جبروت الحموات لآيات الرحمن

_مفيش اكل غير لما سلفتك تيجي
_ايوه يا ماما بس انا جعانه والدنيا صيام وبعدين انا امبارح مااكلتش كويس ولا اتسحرت
_انتي هتحكيلي قصة حياتك قولت مفيش اكل غير لما سلفتك ترجع لكدا لمفيش النهارده اكل خالص
_استوووب اعرفكم بنفسي انا ساجده ودي حماتي اسمها اميمه مش مهم عمري كام المهم حكايتي ولي حماتي بتعاملني كدا ومفضله سلفتي عليا.. انا اتزوجت علي قصة حب كبيره حماتي حاولت كتير تنهيها عشان تزوج بنت اختها لفريد لكن هو اختارني انا ومن وقتها وهي كرهاني ومش قبلاني نهائي مع اني بنت صديقتها المقربه.. سلفتي دي تبقي بنت اختها اخت البنت اللي كانت عايزه تزوجها لفريد

_اكيد طبعا بتسألوا زوجي فين من كل دا
فريد بيشتغل مهندس طول اليوم برا ومش بيرجع قبل العشاء وبما ان النهارده كان اول يوم في رمضان فهيرجع بدري شويه يعني بين المغرب والعشاء كدا وطبعا حماتي منعتني اكل برغم ان فضلت طول اليوم اطبخ والجو حر جدا علي ما خلصت كنت انتهيت واول يوم صيام دا بقي معروف عنه ان هو يوم تعب
بعد ما خلصت طبخ وتجهيز حماتي طلبت مني اجهز لكل واحد من اولادها اكل يكفيه هو وزوجته واولاده بدل العزومه دي عادتها اول يوم وبعد كدا بتبدء العزومات اللي علي حق.. جهزت لكل واحد فيهم مايخصه وطلعته ليهم احنا كلنا عايشين في عماره وكل واحد ليه شقته وحماتي كمان بس هي مستكتره عليا الشقه فبتفضل معايا طول النهار وبتروح شقتها بالليل
.. المهم بعد ما طلعت لكل واحد فيهم اكله هما ثلاثه غير فريد وبنت وزوجة ابن ليها مټوفي بس عايشه لوحدها وبتيجي لحماتها عندي ودي بقي كإنها ڼار وبتحب تعمل ليا مشاكل
_حماتي منعتني اكل وبدءت هي تااكل من اللي علي السفره ولما اجي اكل تتعصب عليا حسيت بدوخه فظيعه وصداع يعتبر مااكلتش من يومين
_طب يا ماما هي شكلها هتتأخر وانا دوخت
دوختي ليه يا حبيبتي هتجيبي لابني الطفل اللي نفسه فيه وانتي حرماه منه
_ليه بس يا ماما التجريح دا دي ارادة ربنا
_ايوه