مهمه حب بقلم ريحان الجنه

وضع تاني و ظروف تانيه الامور كانت هتتغير يا جايده اوي شكلي هطلع من الحړب دي خسران
_حرب ايه مش فاهمه
نامي يا جايده الله يسترك نامي بدل ما ابو قرون يفوز و أنا اروح في داهيه
_انت بتقول كلام غريب ليه
نامي يابنتي
غطاها بالبطانيه و راح نام علي الكنبه اللي كسرت ظهره اليومين اللي فاتو
صحي الصبح لقي جايده لسا نايمه بنفس النومه العشوائيه اللي بتنامها

سمع الباب بيخبط طلع يشوف مين
ايه يا ناهد
صباح الخير يا أبيه
صباح الخير
انا قلت اجي أصبح عليك اكمني حلوه و يومك هيبقي حلو لما شفتني
ماشي كفايه هاتي الاكل و روحي
خد الاكل و قفل في وشها
رجع ينام علي الكنبه في الصاله وهوا بيفكر لحد ما سرح و نام منغير مياخد باله
شويه و حس بحركه حوليه غريبه و حد بيمشي بخفه
اتعدل لقي جايده واقفه في المطبخ بتعمل حاجه
_طيب المفروض اعمل ايه ناهد قالت حطه ع الڼار
بتعملي ايه
اتخضت و وقعت اللي في أيدها
_انت صحيت حاولت مخلكش تصحي اسفه
هوا فيه ايه
ميلت مسكت الكيس و حطته قدامه ب حماس مبالغ فيه
_اكلت أنا و البنات حاجه اسمها اندومي حلو اوي بحاول اعملها مش عارفه نسيت عملوه ازاي
علي الصبح يا جايده
_دا مش الصبح الساعه 12الظهر
أيه دا بجد خدتني نومه
شهقت بخفه وهيا بتقول بنبره متسائلهأنت مرحتش المكان اللي بتروحه ليك فتره روح روح 
لا ما خلاص اتاخرت اصلا هقعد مدفي البيت النهردا مال الاندومي بقي
_عاوزه اكله دلوقتي
دا سهل هاتي الكيس حطي ميه في حاجه علي الڼار وسيبيها تغلي
_انت شاطر في كل حاجه كدا
احم مش شاطر ولا حاجه اتبعي التعليمات اللي علي الكيس مش اكتر
_لا أنت شاطر اوي و أنكل برضو كان شاطر كل الشباب في مصر شاطرين زيك
لا أنا واحد ووحيد ولا اتكرر
_ماشي
الميا غلت نفتح الكيس و نحطه في الميا ونخلي كيس التوابل معاكي
كانت واقفه بتابع ب اهتمام وهوا بيعمله ومبهوره بيه
حطي الطعم بس متحطيش الشطه عشان تقيله عليكي
_مي قال أنا اصلا بحب الاكل متشفتت
اسمها متشطشط و برضو لا
_لا أنا هحطه و هستحمل
يابنتي دا حار اوي مش هتقدري
عاندت وحطته كلو خلصوه و حطهولها في بوله عشان تأكل وراح قعدوا علي السفره كانت هيا بتاكل و عيونها بتدمع من الشطه وهوا قاعد قدامها بيستمتع وهيا بتعامي ومش قادره
قلتلك
_بس هوا مش حار اصلا
ايوه واخد بالي عينيكي مدمعه عشان تروي رموشك ايوه
مرت دقيقه ومستحملش يشوفها بالهبل اللي بتعمله سحب منها الطبق و أداها كبايه لبن شربتها بسرعه
بلاش عناد يا جايده
مسحت دموعها و قالت بكل غرور علي فكره مكنش حار اوي يعني 
أبتسم علي مناغشتها و كبلها لبن تاني
ايوه انتي هتقوليلي بس براحه علي نفسك المره الجايه
_بس أنا عاوزه أكل منو
هجبلك نودلز صحيه يا جايده معدتك مش متعوده علي الاكل الحار خاصتنا انك جايبه اندومي اصلا نوعه حار يا هبله
شربت كل كبايه اللبن و اتربعت علي الكرسي ب طفوليه
_علي فكره كنت هخلصه لولاك
كمل اكله وهوا بيفكر في اللي عمله من لحظات هوا عمره ما عمل لحد أكل دا بيعمل لنفسه بالعافيه ايه الهبل اللي حصل دا بقي ثم هوا ليه مهتم متاكلوا حار ولا متاكلوش هيا حره بس شكلها وهيا بتحاول تأكله بعناد محبوش...مهانتش عليه!!!!!!
جه علي طول موقف لما قالته يا كوكو حس انو مش عارف يتكلم أو يعبر عن شعوره
جايده انتي اول امبارح صحيتي باليل وطلعتي عندي برا في الصاله!
جايده انتي اول امبارح صحيتي باليل وطلعتي عندي برا في الصاله!
_لا ليه
لا دا كان مجرد سؤال عادي
_تعالي نسمع فيلم سوي
يلا أنا كدا كدا فاضي
يا كذاب امال فين اللي بيحاول يوصلوله و مش قادرين عشان مطنشهم
_فيه فيلم جديد حلو اوي بتاع الميا و الڼار أنا مسمعتوش و مش عارفه اسمو
دا ايه الميا و الڼار دا
_فيلم كرتون
انتي هتسمعينا كرتون
_ايوه
اصلا بقي ! اللي هوا منغير شورى
_ايوه
تمام هاتي اللي عوزاه
_اقلك دور علي الفيلم و أنا هحط الفشار في المايكرويڤ
مفيش فشار هنا
_لا ما أنا معاي في شنطتي أنا مش بمشي منغير فشار سهل التحضير في شنطتي عشان بحبه انا هاخد اللي بطعم الجبنه وانت خد هديك اللي بطعم الكراميل
ودي برضو مفيهاش اختيار
_ايوه اصل أنا بحب الفشار بالجبنه و برضو بالكراميل فا هاكل معاك برضوا
طيب متاخدي الاثنين وخلاص
_لا العدل اهم حاجه
ايوه مهو باين العدل اوي
_هروح احط الفشار
راحت حطته وهوا حاول يجبلها الفيلم اللي مش عارف اسمو
طلعت بسرعه من المطبخ وهيا بتقول بصوت متفاجئ
_انا افتكرت
افتكرتي ايه 
_اسم الفيلم اسمو Elemental
طيب ادخلي احرصي الفشار أنا كدا كدا جبته
_برافو عليك بجد شاكر زي كل مره
انتي لو بتشجعي ابن اخوكي مش هتعملي كدا روحي يا جايده الله يسترك
حط الفيلم علي الشاشه و هيا جات بكيس فشار
_الفشار جهز
دا كيسي أنا انتي حضناه كدا ليه
_اه مهو أنا حطيت بتاعك الاول عشان أكل أنا وأنت منو و بتاعي لسا في الفرن تدوق
اه واضح انو بتاعي