جواهر الجبل بقلم زهرة الربيع

حصل امبارح وانه دخل عند جواهر واللي قاله ضړب جبينه پغضب وجهز بسرعه ونزل اول ما نزل تحت كانو الكل على الفطار وجواهر جمب كريم وبيتكلمو سوا وبيضحكو جبل بصلهم بضيق وقعد وقال.._ صباح الخير
الكل صبحو عليه وامه قالت.._ ايه يا حبيبي فضلت مستنياك لنص الليل اتأخرت قوي امبارح
جبل قال.._ احم..كنت مع صحابي سهرنا سوا والقعده اخدتنا
جواهر ابتسمت بسخريه وقالت.._ بقولك ايه يا كيمو قوم نتمشى شويه في الجنينه اصلي اتخنقت من القعده في البيت
كريم وقف بسرعه وقال.._ يلا بينا انتي تأمري
جواهر وقفت ولسه هتمشي معاه جبل مسك ايدها جامد وبصلها پغضب وقال.._ جواهر انا قررت اتجوزك جدي قال انا اولي بيكي من اي حد
الكل فرحو وجواهر بصتله پصدمه وقالت.._ انت مش كنت رافض
جبل ابتسم بسخريه وقال.._ غيرت رأيي مش هسيب ورثي وورث ابويا لمجرد لعبه هبله لعبتيها مع جدك
جواهر زقت ايده پغضب وقالت.._ بس الوصيه بتقول اني انا اختار اللي يعجبني بنكم
جبل وقف وبصلها بتحدي وقال.._ فعلا بس انتي مكملتيش باقي الوصيه واللي بيقول ان في حال انا رفضتك يحقلك تتحكمي في ورثي او تمنعيني منه ..اما بقى في حال انا وافقت اتجوزك وانتي اللي رفضتي يبقى تتنازليلي على كل فلوسي وده اللي انا محتاجه انا وافقت اتجوزك قدام الكل ومن انهارده بالليل كمان
جواهر بلعت ريقها بتوتر وقالت.._ بس بس انا مش عيزاك انا حره
جبل قال بسرعه وسخريه.._ فل قوي يبقى اجهز ورق التنازل وتسبيلي فلوسي وتروحي تتجوزي كيمو تتجوزي كونو انتي حره بس اوعي يسيح
جواهر بصتله پغضب وقالت.._ ماشي انا فاهمه انت بتعمل كل ده ليه متوقع اني هتنازلك عن فلوسك بسهوله انسى ياجبل هتفضل تحت ادارتي لو حبيت تشتري كباية قهوه لازم انا اوافق الاول
قالت كده ومشيت وكربم اتنهد وقعد على الكرسي ومسك دماغه بحزن جبل بصله پغضب وقال.._ مش مصدق اللي انت عامله في نفسك انت اكتر واحد عارفها وحافظها وبير لاسرارها اكتر من منها واكيد عارف انها بتحبني من زمان وكل الڠضب اللي هيه في ده لاني رفضت اتجوزها ازاي تعمل في نفسك كده وتوافق تبقى مجرد وسيله تغظني بيها
كريم بصله بدموع وام جبل قالت بحزن.._ عيب يا جبل جبل و
بس جبل قال بسرعه.._ لو سمحتي يا امي انا بتكلم معاه سبينا نتفاهك احسن ما نكره بعض 
وبص لكريم وقال.._ عجبك الموقف اللي حطيت ابن عمك فيه امبارح عاجبك انها تقول الصبح هتجوز جبل وبالليل هتجوز كريم زي ما نكون احجار شطرنج رد عليا مبسوط كده
كريم بصله بدموع وقال بسخريه.._ جدا مبسوط جدا مش شايف شكلي مبسوط ازاي انت معاك حق في كل كلمه قولتها هيه بتحبك بتعشقك وانا عارف وانت ولا في الدنيا مش شايفها زي ما هيه مش شيفاني وانا مش شايف غيرها احنا بندور في حلقه مقفوله يا ابن عمي والنصيب بس اللي هيحكم فيها وانا راضي بحكمه
كريم قال كده وطلع بحزن شديد وجبل بص لطيفه بحزن وام جواهر اتنهدت وقالت.._ ليه كده بس يا ابني والله انت وجواهر بتدوسو قوي على الولد ده وبتكسرو قلبه بينكم مع انه ميستاهلش ابدا
جبل اتنهد وقال.._ انا السبب في كل ده من الاول انا السبب بس خلاص مقدرش اعمل حاجه 
قال كده ومشي بحزن
في الليل كانت العيله مجموعه علشان يسمعو قرار جواهر الاخير..
جواهر نزلت وقالت بحزم.._ انا قررت خلاص انا موفقه اتجوزك يا جبل وهنكتب الكتاب بكره
جبل اتفاجأ انها وافقت بعد كل ده وكريم غمض عنيه بحزن وقال.._ الف مبروك ربنا يهنيكم 
وطلع على اوضته وهو مش شايف قدامه من الدموع اللي غطت عنيه
جبل اتنهد بحزن عليه وجواهر قالت في نفسها.._ اسفه يا كريم مش بايدي مش عايزه اكسرك اكتر من كده
جبل بصلها بسخريه وقال.._ انتي عارفه اني رافضك وسبتك يوم فرحك واهنت كرامتك وعارفه كمان اني بتجوزك دلوقتي علشان الفلوس ومعندكيش مانع تتجوزيني بس لمجرد انك عايزه تزليني وتتحكمي فيا لا برافو عليكي بتعرفي تحسبيها
جواهر ابتسمت بسخريه وقالت.._ انا مش هتجوزك علشان اتحكم في فلوسك وازلك بيها لا يا جبل انا هتجوزك وهتحكم فيك انت شخصيا وهذلك بس