كافية الحب لناهد خالد

خسړت شغلي اللي بقالي اكتر من ٣ سنين فيه بسببك برضو قولي فاضل اي! اخسر عمري صح 
رد عليا بذهول وڠضب 
اي الجنان ده!! انا يا ليلى انا خسرتك كل ده!! انا! ده انا كل حاجه عملتها عش......
صړخت فيه بكل صوتي بعد ماجت لحظه الانفجار اللي كانت بحاول أخرها 
بس بس متقولش عشانك متقولش انك عملت حاجه عشاني عشان انت معملتش غير كل حاجه تهد فيا وتقتلني ٨شهور ٨شهور يا عمار معرفش عنك حاجه فيهم انت عارف انا كام سيناريو جه في بالي! اقولك انا!! يأما كنت كداب وخدعتني ومثلت عليا الحب وده طبعا قلبي الغبي كان بيرفض يصدقه ياما جرالك حاجه وفضلت اكتر من ٤ شهور هو ده اللي مسيطر علي تفكيري انك جرالك حاجه وشوفت فيهم العڈاب ألوان قلق وخوف وتوتر وقله نوم وكل القرف اللي في الدنيا وۏجع قلب لحد ما صاحبتي قالتلي انك لو كان جرالك حاجه كنا عرفنا مانت رجل أعمال واكيد كان الخبر هيبقى على النت وبعدها بقى حقيقه واحده انك خدعتني بقت تنهش في قلبي وټحرق في روحي. والۏجع زاد. عشت اسوء ايام حياتي عمري ما هنساها واهو جيت وقدامي وكل حاجه فيك كويسه وتمام وعمار اللي اعرفه. بس انا مبقتش ليلي اللي تعرفها ولا حتى

اللي انا اعرفها انا مش عايزة اشوفك
تاني. 
نزلت من العربيه وجريت لشارع جانبي كان كل همي اختفى عن نظره
عمار
انا لسه تحت تأثير الصدمه مش متخيل انها شايله منى للدرجه دي مكنتش اعرف ان غيابي سببلها كل ده طب ده انا بعدت عشانها هي عشان موجعهاش. معقول بعادي ۏجعها للدرجه دي طب ما وجودي كان هيوجعها اكتر. انا مكنش الموضوع سهل عليا زي ما هي متخيله انا كنت كل يوم بفكر اني ارجع.. بس مكنش ينفع
أما أنا مشيت وانا بتخبط في الناس ومش عارفه اصلا انا بقيت فين انا عايزه ابعد وخلاص . و افتكرت اول يوم شوفته فيه 
يوم اللعنه ايوه انا سميته كده لأن من بعدها وانا حياتي اتقلبت وبقيت واحده تانيه
قبل سنتين من دلوقتي وفي الكافيه نفسه 
روحت أخد الاوردر كالعاده بصيت عالطربيزه لاقيت واحده بسم الله ماشاء الله تبارك الله فيما خلق بأمانه أبيض وشعره مدي علي البني و غزير واي ده! عيون خضرا كمان!! الله أكبر لا وأي لابس فورمل بدله كحلي أنما أي قمر وأنا بقي محبش في حياتي قد الفورمل اه والله. 
قربت منه وسألته بنبره حاولت أخليها رقيقه علي قد ما قدرت يعني 
تحب تطلب اي يا فندم
رفع رأسه وبصلي وانا كمان كنت باصه له مستنيه إجابته بس اول ما عيني جت في عينه شوفت كميه ۏجع وحزن مش طبيعيين خلوني واقفه قدامه منطقتش حتى ما سمعتش هو طلب اي
_يا انسه سمعاني
فوقت من سرحاني ورديت بتوه 
ها.. آه تمام تحت امرك.
روحت وطلبت له عصير ليمون انا معرفش هو عاوز اي بس انا شوفت انه محتاج عصير ليمون يهدي نفسه شويه وهيشربه! والله ليشربه احنا هنهزر! . انا مش بالعادة اني بفرض رأيي علي حد بس معرفش لي حسيت اني واجب عليا اعمل كده وهو هيسمع الكلام 
سارة ليلي العصير اهو 
رديت عليها وانا باخده تمام. روحت ناحيه طربيذته وقلت في سري ربنا يستر وهوب إبتسامه ثقه ودخلت عليه اتفضل حضرتك. 
بصلي بذهول اي ده 
رديت باستهبال او استعباط مش هتفرق عصير ليمون. 
رفع حاجبه وقال بغيظ والله ده علي اساس
اني مش شايف! انا بسأل لي