نوبة حب لنيرة وائل الجزء الاخير
مفكرتش غير في نفسك وبس ادم ذنبه ايه يعيش 5 سنين من عمره ميعرفش مين ابوه يبقى ابوه قدامه و مش عارفه ويعالم كان هيفضل كدا لحد امتى مفكرتش فيه لما يكبر ويعرف بعدين كان هيعمل ايه مفكرتش في ابنك! كل اللي عملته انك فكرت في نفسك وبس برضو خليته جمبك وقدام عينيك تلعب معاه وتشوفه مع اخواته عشان ترضي نفسك وبس خلتني انا وادم جمبك عشان نفسك عشان عايزنا معاك كنت طماع وعايز كل حاجه لكن مفكرتش فينا ولو للحظة كنت بتبص في عنيا كل يوم ازاي وانت بتخدعني بلاش انا كنت بتبص في عيون ابنك ازاي ازاي قدرت تكون انسان مخادع بالشكل دا في محاولة منك انك تاخد كل حاجه ضيعت كل حاجه من ايدك يا خسارة يا فريد بجد يا خسارة
انا مستحيل في يوم ارجعلك للأسف خسرتني للأبد لكن لسه في ادم عوضه عن السنين اللي فاتت دي
انكلم بضعف
الكلمة وجعتني مكنتش عايزاه يقولها وخصوصا بالطريقة دي ازاي قدر بكلمه واحدة يهزني بالشكل دا
رديت بجمود وانا بحاول اداري ضعفي
لو بتحبني بجد ابعد عني ومتفتحش الموضوع دا تاني ارجوك يا فريد لو بتحبني سيبني في حالي ابعد عني عشان خاطري ابعد بيأذيني كفاية اذى يا فريد ابوس ايدك كفاية اذى
وعد وعد مش تاني هبعد يا حياة ومش هتعرضلك مرة تانيه بس بتمنى تسامحيني عارف ان مليش حق في دا بس بتمنى
لفيت وشي الناحيه التانية وانا بحاول امسك دموعي قدامه
انا اسف
أخيرا سمحت لدموعي تنزل مكنتش عايزة ابان ضعيفة قدامه عيطت كتير لدرجة حسيت إني هستفرغ قلبي فجأة مبقتش قادرة اخد نفسي وقعت على الارض وانا بحاول اتنفس بصعوبة شافني وقتها سامر اللي جري عليا پخوف
حااولت اعمل زي ما بيقولي كان الموضوع صعب في الاول لكن مع التكرار بدأت اهدى
ثواني هجبلك ماية
اشربي براحه يلا
بعدها كب شوية ماية على ايده ومسحلي وشي كل دا وانا قاعدة مكاني برتعش
احسن
هزيت راسي ب ايوا
ايه اللي حصل وصلك للحالة دي
مردتش عليه
في حد ضايقك طيب هنا لو حد عملك حاجة قوليلي وانا هجبلك حقك دلوقتي
مفيش حاجه انا بس عايزة اروح
مسكت شنطتي ووقفت
طيب استني انا
هوصلك
مفيش داعي
مينفعش تمشي لوحدك في الحالة دي يلا هوصلك
مرضتش اتجادل معاه مكنش عندي طاقة اصلا فضلنا طول الطريق ساكتين لحد ما قطع الصمت دا رنة موبايلي
الو يابابا
ايه يا حبيبتي عامله ايه
الحمدلله انا عشر دقايق وهكون في البيت
طيب أيلا مصممة تكلمك
ادهالي يابابا
الو يا مامي وحشتيني
وانتي كمان يروحي وحشتيني انا شويه وهكون عندك اهو
اوكيه يا مامي بااي
باي يا عيوني
اتكلم سامر بإبتسامه
المكالمة دي غيرت مزاجك في ثانية
ابتسمت
ايوا دي أيلا بنتي
رد بدهشة
بنتك
فجأة فرمل بالعربية مرة واحدة بعد ماكنا هنخبط
حاسب
اسف هو انتي متجوزه
لا مطلقة وعندي طفلين
كان هيخبط مرة تانيه لكن ربنا سترها
هو انت مش بتعرف
