إختيار خاطئ لإيناس طه
نتكلم في مكان تاني
ملك مكان تاني طب شوف بقي أنت لو ما مشيت من قدامي أنا هشتكي للعميد وهقوله إنك بتمشي ورايا و بتعاكسني
هشام انتي فهماني غلط والله مش بعاكس كل الحكاية إن أنا معجب بيكي وعايز أتقدملك
ملك لا برافو بجد تصدق تمثيلك حلو جدا بس ياريت تمثل علي حد تاني مش عليا
هشام أمثل إيه...أنا مش فاهم حاجة
ملك معقولة خلاص أنا هفهمك أقصد إن الشباب اللي زيكم ياريت يغيروا شوية من الطرق بتاعتهم دي علشان بقيت قديمة و مكشوفة أوي...وسابته ومشيت
نور أيمن الحقني أنا في مصېبة
أيمن مصېبة إيه
نور في عريس متقدملي وأهلي موافقين عليه
أيمن ببرود وبعدين يعني المفروض أعمل إيه
نور هو إيه اللي تعمل إيه
أنت لازم تيجي تتقدملي وبسرعة
أيمن بضحك أتقدم إيه...لا الحقيقة مش هينفع طب أقولك علي حاجة أحلي ما توافقي علي العريس طالما كويس إيه اللي يمنع
نور پصدمة أنت بتقول إيه
نور بدموع أنت مش المفروض بتحبني إيه اللي يمنع عايز تسيبني كده بسهولة
أيمن أنا بقول الأحسن ليكي خلينا صحاب بس لكن أكتر من كده متعشميش علشان أنا مستحيل أتجوزك و ياريت متتصليش بيا تاني
سلام يا قلبي...وقفل في وشها
نور كانت بټعيط مش مصدقة إنه اتخلي عنها وإنها اتخدعت فيه طول الفترة دي
أيمن بضحك بس إيه رأيك علمتها الأدب ومسحت بيها الأرض
نسرين تصدق صعبت عليا أوي يا أيمن
أيمن ميصعبش عليكي غالي يا ساتر دي كانت مغرورة وشايفة نفسها هي وأخوها مش فاهم علي إيه...أديني ذلتهالك وخدتلك حقك منها
ملك قالت لعالية علي اللي حصل في الجامعة وهما ماشيين في الطريق
عالية بضحك بس حرام عليكي حد يعمل كده افرضي كان بيتكلم جد
عالية ملك افهمي مش معني إنه قريب مازن يبقي زيه علي العموم الأيام هتثبتلنا يلا اسيبك أنا بقي عايزة حاجة
ملك إيه مش هتطلعي معايا
عالية معلش كفاية كده مش عايزة أتأخر أوي بالليل يادوب ألحق أروح علشان ماما متقلقش عليا
ملك تمام خلي بالك من نفسك
ملك بإبتسامة سلام
ملك فتحت الباب وأول ما دخلت البيت اټصدمت لما شافت نفس الشاب بتاع الصبح عندهم في البيت
ملك بعصبية أنت بتعمل إيه هنا
والد ملك في إيه يا ملك حد يدخل ويزعق كده
ملك أنا آسفة يا بابا مش قصدي أنا بس..
والد ملك ممكن تهدي شوية وعلي فكرة أستاذ هشام قالي علي سوء التفاهم اللي حصل وجاي وطالب ايدك مني
والد ملك هو إيه اللي ازاي الشاب جاي يتقدملك محتاجة توضيح دي
هشام ممكن يا عمي بعد إذنك أتكلم مع الأنسة ملك شوية
والد ملك مفيش مانع يا ابني
ملك قعدت وكانت مكسوفة وحاسة بالإحراج منه ومن اللي عملته
هشام أنسة ملك أنا بعتذر منك علي اللي عملته بس مكنش عندي حل تاني و ملقيتش طريقة تانية غير دي
ملك بتوتر أنا اللي آسفة علي كلامي وأسلوبي مع حضرتك بس أنا يعني...وهشام قطع كلامها
هشام متكمليش أنا عارف وفاهمك كويس وعندك حق تعملي كده وده اللي عجبني فيكي أكتر وخلاني متمسك بيكي أنا خدت عنوانك وجيت أتقدملك بشكل رسمي وأطلب إيدك من والدك علشان اثبتلك إن كلامي الصبح كان جد ولو حابة تسألي عن أي حاجة اتفضلي
ملك عجبها رده وقالت بخجل علي العموم أنا هصلي استخارة و ردي هيوصل لحضرتك مع بابا
هشام بإبتسامة تمام وأنا هستني ردك
والد ملك جي وهشام أستأذن ومشي
ملك كانت مستغربة شخصيته وحاسة فعلا إنها ظلمته وإنه إنسان كويس جدا ومحترم وكانت مبسوطة من كلامه دخلت أوضتها واتصلت علي عالية وقالتلها علي اللي حصل
عالية شوفتي بقي إن كلامي طلع صح
ملك أنا والله لحد دلوقتي مش مصدقة اللي حصل مش عارفة أعمل إيه
عالية توافقي طبعا الراجل جالك لحد عندك وطلب إيدك وبتقولي مرتاحة يبقي خلاص
وبعدها قالت بضحك كويس إنه عدي موقف الصبح وعذرك واحد تاني كان هرب وخاف يكلمك تاني
ملك بضحك أه والله أنا اتكسفت أوي خلاص أنا هصلي إستخارة وأرد علي بابا اللي قاعد يسألني كل
