قدر بسمة

قامت سمر غاضبه _ يعنى عوزانى اعمل ايه بصراحه الحمل بقى كبير عليه وهو اتحمل كتير ودلوقتى مستقبلنا وحياتى اولادى فى ايدك انا هسيبك لنفسك بقى ولو حابه تخربي عليا وضميرك هيسمح ليكى بكده نبقى نشوف لينا مكان انا وانتى ويمكن والعيال كمان بقى فى الشارع 

وخرجت وسابتها تبكي 

احست بسمه انها تريد أن تتكلم مع احد وتفضفض معه لعلها ترتاح اتصلت على صديقتها من تليفون المنزل وحكت لها ما هى فيه 

فقالت لها صديقتها _ سيبي ليهم البيت وتعالى اقعدى معايا اهو نذاكر مع بعض 

بسمه _ طب وأهلك هيرضوا بكده 

صديقتها _ اه اكيد طبعا دا اهلى طيبين اوى تعالى بس متخفيش انا هتصرف 

فى وقت متأخر من الليل وبعد ما الجميع نام جمعت بسمه أغراضها فى شنطة سفر ونزلت دون أن يشعر بها احد وعندما وصلت لصديقتها ادخلتها 

سلمت بسمه على والدها ووالدتها ودخلت مع سلمى صديقتها الغرفه وبعد ان دخلوا 

سلمى_  معلش يا بسمه انا كلمت بابا وماما بس هما قالوا لى لو يوم ولا اثنين ولا حتى اسبوع ماشي إنما على لطول لا 

بسمه _ وجايه تقولى لى دلوقتى طب هعمل ايه انا دلوقتى ارجع ليهم زى الكلبه واعمل اللى عاوزينه 

سلمى_  لا ترجعي فين خليكى معايا الكام يوم دول وبعدين نبقى نشوف صرفه هترجعى ليهم بعد ما لمتى ملابسك ومشيتى هيتحكموا فيكى وهيذلوكى خليكى بس معاكى هنا وربك ييسرها بعدين 

جلست معها كام يوم وكانت الأمور تسير على ما يرام ولكن والد سلمى قال لسلمى _ انا كده عملت اللى عليا إنما تقعد اكتر من كده مش هينفع اهلها أولى بيها زمان الامر هدى خليها ترجع ليهم

وكانت بسمه تسمع حديثهم فقامت من نفسها بلم أغراضها مره اخرى وخرجت امامهم وهم مازالوا يتحدثون 

وقالت لهم _ انا همشي بقى متشكره على الكام يوم دول 

سلمى _ هتروحى على فين استنى طب انا نازله معاكى اطمن هتروحى على فين 

والد سلمى _  ارجعى لاختك يابسمه يا بنتى واسمعي كلامها بدل الپهدلة اللى انتى فيها دى

خرجت بسمه وخلفها سلمى ووقفت بسمه فى الشارع لا تدرى ماذا تفعل 

سلمى_  بقولك ايه فكره زميلنا حسام 

بسمه_  ماله حسام هيعمل لى ايه يعني 

سلمى_  نحاول نوصل له وهو هيتصرف دا عنه منك من زمان واكيد مش هيسيبك فى الظروف دى وهو زي ما اعرف اهله اغنيه ومبسوطين اكيد هيتصرف ليكى فى مكان تقعدى فيه لحد ما تخلصي الثانويه وبعد كده يحلها ربنا 

بسمه_  بس ازاى نطلب منه خدمه وانا مافيش بينه اى قرابه 

سلمى_  اسمعى بس كلامى هو ده الحل الوحيد 

وفعلا قدروا يوصلوا له وكلموه فرح حسام اوى بالموضوع وقال ليها _ انا معايا مفتاح شقة بابا بذاكر فيها مع زميلى اقعدى فيها واحنا هنذاكر عند اى واحد من زميلي

لسه بسمه هتقول_  بس ...

حسام_  خلاص الكلام خلص يالا بينا 

وفعلا اتجهوا للشقه وعندما وصلوا فتح حسام باب الشقه وقال لبسمه _ اتفضلى 

دخلوا الاثنين بسمه وسلمى الشقه وقال حسام _ هنزل اجيب انا شوية حاجات من السوبر ماركت اللى تحت وهطلع 

سلمى _ انا همشي بقى مادام اتطمنت عليكى 

أمسكت بسمه يديها وقالت_  ماتسبنيش انا خاېفه 

سلمى _ خاېفه من ايه انتى ابقى خدى الحاجه منه وادخلي واقفلى على نفسك الشقه مټخافيش 

وفعلا اول ما طلع حسام اخدت منه الحاجه وشكرته ومشي وهى قفلت على نفسها الشقه ودخلت تغير ملابسها وهى تسأل نفسها _ وبعدين هتعملى ايه يا بسمه