معاناة زوجة لميفو السلطان الجزء الاخير
اليها حمزه فوجدها نائمه ليقترب بهدوء ويرجف قلبه. جلس بجوارها كانت هادئه وشاحبه مسك يدها وقبلها فهمس .._ مش لاقي حاجه اقولها ومش لاقي وصف عاللي عملته. حاسس جويا بېموت علي وجعك ما كنتش مدرك اللي جوايا عارف اني دبحتك بس انا انا حبيتك من غير ماعرف من سنين من ساعه ماشفتك وانت اتغرزتي جوايا من سنين وانا اتحرقت لما مازن خدك وانا مش عارف بټحرق ليه كنت بشوفكو بحس بلسع جوايا هربت بره عشان كل اما بشوفكو بتوجع مش عارف انك اتغرزتي جوايا شريف جه وعملنا اللي عملناه بس والله ما كت هأذيكي كنت هعاملك بما يرضي الله. انا موجوع واتوجعت من واحده وقفلت علي نفسي بس حبيتك ورفضت اعترف بيه حسيت بغرزه قلبي اول ما حسيت اني هفقدك يا قلب حمزه والله قلبي انا بحبك يا خديجه وهعيش عمري كله تحت رجليكي اراضيكي عارف انك موجوعه عارف انك مقهوره نظره الكره اللي شفتها في عينك ډبحتني يا عمري ماقدرش اشوفها انا حاسس اني مچرم وخسيس. بس والله انا بحبك جايز جت متاخر بس اعملي ما بدالك يا قلب حمزه اعملي اللي تعوزيه هصبر يا قلبي هصبر مفيش غير اني اصبر واستني لحد ماتسامحيني خديجه انت روحي وحاسس ان نفسي بيروح مني قعدت تقول قلبك حجر قلبك حجر اهي جت اللي فلقته نصين ومزعته وهتوريك ايام تقهرك عارف هتعملي ايه يا قلب حمزه هتزعلي مش كده هتبعديني مش كده.. بس لا عارف ان حبيبي طيب حنين ومش هيقدر يبعد عني ماهو بيحبني اه خديجه مش هتبعد عن حمزه مهما حصل.
قالت بجمود .._ عايزه محمد
ليحس بقلق .._ عايزه محمد ليه يا قلبي اطلبي وانا انفذلك.
لتهتف .._ عايزه محمد..
تنهد .._ طب عايزاه ليه ماتخوفنيش قولي هتعملي فيا ايه خديجه بصيلي انت مراتي وھموت وتبقي مراتي يا قلبي.
تنهد وخرج ليدخل عليها شقيقها اقترب واحتضنها.._ ازيك يا قلبي
ابتسمت بسخريه .._ زي مانت شايف مدعوكه من طوب الارض يا اخويا.
تنهد وهتف .._ حقك عليا يا خديجه انا السبب يا ريتني بعدتك عنهم قبل كده دول مش بني ادمين.
قالت .._ معدتش تفرق تبعد تقرب كله محصل بعضه بس دلوقتي انا بقلك انا معتش هيتخاف عليا خديجه خلاص ماټت وظهرت واحده تانيه تعيش ماعتش حاسه باي حاجه عايزه ابقي لوحدي لا اعرف حد ولا حد يعرفني.
قالت .._ مش هتقدر عليه يا محمد حمزه جبروت ومش سهل وممكن ياخد ابني ويساومني.
قال .._ طب هنعمل ايه.
قالت .._ لا مش هنعمل قول هعمل ايه انا هعرفهم ازاي يلعبو عليا انا هخلعلهم قلبهم واحد واحد ان كان هو والا الست الوالده مش بيقول بيحبني وھيموت عليا ماشي يا سي حمزه زي ما خلعت قلبي هخلعلك قلبك وادعسه برجلي.
قام محمد ودخل حمزه لتنزوي هيا وتعطيه ظهرها وتنام ويجلس هو مقهورا يشعر بالذعر لما هو قادم.
توالت الايام اخذت عمر بجوارها كانت لا تدعه يتركها لحظه دخل حمزه .._ انا هاخد عمر يبات عند جدته عشان بقاله تلات ايام وهيا قلبها واكلها عليه.
قالت .._ لا سيبه انا عايزاه معايا ومن فضلك روح هاتله غيار.
قال .._ حاضر يا امي بكره هيخرجو باذن الله
