نوبة حب لنيرة وائل الجزء الأول
عارفين اني اتقبلت في المنحة وهكمل دراسه في استراليا
قالها فريد وهو بيفرك ايديه بتوتر
ردت نجمة بخفة
_بقالك ربع ساعة مقعدنا قدامك عشان تقول الكلمتين دول يعني
ردينا كلنا بنفاذ صبر
_قووول
اخد نفس وهو بيغمض عينيه واتكلم بسرعة
_ انا هخطب حياة قبل ما اسافر
قطع الصمت دا زرغوطة نجمة اللي فجأتنا اكتر من كلام فريد نفسه اصلها مش بتعرف تزرغط وكلنا عارفين
قالتها وهي بتنطط من الفرحة وكنا بنضحك كلنا الا ملك اللي كانت بتبص ليا بطريقة غريبة استغربتها لكن استغرابي مدامش كتير
_ حياة انا كلمت والدك و اخدت منه معاد يوم الجمعة هنيجي نتقدم
التفتنا كلنا لمصدر الصوت واللي كان ملك علامات الاستفهام كانت على وش كل واحد فينا مستنين منها تبرير لكلمتها
_ ليه... ليه حياة انا هنا.... انا بنت خالتك مش كانوا دايما بيقولولنا ملك لفريد
_ انا بحبك يا فريد
اعترفت بحبها اللي عمر ماحد مننا حس بيه ولا عمرها بينته قدامنا كنت لسه همشي لكن فريد مسك ايدي وبعد ملك عنه
_ متمشيش يا حياة
_مبقااش ينفع
كنت همشي لكن وقفني تاني وهو بيشدني لأول مرة كنا نبقى بالقرب دا
_ انا بحبك يا حياة
وقتها جن جنون ملك اللي شدتني من شعري ووقعتني في الارض وتقريبا دي اول مره كانت ټضرب حد في حياتها نجمة وزياد بعدوها عني وفريد قومني وهو بيطمن عليا مسك ايدي بقوة ومشينا خطوتين لكن وقفنا صړخة زياد بأسمي التفتت لكن ملحقتش استوعب فيه ايه لأن فريد كاان وقف قدامي وحضني بعدها الكل جري علينا و هما بيصرخوا كانت دماغ فريد پتنزف وملك واقفة مكانها مصډومة ادركت اللي حصل وقتها و إن ملك كان قصدها تحدفني انا بقالب الطوب لكن فريد اللي فداني معرفش ازاي قدرت تعمل كدا كانت حد تاني غريب تماما انا عمري ما اتخيلت منها الاذى
الحاضر
فوقت من الذكرى دي على صوت عمر
_وصلنا
_ ممكن تطلع معايا لحد فوق
هز راسه بابتسامة وطلعت انا وهو وعمر اخويا الكبير دايما هادي ناس كتير بتفتكره بارد لكن انا عارفه انه مش بيعرف يعبر عن مشاعره
_ انتي هتسافري النهارده بجد
_ والله انا نفسي مش مصدقة اني هسافر النهارده
_ مودعتيش نجمة
هزيت راسي بنفي وعيوني دمعت
_ مش عايزة تودعيني يعني
التفتت لمصدر الصوت و انا مش مصدقة اني شايفاها قدامي
_نجمة
حضنتها وانا بعيط قد ايه كانت واحشاني مع انها اختارت ملك وفضلت جمبها لكن انا مقدرة انها عملت الصح وقتها رغم ان الصح دا وجعني انااا
_ مقدرتش اسيبك في يوم زي دا مهمنيش اي حاجه ولقتني بجري عليكي... وحشتيني اوي يا حياة
فضلنا حاضنين بعض حوالي خمس دقايق كأننا بنعوض السنين اللي فاتت كلها لكن ياريت اللي فات بيتعوض فعلا فضلت جمبي طول اليوم ومسابتنيش لحظة قد ايه اتمنيت وجود ملك معانا لكن للأسف مستحيل
واخيرا جه الليل والفرح بدأ كل حاجه كانت ماشية تمام كتبنا
