عطر يونس لإسراء ابراهيم
_.. تعرف اني كنت خاېفة منك احسن تعذبني بقي وكدة زي الروايات اللي بقراها وبعدين تحبني وانا بقي اكون بكرهك بس في الاخر احبك
يونس برفع حاجب _.. والله وايه كمان تاني عاد
عطر خرجت من ه وقربت وشها من وشه وقالتله بهمس _.. تعرف اني عشت طول عمري في بيت تيتة وكل يوم كنت بحلم باليوم اللي يجي فيه فارس احلامي و يخطفني بقي ويخليني اعيش معاه قصة حب كبيرة اوي بس انت صدمتني اه متستغربش اول ما تيتة قالتلي قولت اكيد بقي هتجوزه يحبني وانا كمان احبه بس انت طلعت كنت متجوز وبتحب مراتك
يونس_.. اتخبلتي اياك ايه اللي بتعمليه ده ومالك حالك اتشجلب اكده ليه وايه اللي بتخطرفي بيه ده
عطر قامت وبقت تلف في الاوضة وهيا بتضحك وفاردة ايديها
عطر _.. شوفت بقي اني غبية اوي وساذجة
عطر كانت بتضحك فجأة سكتت وبصتله ووقعت مغمي عليها وقبل ما تقع على الارض لحقها يونس ووقعت قصاده وهو بيقؤل پخوف _.. عطررر.......
خرجت الدكتورة من اوضة عطر ويونس معاها وكانت مستنياه برة حسنية اللي مړعوپة علي عطر وعبير اللي بتفرك في ايدها من التوتر وخاېفة ليتكشف امرها
الدكتورة_.. متقلقش يا يونس بيه المدام بخير وبصت لحسنية وعبير ورجعت بصت ليونس وقالتله ممكن اتكلم مع حضرتك علي انفراد
يونس بقلق _.. حاضر يا دكتورة وبص لحسنية وعبير وقال بأمر انزلو انتو دلوجتي وانتي يا خالة حسنية اعملي لعطر حاچة تاكلها وفعلا نزلو هما الاتنين
يونس پصدمة _.. حبوب هلوسة طب كيف ده ومين اللي رايد يحصل فيها اكده
وساعتها افتكر عبير مرات اخوه فقبض علي ايده پعنف وقال بهدوء غير اللي جواه_.. تمام يا دكتورة متشكر جوي اتفضلي انتي
وفعلا الدكتورة مشيت وهو دخل لعطر ولقاها نايمة على السرير وحاطة ايدها علي وشها وبتعيط جامد
عطر بحزن وهيا لسة ايدها علي وشها _.. انا اسفة اووي
يونس بحزن_.. انا اللي اسف حجك عليا وانا ليا حساب مع اللي عمل اكده
عطر شالت ايدها من علي وشها بحذر وقالت ببحة _.. بجد يعني مش زعلان مني عاللي قولته
يونس ابتسم وقعد جمبها _.. لا مش زعلان منك وهعتبر نفسي مسمعتش حاچة وياريت يا عطر لو بعد اكده تعتبريني اخوكي الكبير اينعم انتي مرتي بس ده عالورج بس لحد ما اطمن عليكي وبعد اكده هطلجك وتبجي حرة
يونس بابتسامة _.. اؤمري يا ست البنتة
عطر _.. هو ينفع اشتري روايات عشان بيسلوني اوي
يونس باستغراب _.. انتي بتعرفي تقري
عطر اتعدلت وقالت بثقة _.. طبعا انت فاكرني جاهلة ولا ايه تيتة كانت بتخلي جارتنا طنط مريم المدرسة تعلمني القراية والكتابة وكمان اتعلمت بلهجت المصراوية اكمنها كانت من مصر وكانت هيا اللي بتجبلي الروايات اقراها
يونس _.. امممم واضح انك مثجفة بجي
عطر ضحكت بصوت _.. طبعا اومال ده انا اعجبك اووي
يونس بصلها وهيا بتضحك وابتسم _.. طيب هسيبك بجي تريحي وانا هروح المصنع اشوف الشغل ماشي كيف ولو احتچتي حاچة كلميني انا هشيعلك خالة حسنية تجعد وياكي
عطر حركت راسها بابتسامة_.. ترجع بالسلامة
يونس _.. الله يسلمك وسابها وخرج وعطر ابتسامتها اختفت وغمضت عنيها بحزن
...
تحت كان عاصم قاعد عالكنبة بيشرب قهوته ولاحظ عبير قاعدة جمبه بتاكل في بعضها وباين عليها متوترة وخاېفة
عاصم مالك يا عبير عمالة تاكلي في بعضك ليه اكده خير
عبير بقلق مفيش يا عاصم هيكون مالي يعني وكملت بصوت واطي ربنا يستر بس
عاصم بشك متوكدة انه مفيش اصل شكلك زي اللي عاملة عاملة اكده
عبير بتوتر عاملة ايه يا راجل ممفيش حاچة انت بس اللي مكبر الموضوع
يونس پغضب عبير
عبير وقفت من الصدمة ولفت لقت يونس نازل عالسلم ووشه باين عليه الڠضب خخير يا واد عمي
يونس وهو بيقرب عليهم وموجه كلامه لعبير پغضب اللي حوصل ده لو اتكرر تاني صدجيني مش هيحصلك خير ابدا فاااهمة
عبير بړعب من صوته العالي هووو انا عمل ايه يعني يا يونس
يونس بتحذير انا مش هكرر حديتي مرة تانية وبص لعاصم اخوه
