دكتور نساء لفريدة الحلواني الجزء الاخير

تجلس وسط النساء في بهو سرايا السوهاجيه
عفت_ انتي خابره سبب كلت ديه. صوح. جوليلي يا بتي. ريحي جلبي. اني هتجن
نرجس_ شكلها حكايه واعره جوي ياما
شاديه_ اني معرفيش اذا كان اللي هجوله ينفع ولا لاااه
نظرت لعفت برجاء ثم اكملت_ اني هجولكم علي كل حاجه. لجل ما تعرفه خيتي اتحملت ايه. وعاشت كيف بس اللي طلباه منيكم. مفيش حد يفتح الحديت ديه واصل لما نشوف الرجاله هتعيمل ايه
عائشه_ اطمني. مفيش حرف هيطلع بره. حتي الرجاله اللي كانت عم تطحن في بعضها محدش منيهم فاهم ولا عارف السبب
سحبت نفسا عميقا. ثم قصت عليهم كل شيء. كل ما عانته اختها من يوم ان خرجت من بيت ابيها. الي تلك اللحظه ولكن بمنتهي الحكمه تغاضت عن ذكر ذلك العشق الذي اصبح يجري في وريد الثنائي ولا حتي ما فعلته كي يتم زواجه بها
ذهول. صډمه تصحبها دموع غزيره تهطل من عيون النساء كلما اسهبت شاديه في الحديث لا عقل ولا منطق يجعلهم يصدقون كل هذا وبعد ان انتهت قالت بحزن من بين دموعها_ كلت ديه خيتي اتحملته لجل ما التار يوجف
نظرت لعفت واكملت برجاء_ ورحمه الغاليين يا حاجه. بلاش تخلي كلت ديه يروح هدر كلمي والدك. خليه يحكم عجله. بكفايانه لحد اكده حد يتصل بيه. جلبي واكلني يا ناس. عايزه اطمن علي خيتي. وهو مانع اي حدي منينا يدخل جوه
عفت پصدمه_ كان جلبي حاسس ان فيه حاجه غلط. الله يرحمه ويسامحه. كان مبين للكل انه عاشجها ومهنيها لكن عينها الحزينه الي كلها هم. كانت بتكدب كلت ديه ليه بس با ولدي
بكت بحرقه وهي تكمل_ ضيعت شبابك هدر. وظلمت لابنيه.
بعد ان انتها من العمليه بشق الانفس. قام بنقلها الي غرفه عاديه نظرا لحالتها المستقره ولكنها كا زالت تحت تأثير المخدر. بعد ان وضعها بتمهل وحرص فوق الفراش مال عليها برفق جامح ثم قال _ سامحيني مهجدرش انفذ طلبك هدفعهم تمن كل نجطه ډم سالت منيكي حرج جلوبهم كيف ما جلبي اتحرج واني فاكر انك ضعتي مني ماجدرش اصدج انك تعملي اكده ليه يا بت جلبي ليييه
بينما كان يجلس علي احد المقاعد منتظرا بلهفه افاقتها بعد ذوال مفعول المخدر سمع طرقا فوق الباب فتحه سريعا وجد حمزه ومعه احد الضباط تحرك خطوتان نحو الخارج ثم اغلق الباب بهدوء وقال _ خير يا حضره الظابط
الضابط _ محتاجين نحقق مع المجني عليها وناخد اقوال الشهود
نظر له ببرود ثم قال _ مجني عليها مين وشهود ايه اللي بتتحدت عنيهم اني مفاهمش حاجه
جز الضابط علي اسنانه كي يكتم غيظه ثم قال _ المجني عليها زوجه حضرتك اللي اصيبت بطلق ڼاري يا دكتور
رد بلامبالاه ظاهريه _ محصولش 
نظر له بعدم فهم فاكمل بثقه _ مفيش حاجه من دي حوصلت مرتي وجعت فوق جزازه عورتها وبس جيبت منين الحديت ديه
نظر لحمزه واكمل _ مش ديه اللي حوصل ياخوي
حمزه بتاكيد _ ومفيش غيره يا واد عمي
لم يتمالك حاله بعد ان راي تلك التمثيليه الهزليه فقال پغضب _ اللي بيحصل ده غلط يادكتور الناس تحت واقفين علي تكه كلمه واحده وهتحصل مجزره ارجوك انت انسان متعلم ومثقف يا ريت تكون انت صوت العقل اللي ينقذ ارواح بريئه زي ما عملت قبل كده
رد عليه بحسم دون ان يتأثر بما قيل _ اني جولت اللي عندي ملياش صالح باي حاجه تاني 
واكمل باستهزاء _ واللي بلغك تجدر تعمله محضر بلاغ كاذب وازعاج سلطات
وفي احد المخازن التابعه لعائله السوهاجي كان ذلك الحقېر يتلقي ضړبا مپرحا من رجال حمزه وكادت احباله الصوتيه ان تتقطع من فرط صراخه المټألم فلم يرافو به بل قال احدهم بغل_ صړخ عالي صوتك كيف الحريم امال كت عامل فيها سبع الرجال من اشوي كلت ديه مهياجيش حاجه جصاد اللي هيعملو فيك الدكتور
تقدم يونس من ابيه وقال پغضب مكتوم_ وبعدين يا بوي. هنضلو واجفين اكده ومخابرينش خيتي ايه اللي حوصل فيها اديني اشاره واني اطربج المستشفي عالي فيها
نظر له ابيه پغضب ثم قال _ وماله ولعها اكتر ماهي والعه والغلبانه اللي ربنا اعلم بحالها دلوك هي اللي هتدفع التمن
يونس _ يابوي اني رايد اطمن عليها بجول اكده من غلبي اني لحدت دلوك مش جادر اصدج اللي حوصل
عبدالحكيم _ ولا امي يا ولدي 
نظر له بثقه وهو يكمل _ طمن جلبك يا ولدي خيتك في امان.
يونس باستغراب _ كيف ديه يابوي
ابتسم الرجل الحكيم بهم قال _ لانها مع اللي هيهد الدنيا لجل خاطرها يا ولدي يكفيك شړ راجل عاشج لما حدي يمس جلبه
هل هي من تحاول فتح عيناها ام قلبه المتلهف هو من يهيء له ذلك اقترب منها بتهمل جلس علي حافه فراشها اخذ يملس علي وجنتها بحنان وهو يقول برجاء عاشق ارهقه الانتظار_ فتحي يا رغد دنيتي خلي جلبي يرجع يدج. الدنيا اسودت في وشي لجل ماني محروم من