وحيدته لنيرة

مبحوح 
_ انا اسف 
مقدرتش اقاوم مشاعري واترميت عليه وانهرت من العياط سكتت بعدها بشوية ورجعنا قعدنا هاديين...لقيته بيبص على ساعته بتوتر 
_في ايه 
مسك ايدي وابتسم بتوتر ملحوظ 
_ انا لازم امشي دلوقتي عندي طيارة 
_طيارة... طيارة ايه انت مسافر 
هز راسه بمعنى ايوا.. سحبت ايدي بسرعه و اتكلمت پصدمة وانا مش مستوعبة اللي قاله 
_ يعني انت جاي تسلم عليا في الخمس دقايق دول... يعني حتى معرفتش تيجي قبلها تقعد معايا كام يوم 
_ نورا انا... 
_ انت ايه... هتقولي اسف تاني 
_ كل حاجه جت فجأة ومكنتش مرتب للسفر...سامية تعبانه ومضطرين نسافر عشان تتعالج هناك 
_ لو سمحت امشي  
_ اختك هتفضل معاكي هنا 
_ اختي .... يعني انت جاى عشان تسيب بنتك عندنا 
_ مينفعش تسافر معايا عشان دراستها ومينفعش تقعد لوحدها 
كنت في لحظة ادراك انه مجاش يشوفني دا جه عشان يسيب بنته هنا .. دا حتى مأنكرش دا 
_ خلي بالك من اختك يا نورا 
ابتسمت بكسرة 
_ يعني انت مكنتش جاي تسلم عليا انت كنت جاي عشان بنتك التانيه 
اتكلم بعصبية  انتى ازاي بتفكري كدا 
رديت بصوت عالي    انا بكرهك... بكرهك و بكره بنتك ومراتك 
سبت الاوضه وطلعت اجري وانا بعيط كنت حاسه إني تايهه مش عارفه انا رايحه فين لقيت رجلي بتوديني على اوضة محمد انا اصلا مليش غير محمد محدش بيحبني غيره هو وجدي...هو الامان بالنسبالي وكل حاجه في دنيتي من يوم ما وعيت على الدنيا وهو جمبي انا بحبه لا انا بعشقه مش مجرد حب عادي دا وصلت اوضته ولقيت الباب مفتوح كنت لسه رايحة اجري عليه لكن... لكن اتسمرت مكاني لما لقيت اختي واخدة مكاني محستش بنفسي غير وانا بجيبها من شعرها وهي بتصرخ اتكلمت بعصبية وانا لسه مسكاها 
_ انتي بتعملي ايه هنا سافري مع ابوكي متقعديش هنا امشي 
لقيت محمد زقني بعيد عنها لدرجه ان ضهري اتخبط في  الدولاب وصړخت بۏجع لكنه جري يطمن عليها واتجاهلني لا اتجاهلني ايه دا مكنش شايفني فعلا  لقيته  بيبصلي بعصبية وزعقلي 
_ ايه اللي انتي عملتيه دا انتي اټجننتي 
بصتله پصدمة وانا بحاول استوعب اللي حصل لكن حتى معطنيش فرصة استوعب ولقيته مسح على وشه بعصبية 
_ اطلعي برا يا نورا 
صدمتي فيه كانت اكبر بكتير من صدمتي في بابا ساعتها حسيت ان نفسي بيضيق وقلبي وجعني طلعت اجري من الاوضة كنت بجد تايهه مش مجرد احساس لا بس المرة دي مكنتش عارفه اروح لمين فضلت اجري لحد ما طلعت برا البيت وقفت في الشارع وانا ببص حواليا لقيت اني قريبة من المقاپر بعد فترة كنت نايمه جمب قبر جدي وبعيط 
_ وحشتني اوي انا محتجالك ليه مشيت وسبتني يا جدو انا ليه الكل بيسبني عارف محمد النهارده زعقلي ومد ايده عليا هربت من الكل وجريت عليه اترمي عليه بس لقيته مش فاضيلي لقيت غيري مكاني رحت له هربانة من الأذي لقيته هو كمان آذاني كنت زي الطفل اللي بيجري على امه عشان يعيط في بس لقاها بتضربه عشان يبطل عياط انا حسيت اني خسړت اماني النهارده 
في الاخر نمت من التعب ومحستش بنفسي غير والدنيا ضلمة كنت خاېفة ومش عارفه هروح ازاي لحد ما سمعت صوت خطوات بتقرب مني فضلت متسمرة مكاني وغمضت عيوني بړعب حسيت بنور بيضرب في عيني وصوت محمد وهو بيتكلم بلهفة 
_ نورا انتي كويسة 
اول ما لقيته قدامي حسيت روحي رجعتلي تاني ونسيت كل حاجه حصلت جريت عليه واترميت في عليه وانا بعيط.. طبطب على ضهري واتكلم بقلق واضح 
_ نورا في ايه متقلقنيش عليكي 
افتكرت كل اللي حصل وانهرت من العياط لكن بدل ما ابعد عنه فضلت ماسكة فيه اكتر.. لقيته سندني ومشي بيا مكنتش قادرة اجادله واقوله سيبني.... فضل ساندني لحد ما وصلنا عربيته قضينا طول الطريق ساكتين اول ما دخلنا البيت لقيت جنة اختي بتجري عليا مني عندها عيلة وانا بابا نسى ان عنده بنت تانيه اصلا هي اخدت مني