راهنت عليك لعبير فاروق الجزء الثالث

االبارت 9
دياب عايز يسيطر على الموقف أشهر السلاح وهدد كل الموجودين ومره واحده خرجت طلقه وسط الزحمة والصوت العالي وصريح الستات وقع بيجا على الأرض منظره و شكله يوجع القلب...
كل الناس بعد وقوعه حالة صمت ترمي الجنية يرن وتسمع صوته الكل كاتم أنفاسه في ترقب بيجا مرمي على الأرض ولا حركة بس الغريب أن مافيش نقطة ډم واحدة . 

واحد من العساكر جري على بيجا يشوفه لف شمال ويمين رفع راسه لدياب وقال لسه حي فيه النفس الطلقه ما جتش فيه الناس حواليه يادوب اخذت نفسها وصوتهم يطلع في  همهمات بالحمد لله بيجا 
فتح نص عين يشوف حواليه اللي بيحصل دياب ھجم عليه لسه هيضرب بيجا صړخ وقام جرى منه يستخبه في الناس في نفس الوقت جاله عسكري يبلغه أن المأمور عايزه ضروري ساب بيجا متوعد لكل المحجوزين بالعقاپ لو ما حد قر واعترف مين ساعد هدهد ومين يعرف مكانها.. 
____________________
مكتب المأمور...
دخل ضړب السلام العسكري مؤدي التمام..
ايه اللي انت عملته ده قابض على شارع كامل اهو اتفضل شاور على الشباك باقي الناس والشوارع اللي حوليهم عاملة تجمهر قدام القسم عجبك كده ..
يا باشا ما تقلقش أنا مسيطر على الوضع وكل اللي بيعملوه ده ولا يهز شعره مننا.
مسيطر ايه وزفت ايه انت مفكر الموضوع هيمر كده سهل اي واحد من اللي واقفين تحت دول فيديو واحد من اللي بيصوره قدام القسم واللي صوره لك هناك افتح يا بيه افتح كده شوف الفيسبوك والفيديوهات اللي نازله وشكلك وأنت بتجرجر الناس على البوكس في الشارع هتقلب الدنيا علينا وهتبقى قضية رأي عام.
دياب بيجز على أسنانه
يا باش..
اتفضل حالا أفرج على الناس اللي قبضت عليهم كلهم طول عمري تاريخي مشرف كله إنجازات على آخر خدمتي اتحاسب على عمايلك أنت
دياب پغضب
يا فندم مش هينفع اسبهم في منهم مشتبه فيه وساعد البت المتهمه وهربها مني وأنا بقى مش هسبها ولا هرحمهم.
المأمور بشدة وخبط على مكتبه وزعق فيه 
ده أمر يا أمين دياب ولازم يتنفذ و إلا أنت عارف إيه مصيرك
دياب بكل الغيظ خبط رجله في الأرض وادي التحيه تمام يافندم
قبل ما يخرج نادي عليه المأمور وعنفه
يكون في علمك أنا سحبت القضية دي منك لو عرفت أنك بتنكش ولا أدخلت هنسى أي معزة شخصية اتفضل وفك التجمهر بسلم بدون اشتباك الداخلية مش ناقصه.
تمام يا فندم.
خرج دياب متنرفز ومتعصب من كلام المامور وازاي يسيب القضيه وهو كل همه ان هو يلاقي هدهد ويضغط عليها وكمان مش هيتنازل أنها هزت صورته  قدام الشارع كله.
كلام بيرو الشارع اللي كان بيفرض عليه الاتاوة بتاعته كان بياخد فلوس من كل المحلات اي حد ضعيف كان بيقوي عليه