معاناة زوجة لميفو السلطان الجزء الثاني

ديده.. عايز حنيه عايز حد يخش حياتي اديله مشاعري اللي اتقفلت عايز احطه بعيوني وادلعها وابقالها كل حاجه.. عايز وعايز وانت السبب.
نظرت اليه ساهمه فهمس .._ انت اللي فتحتي مشاعري اني أنفع احس والله بدأت احس بس الطبع غالب ممكن تتحمليني.
تنهدت .._ طيب بس بس بتبقي صعب قوي..
ملس علي يدها .._ انت علاجي انت حنينه وطيبه وصحوبيتنا هتهذب عصبيتي. عشان لما احس بحد واقرب منه ما يسيبني.
نظرت اليه .._ تحس بحد.
هتف .._ اه مانا خلاص نويت ماكملش لوحدي يكونلي حد يحس بيا واحس بيه.
همست .._ حد حد مين.
ابتسم .._ بكره تعرفي بس كده خلاص ديدتي ماعادتش زعلانه صح.
ابتسمت هيا .._ هتبطل تزعلني هز راسه بهيام.. عيوني من جوا.
ضحكت .._ طيب ماشي خليك مؤدب بقه عشان الستات بتحب المؤدبين.
اقترب وهمس .._ انا مايهمني الستات المهم انت تحبي ايه.. عايزه حمزه يبقي ايه هيبقي.
ارتبكت هيا وابتعدت .._ طب نشتغل بقه.
ضحك هو و غمز لها .._ لا من جهه هنشتغل هنشتغل وتركها وهو يدندن سعيدا بذلك القرب وتخطيطه الذي يجري مجراه.
مر الوقت وانتهي الدوام. نزلت خديجه للاسفل فوجدته يقف امام عربته ينظر إليها مبتسما فاتجهت اليه لينحني.._ تشرفي عربيتي.
نظرت حولها بخجل .._ ايه يا حمزه الناس.
هتف هو .._ مش مهم المهم خديجه هانم ترضي عليا.
تنهدت وهتفت .._ لا انت بقيت حاجه تانيه.
اقترب ونظر اليها بهيام .._ ايه حلو والنبي قولي.
خجلت وابتعدت مسرعه .._ دا اټجنن والله 
جلست بالعربيه مرتبكه وانطلق هو فتوقف امام احد المحلات الكبري. نظرت اليه باستغراب فهتف .._ انزلي
قالت .._ انزل انزل ايه.
قال .._ انزلي بس
تنهدت ونزلت دخلا المحل فوجدته خاليا فهتفت .._ دا هيقفلو.
فضحك .._ لا هما قفلو عشانك
نظرت اليه باستغراب.. فاقترب منها واخرج بطاقه .._ خدي يا خديجه دي فيزا غير محدودة السحب بتاعتك تسحبي بكيف وماحد يقلك بتعملي ايه انا حطيتلك خمسه مليون .
شهقت هيا بړعب .._ ايه يا حمزه انت اټجننت.
هتف .._ ليه اټجننت دي فلوسك وفلوس ابنك مش ببقشش من جيبي خدي من سكات مش هنتكلم في فلوس احنا مافيش بينا فلوس
دمعت عيناها فتاثر هو بلمعه عيونها .._ ليه طيب.
نظرت اليه .._ عمري ماحد عاملني زيك انت طيب وحنين قوي طول عمري مذلوله بالفلوس حتي لاخويا.
هتف هو .._ الراجل اللي يتكلم في فلوس بيته وهو معاه يبقي ناقص يا خديجه ومش شبعان.. انا لحد مۏتي فلوسك امانه في رقبتي
كان صادقا فعلا فلمس قلبها فمنحته احلي ابتسامه ساحره فهمس .._ كفايه عليا ابتسامتك دي. 
خجلت ودخلت وقالت .._ طب هنعمل ايه.
تنهد وقال .._ هشتري المحل لخديجه هانم وعمر بيه
هتفت .._ لا انا مش عايزه.
اقترب وهمس بهيام .._ بس انا عايز افرحكو. ويلا بقه 
ودفعها وهيا تضحك ولأول مره تشعر خديجه انها انسانه تشعر وتحس وان هناك من يجعلها تشعر بالأمان لأول مره ولا تعلم أن وراء هذا الأمان طعنه غادرة رجف قلبها وايضا رجف قلب ذلك الجاحد دون وعي كان يشعر بسعاده انها تحت جناحه سعيده. كان المال الذي وضعه من أمواله كان يريد أن يشعر انه الراعي لتلك الجميله لم يفهم لماذا وضع ماله تحت تصرفها ولكن الرجل الحقيقي يشعر بسعاده عندما تخصه انثاه انه الراعي وليس اخر كان يتصرف من داخله ولا يعلم أن ذلك الداخل يريدها ان تكون له وېحترق من قربها ولكن العقل وغباؤه وجحوده احيانا يحجب القلوب وما بداخلها ولن يعرف ما بداخله الا عندنا ينخلع ذلك القلب وېنزف علي ما ظنه انه لا يريده فنحن هكذا لا نعرف قيمه مابيدنا انها طبيعه النفس للاسف.
ظلت هيا تلبس ملابس مختلفه وهو يعترض علي ما ضاق منها وهيا سعيده وتبتسم انه لا يتركها تلبس شيئا يفسر جسدها عكس مازن كان يتاملها ويشعر بسعاده طاغيه ويخصها نظراته فهتفت .._ لا تعبت كفايه..
قطب جبينه .._ كفايه ايه لسه بدري.
نظرت اليه بذهول .._ لا كتير عشر فساتين انت مبذر لا يا عم. نظر اليها وتذكر زوجته وما تفعله وكيف كانت لا تشبع من الشراء 
فقام ومسك يدها وقال بصدق .._ انت نعمه ربنا لاي حد. 
خجلت هيا وابتعدت .._ تعالي بقه اجيب لعمر 
وذهبت يبتاعو العديد من الأشياء لعمر كانت سعيده بشده ان ابنها سيسعد وهو يري البريق في عيونها كانت تثرثر باريحيه كأنها تعرفه منذ زمن. فالانثي عندما تأمن ترمي قلبها تحت قدم من تأمن له ولا تنتبه لغدر ولا تفكر به من اساسه.. انه الأمان من يجعلك تاخذ قلب اي انثي الأمان وليس المال.. الأمان تشعر فيه المراه انها احيطت بجدار عازل لا يخترقه احد ولا يدخله احد..
انهي كل شئ وجلسا في العربه ونظرت اليه بسعاده .._ حمزه انا بجد مش هنسي اليوم ده اليوم اللي حسيت اني بني آدم.
ابتسم ومسك يدها .._ ولا