نوبة حب لنيرة وائل الجزء الاخير
يا عمي ارجوك خليني اتكلم معاها خليني اوضحلها اللي حصل بس
مبقاش في ما بينا كلام خلاص خلص يا شيخنا لو سمحت
كنت بحاول اتحاشى نظراته ليا طول الوقت
امضي هنا يا فريد
مسك القلم وهو بيبصلي برجاء كانت ايديه بترتعش مقدرش يمضي ورماه في الارض
قاله كلامه وهو وبحركة سريعه منه كان ماسكني بأيده حاولت ابعد لكن من غير فايدة كنت حاسة اني متكتفة مش طايقة وفي نفس مش عايزة ابعد عنه
خلينا نمشي من هنا يا حياة هنسيب كل حاجة ونمشي
سيبوني انا مش هطلق ابعدوا عني
وقتها والده ضربه بالقلم شهقت پصدمه من رد فعله ومسكت القلم ومضيت بسرعه مكنتش مستحملة افضل في الوضع دا اكتر من كدا كان عمر ماسكه تحسبا لأي حركة منه اتكلم پقهر وهو شايفني بمضي قدامه
جريت على اوضتي بسرعه وقفلت الباب
كنت سامعه صوت زعيقه اللي كان كله عبارة عن
مش همضي انا مش هطلق يا حياة اطلعي
رجليا مكانتش شايلاني قعدت ورا الباب وانا حاسة الدنيا كلها بتلف بيا جزء مني عايز عايز يلبي كلامه ويجري عليه والجزء التاني مش مستحمل حتى يسمع صوته حياتي عامله زي اللي كان في حلم جميل وفجأة لقى الحلم اتقلب عليه كابوس كل حاجة اتهدت في لحظة
اها حددت
طيب حياة من ضمنهم صح
للأسف لا
رمى الملف من ايديه بعصبية
ليه ليه يا أيمن انا قولتلك البنت كويسه
ايه يا عم سامر براحه ما تيجي تاخدني قلمين احسن اتقبلت دي ممتازة وكانت شغاله برا في شركة إنترناشيونال
اتكلم سامر بدهشة
هي كانت مسافرة
ايوا كانت عايشة في أستراليا 5 سنين ولسه نازلة مصر من فترة قصيرة بعدين انا فكرتك قريب منها ازاي متعرفش انها مسافرة
اللي يشوفك وانت بتوصي عليها كدا يقول اختك
هي متجوزة
لا يا سيدي مش متجوزة
رد باستغراب
ايمن انت بتتكلم بجد
هكدب عليك ليه يعني بعدين انا مش مرتحالك هي عاجباك ولا ايه صراحه هي جامدة
رد بعصببة وزعيق
ايه يا أيمن الاسلوب دا اتكلم عليها عدل
سامر لتكون دي حياة بتاعت الكليه اللي كنت بتحبها وطلعت مخطوبة دي
هز راسه بنفي بسرعه
لا مش هي مش هي
مش مرتحالك بس تمام
بقولك ايه هات رقمها انا هبلغها انها اتقبلت
مش قولتلك مش مرتحالك
فات اسبوعين على طلاقنا حاسة فيهم اني تايهه كأن حاجه كبيرة اوي ضايعة مني مشاعر كتير جوايا متلغبطة خذلان.. خداع شوق كره عدم استيعاب للوضع اللي انا فيه وسؤال مش لاقياله اجابة صيغته _ ليه
طول الفترة
دي مش بطلع من الاوضه رغم محاولات اهلى انهم يهونوا عليا لكن مفيش فايدة جوايا ڼار لا بتهدى ولا بتنطفي
ممكن ادخل
قالها بابا وهو بيخبط على الباب
اتفضل يا بابا
دخل وفي ايديه كوباية عصير
انا عملتك الكوكتيل اللي بتحبيه انا اللي عامله بإيديا علفكرة
ابتسمت بفتور
تسلم ايديك يا حبيبي
ملس على شعري بحنان
ايه رأيك نروح نقعد على البحر شويه
مش قادرة اخرج والله
حالك دا مش نافع على فكرة انا قولت خليها على راحتها يومين بس اليومين جروا اسبوعين وانتي مش بتطلعي من اوضتك ولا بتقعدي معانا
قاطع كلامنا رنة موبايلي كان رقم غريب
مساء الخير استاذه حياة معايا
ايوا مين
