تاج لإسراء إبراهيم

ولدي اللي جابلتيه الصبح وكنتي بتتخانجي معاه
تاج افتكرت يونس وعرفت انه هو الشخص اللي مكنتش طايقاه الصبح وكانت خاېفة منه ومن نظراته فشهقت تاج پصدمة .._هو ده يونس ابن عمي لا مستحيل طبعا مش هتجوزه
تعبت نادية من الكلام مع تاج فخرجت وندهت حماد وحكتله اللي حصل ودخل حماد اوضة تاج عشان يتكلم معاها
حماد بطيبة .._ اهدي يا بتي واجعدي خلينا نتحدت
تاج پخوف.._ يا عمي حضرتك قولت هتحميني مش هتجوزني ابنك ده انا بخاف منه اصلا
حماد بابتسامة .._ هو ده الحل الوحيد يا تاچ يا بتي هي خالتك مجالتلكيش علي السبب اللي خلاكي تيچي اهنه 
تاج برفض .._ لا كانت مستعجلة وقالتلي حضرتك هتفهمني علي كل حاجة ووصيتني اسمع كلامك بس
حماد بحنية.._ اني هفهمك يا بتي كل حاچة والقرار ليكي
كانت قاعدة تاج في اوضة يونس وهي متلغبطة ومش عارفة ولا حاسة بأي حاجة غير كلام عمها حماد اللي بيتردد في عقلها مكنتش مستوعبة ان عبدالله جوز خالتها كان عايز يتاجر بيها والتمن فلوس ابوها اللي باسمها مكنش في ايديها حاجة غير انها تسمع كلام عمها وتوافق انها تتجوز يونس ابنه رغم انها خاېفة منه ومش بطيقه بس مفيش حل قدامها غيره انتبهت تاج ليونس اللي دخل القوضة فاتوترت وهي باصة للارض والطرحة علي وشها واتفاجأت بيه وهو بيقولها بسخرية.._ والله لو مكنتش خابر انك لسانك طويل كنت صدجت انك هادية اكده كيف ما انا شايفك دلوك
تاج اټصدمت فشالت الطرحة من علي وشها پغضب وقربت من يونس وبصتله بتحدي وقالت له پغضب.._ والله محدش لسانه طويل هنا غيرك اصلا ومتفتكرش اني خاېفة منك هه
يونس كان باصصلها بتركيز وملامحها شداه لدرجة انه سرح فيها كان جمالها طبيعي اوي ولاحظت تاج سرحانه فيها فاتوترت وبصت في الارض
يونس بتوتر .._ انا هعمل حساب انك متعرفنيش وهعتبر نفسي مسمعتش حاچة بس لو فكرتي صوتك ده يعلي وتغلطي تاني مهتلاجيش غير وشي التاني
تاج پخوف.._ انت وحش اوي مش زي عمي حماد انا بكرهك
قالت كدة بدموع وسابته وراحت قعدت علي طرف السرير واديته ضهرها ويونس غمض عنيه پغضب وبعدين سابها ودخل الحمام وخرج بعد شوية ولقاها نايمة عالكنبة زي ما هي بفستان الفرح فاتنهد بضيق وقرب منها وشالها حطها عالسرير وهو بيدقق في ملامحها وبعدين غطاها ونام هو عالكنبة
تاني يوم الصبح فاقت تاج علي خبط الباب فقامت مڤزوعة واتفاجأت انها نايمة عالسرير ويونس نايم عالكنبة وفهمت انه هو اللي نيمها مكانها فابتسمت براحة وبعدين قامت وهي محتارة تفتح الباب ولا تصحي يونس واخيرا قربت منه بهدوء وخوف ونادته .._ يونس يا يونس اصحي في حد بيخبط
يونس بنوم .._ سيبيه يخبط
تاج باستغراب .._ ازاي يعني دي اكيد مامتك انا هروح افتح
يونس بحدة .._ استني عندك هو انا مليش كلمة اياك جولتلك همليه يخبط
تاج بضيق .._ اوووف هو انت لازم اي حاجة تعمل عليها مشكلة وخلاص
يونس بحدة وهو بيقوم.._ رايدة تفتحي وانتي لساتك بفستان الفرح رايداهم يجوله عليا ايه ادخلي غيري خلجاتك وانا هفتح
نفخت تاج بضيق واخدت هدوم ليها ودخلت الحمام وفتح يونس وكانت فعلا نادية امه
نادية وهي بتزغرط.._ يا الف بركة يا ولدي ربنا يهدي سركم
يونس بابتسامة .._ ربنا يخليكي لينا ياما اتفضلي
في نفس الوقت خرجت تاج وهي لابسة بيچامة حرير وكانت جميلة اوي فيها واول ما شافها يونس بلع ريقه بتوتر وهو باصصلها بتوهان وتاج اتكسفت من نظراته فقربت بخجل وسلمت علي