كيف التعافي لهاجر نور الدين

إنت! إنت مجرد واحدة رخ يصة بيخونني معاها مش أكتر من كدا تقدري تقوليلي عرض عليك الجواز ولا لأ
بصتلي پغضب وقالت _إحنا أصلا متجوزين عرفي.
ضحكت بصوت أعلى وقولت_ الورقتين دول بقى بليهم وإشربي مايتهم يمكن تتعافي من الصدمة اللي هتاخديها بعدين.
إتعصبت من كلامي لدرجة إنها قربت مني عشان تضربني بس في اللحظة دي دخل علي وقال بتساؤل _إيه الصوت العالي دا
إتكلمت رانيا بعصبية وقالت_ بتتطاول عليا في الكلام وكنت لسة هربيها وأعرفها قيمتها.
بصلها علي بتحذير وإبتسامة خفيفة وقال _لأ ولا تعرفيها ولا متعرفيهاش إنت وظيفتك هنا إنك تخليها متنزلش بس مش أكتر من كدا لو فكرتي تعملي آي حاجة من غير ما ترجعيلي هتزعلي حقيقي.
بصيتله پصدمة وخوف ورجعت بصتلي بغيظ ف بصيتلها بتحدي وتشفي طلعوا الإتنين وأنا قعدت كملت عياط على اللي بيحصلي واللي مش قادرة أستوعبه حتى لو بينت عكس دا فضلت أفكر إزاي ممكن أهرب من البيت لحد ما لقيت الحل حتى لو كان فيه مخاطرة
قومت فتحت الدرج بتاعي واللي شايلة فيها الأدوية بتاعتي طلعت منه المنوم ومسكت فرشة الشعر بتاعتي وقلبتها وبدأت أفضي البرشام في كيس صغير وطحنته بالفرشة لحد كا بقى بودرة خبيته بسرعة في جيب البيچامة وقعدت من تاني بتوتر على السرير عدت 10 دقايق وكانت الساعة وقتها 8 إلا خمسة يعني كمان 5 دقايق والعشا هيبدأ قومت وخرجت برا وكانت رانيا قاعدة جنب علي وبيضحكوا مع بعض بصيتلهم بقر ف ودخلت المطبخ وكانت الست فتحية المسئولة عن البيت واقفة بتطبخ إتكلمت بإبتسامة وقولت_إزيك يا ست فتحية عاملة إيه
جاوبتني بإبتسامة طيبة وبشوشة وقالت_ الحمدلله والله يا بنتي في نعمة.
طلعت من جيبي الكيس بهدوء وأنا ببص برا وهي لما شافته بصتلي بإستغراب وخوف وقالت_إيه دا يا بنتي
حطيت صباعي على فمي ك إشارة إنها توطي صوتها وقولت بهدوء_ وطي صوتك بس عشان محدش منهم يسمع عايزاك تحطي البودر دا على طبق الطبيخ اللي هتطلعيه ل علي ورانيا.
بصتلي پخوف وقالت_إوعي يكون سم ولا حاجة يا بنتي لا أروح في داهية!
بصيتلها بعتاب وقولت_ إخص عليك بجد يا ست فتحية أنا لا يمكن أضرك دا منوم بس عشان الإتنين يناموا والباب مفتوح عشان أعرف أهرب يرضيك يا ست فتحية اللي بيحصل فيا ترضيها على بنتك إنت أكيد عارفة كل اللي حصل.
بصتلي بتردد وتوتر وقالت _بس علي بيه لو عرف
قولتلها بنبرة مطمئنة وأنا بديهولها في إيديها_ مش هيعرف حاجة لما يفوقوا وميلاقونيش هيعرفوا إن أنا اللي عملت كدا.
قاطعنا صوت علي العالي وهو بيقول_فين العشا يا فتحية
إتكلمت بسرعة ورجاء_ وحياة ولادك أنا في عرضك.
بصتلي بتردد وبعدين خدت الكيس وعملت زي ما قولتلها وأنا روحت قعدت على السفرة معاهم عارفة إنها ممكن تتلغبط وتحط في طبقي أنا كمان أو الأطباق تتبدل وهي على السفرة عشان كدا عملت حسابي وأنا خارجة من المطبخ بطبق الفاكهة وكإنني كنت جوا بجهزه وقعدت وأنا باكل فيها بصلي علي وقال بتساؤل وإستغراب_مش هتتعشي ولا إيه
بصيتله بقر ف وقولت_ ماليش نفس كفاية إنتوا تتعشوا.
جات بعدها فتحية وحطت الأكل وهي بتبصلي بتوتر واللي كنت خاېفة حد منهم يشوفه في عينيها ف قولت بصوت عالي عشان ينتبهولي _بعد إذنك يا ست فتحية إبقي إعمليلي سلطة خضار عشان عايزة أنام خفيف النهاردا كفاية التقل اللي على قلبي من الضيوف التقيلة.
حركت راسها ب معنى حاضر ومشيت من قدامي بدأوا ياكلوا ومحدش إهتم عدت بعدها نص ساعة وأنا كنت قاعدة مستنياهم