راهنت عليك لعبير فاروق الجزء الثالث
لينسيز مع النضارة عشان إداري لون عيوني واشتريت كام تيير من وكاله البلح اشكلهم تحفة ورحت تاني يوم وتقبلت بسرعة من غير حتى مايشوف مؤهلاتي سالم بيه بقى مبسوط وآسر بيندب حظه انه هيشوف خلقتي كل يوم ومن يومها وأنا قدامة ملك القبيحة وهنا بكون ملك اللي وحشتني شكلها ولبسها ودنيتها بس كله يهون عشان أفضل جنبه وبس.
مش عندي استعداد المجاذفة إنى اخسرة أو يتسلى بيا ويرميني زي اللي قبلي خلي حكايتي ماشية زي ماهي وربنا ريستر يلا ننام بقى النهار قرب يطلع.
___________________________
الشمس نورت على كل حكايتنا وفيها اللي ظالم فيها اللي بات مظلوم وادي الدنيا ماشيه لحد ما تجيب اخرها في كشك فاطمه واقفه بترص البضاعة اللي جبها إمبارح دخل عليها ماهر شايل علي ابنه على كتافة والفرحة مش سيعاهم ومخبي أيده ورا ضهره شافتهم هي
ماهر طلع ايده اللي مخبيها وظهر قدام عينيها مفاتيح العربيه فاطمه اول ما شافتها اتنطتت وخطڤتها من يده واخذه بالحضن ماهر بسعادة
مبروك علينا يا بطه الضمان الاجتماعي وافق على المشروع بتاعي واول ما بلغونى رحت وخلصت الإجراءات كلها وجبت العربيه اللي كنا بنحلم بيها وخلاص هنكبر يا بنت وهنوزع شغلنا في كل حته وربنا هيكرمنا اخر كرم حط ايده على بطنها وكمل العربيه جات على قدوم وش السعد.
تعالى أخدك لفه بيها يا ست الستات.
والكشك والبضاعة
ماهر نادى على ولد بيعمل شاي في الحاره وصاه على الكشك خليه ياخد باله منه واخذ فاطمه بطه وعلى ابنه يلف بالعربيه.
رجعوا فرحانين بعد كم ساعه لقوا صلاح اخوه قاعد ماسك كوبايه شاي علي باب الكشك و مستنيهم فاطمه اول ما شافته العفاريت اتنطتت في وشها وماهر اضايق وفي نفس الوقت مش عارف يعمل ايه يطرد أخوه وما يديلة وش بعد ما خرج من السچن زي ما فاطمه عايزه ولا يوجب معاه وبرضو يبقى من بعيد لبعيد.
أهلا يا صلاح خير مستني في حاجه..
بطة بصوت خفيف وڠضب
وهو اللي زي ده يجي منه خير
سمعتك يا بنت الأصول مال مراتك ياماهر أرشة ملحتي ليه
ماهر ببجز بسنانه
فاطمة متدخليش امسحها فيا يا صلاح.
صلاح بص لفاطمة
جاي أشوف ابن أخويا ولا مش حقي اشوفه
علي خاېف من الموقف لأنه ما يعرفش عمه أول مره بشوفه استخبي في
