الحب اللطيف لنور محمد

وقف فهد العربيه وانا فورا فتحت الباب علشان اخرج بس لقيته جري عليا بسرعه وقال پخوف: ملك استني انا هشيلك علشان رجلك ليسه. 
وقبل ما يكمل جملته قاطعته پغضب وقولت: شكرا مش محتاجه شفقه منك تاني وكمان لو سمحت عاوزه اعرف تمن الكشف بتاعي كام لاني مش بحب اخد صدقه من حد
بصت عليه ببرود لقيت الصدمه احتلت عينيه وقال پصدمه وحزن: ملك انتي بتقولي ايه شفقه! انا مستحيل اشفق عليكي بالطريقه دي ابدا! انا عملت كده لاني بحبك وخاېف عليكي اوي. وبعدين فلوس كشف ايه الي بتتكلمي عنها لدرجه دي بتعتبرني غريب عنك ياملك!
نظرت ليه بضيق وانا بفتكر اللي حصل بينا من شويه في العربيه وسكاته قدامي وقله ثقته فيها. فقولتله بقوه: ايوه بعتبرك غريب لانك كمان بتعتبري غريبه عنك يافهد فلو سمحت قولي دفعت كام وانا هرجعهم ليك فورا وكده يبقى احنا صافين مع بعض وكل واحد يروح في طريقه احسن 
خلصت كلامي وبصيت عليه ببرود وتحدي وفجأه لقيت ملامحه كلها اتحولت لڠضب وقرب مني وهوب لقيته شالني بسرعه على ايديه وانا اڼصدمت منه وفضلت اضربه بقوه على صدره علشان ينزلني تاني وقولتله پغضب: فهد نزلني وابعد عني ميصحش كده انت قدام العماره بتاعتنا يا فهد اعقل ونزلني بسرعه انا بقيت كويسه وهمشي لوحدي والله 
بصيت على ملامحه پخوف بس لقتها متغيرتش ابدا وطلع بيا على العماره وانا خاېفه اوي حد من الجيران يشوفنا كده يفكر في حاجه بينا او بنعمل حاجه غلط فضلت اتحرك پعنف علشان يسيبني انزل بس هو كان ثابت زي الجبل ومش اتأثر ابدا واول ماوصلنا لاول سلم العماره قولتله بضيق وهمس: فهد ارجوك كفايه كده ونزلني هنا انا خاېفه حد يشوفنا مع بعض من الجيران وتحصل مشكله ارجوك
طلع فهد على اول سلمه من السلم ورد عليا بهدووء: اهدي ياملك انتي مش هتقدري تمشي على رجلك في الوقت ده وشقتك في الدور الثالث وحتي مفيش اسانسير هنا في العماره يعني مستحيل توصلي لهناك لوحدك انا هوصلك وهنزل علطول تمام اهدي بقى ارجوكي
بصت على ملامحه الهاديه من قريب وشكله الكيوت اوي ده وسرحت فيه تاني حقيقي الشخص ده لما بيقرب مني انا بسرح فيه في عالم تاني مش عارفه هو ازاي بيعمل فيا كده وانا مش قادره اقاوم سحره اللطيف ده 
طلع فهد وانا في عالمي الخاص عالم مفيش فيه غيري انا وهو بس وصل فهد عند باب شقتنا وانا ملحظتش اصلا امتي طلعنا بالسرعه دي فرجعت من عالمي الخيالي بسرعه تاني وبصيت على وجهه لقيته بينهد بهدووء والعرق بارز في جبهته فميدت ايدي على جبهته بحركه لا اراديه مني ومسحت عليها بحنيه 
وفهد بص عليا بنظره حب وانا كمان سرحت في نظرته دي لوقت مفقتش منه غير على صوت فتح الباب قدامنا 
وصوت اختي مريم الصغيره وهي خارجه تجاهنا بتقول بقلق: حاضر بابا هنزل اشوف اتأخرت كده ليه نام انت ومتقلقش
انتبهت لصوتها ونظرت تجاهها بسرعه وهي وقفت قدامي قالت بقلق: ملك كونتي فين الوقت ده كله وفجأه اخدت بالها من وجود فهد قدامها فكملت پصدمه وايه الي بيحصل هنا مين الجدع ده كمان ياملك 
احرجت جدا من سؤالها وانا بحاول اجمع اي كلام علشان اقوله ليها بس لقيت فهد رد مكاني بسرعه وقال بابتسامه: اهلا يأنسه مريم انا اسمي فهد الدكتور فهد في الجامعه الطب بتاعته ملك اختك
بصيت على فهد پصدمه من كلامه ووجهت نظري لمريم بتوتر بس لقتها ابتسمت وقالت بسرعه: اهلا وسهلا يادكتور نورت اتفضل ادخل
خلصت كلامها وبعدت من قدام الباب وانا بصيت عليها پصدمه هي بس اخدت بالها انه دكتور بتاعي ومش لاحظت انه شايلني قدامها ازاي كده هي البنت دي عبيطه او هبله انا عاوزه اعرف بجد 
كونت بفكر في الكلام ده وانا مصوبه عيني عليها بغيظ وفهد دخل الشقه وتوجه للكنبه قدامه في الصالون ونزلني بحنيه عليها ووقف تاني مكانه 
وقال لمريم: انا اسف يا أنسه مريم لو اجيت كده بدون دعوه بس كانت في حاله طارئه قدامي 
قال كده