قدر بسمة

_ عشان خاطري ياجوز اختى السنه دى وبس استحملنى ادخل الجامعه وبعدها هدور على شغل وهصرف انا على نفسي والزياده هدهالك مساهمه فى مصروف البيت بس ارجوك استحملنى السنه دى كمان وبس ارجوك 

حازم _ انا بقالى خمس سنين مستحملك من يوم ۏفاة والدك ووالدتك وانا شيلك على دماغى وبصرف عليكى بس الظروف اتغيرت والشركه اتخلصت منا حتى اسألى اختك احنا حالتنا بقت صعبه وانا مش قادر على مصاريف اولادى فلازم اخف الحمل شويه من على ظهري وجه الوقت بقى اللى تردي الجميل ليا ولأختك عشان نقدر نربي أولادنا 

بسمه _ تقصد ايه ارد الجميل ليكم ازاى يعنى وانا لسه طالبه 

ونظرت لاختها_  ما تفهمينى انتى يا اختى ارد الجميل ازاى مش فاهمه 

اختها سمر_  اصل ..اصل يووو اسمعى كلامه يابسمه ڠصب عنا والله هنعمل ايه بس احنا لما كان ربنا مقدرنا كنا بنصرف عليكى ومقصرناش بس الظروف دلوقتى اتغيرت وبعدين دا جواز على سنة الله ورسوله 

بسمه_  جواز جواز ايه دا انا لسه تلميذه عاوزين تخلصوا منى انا نفسي اكون دكتوره حرام عليكم انا هشتغل وهساعد بس بلاش الجواز ده وسبونى اكمل تعليمى عشان خاطرى يا جوز اختي قولى له يا اختى 

حازم _ فى ايه انتى محسسانى اننا هنموتك ولا هنرميكى فى الشارع دا احنا هنجوزك واحد مقتدر وهيعيشك احسن عيشه دى جواز ولا كنتى هتحلمى بيها دا لما طلب ايدك منى انا ما كنتش مصدق عارفه مين دا الحاج سالم صاحب محل العلافه الكبير اللى على الناصيه 

بسمه _ ايه وكمان الحاج سالم حرام عليكم دا انتم بتبيعونى بقى

ونظرت لاختها _ طب هو كل اللى يهمه مصلحته ومصلحة اولاده إنما انتى اهون عليكى ترمينى الراميه دى دا متجوز ومن سن والدى 

سمر _ ما اولاده هما اولادى والمصلحة واحده وبعدين دا جواز دا هيعيشك فى مستوى تانى خالص يعنى عجبك الفقر اللى احنا فيه ده 

بسمه_  لا دا انتوا متفقين عليا بقى بس انا مش متجوزه دلوقتى انا عاوزه اكمل تعليمى

حازم _ طب بصي بقى يا توافقي على الجوازه يا اما تشوفى صرفه ليكى انا مش فاتحها ملجأ 

سمر _ ايه الكلام ده ياحازم احنا ما اتفقناش على كده مادام هى مش موافقه خلاص استحمل السنه دى كمان بقى وخلاص ما مش معقوله هنرميها فى الشارع اكيد يعنى 

حازم _ يعنى ايه يا سمر انا قادر على مصاريفكم لما افضل شايل همها هى كمان 

دخلت بسمه على الغرفه اللى بتنام فيها وهى تبكي واخرجت صورة والديها وظلت تحدثهم وتقول_  تسبتونى ليه لوحدى حتى اختى جيا عليا خوفا من جوزها وعشان مصلحة أولادها اعمل ايه وظلت تبكي 

سمر بعد ان دخلت بسمه غرفتها _ فى ايه يا حازم ايه اللى قولته ده احنا قولنا تضغط عليها بس إنما تهددها انك ترميها فى الشارع لا طبعا انا ما ارضاش بكده 

شاور حازم ليها بعدم استعنى مشوحا لها بيده وتركها ونزل وهو يقول _ على فكره انا كنت بتكلم بجد وشوفى ليكى صرفها معها 

سمر لسه هترد عليه كان سابها ونزل دخلت لاختها الغرفه وجدتها تبكى 

سمر _ في ايه يا بسمه احنا بندور على مصلحتك وبصراحه كده احنا مش حمل مصاريف دراسه لا وكمان انتى بتفكري تدخلى طب انتى عارفه مصاريف الكليه دى قد ايه وبعدين الكليه دى ما بينفعش معاها انك تشتغلى لان بتطلب حضور مافيش غير انك تقبلى الزواج وابقى كملى تعليمك معاه وهنشرط عليه ياستى ايه رايك 

لم ترد بسمه عليها واكتفت بالنظر لها من فوق لتحت وعادت للبكاء