبو الخير بيروح يقومه بعصبيه