رواية لا أريد الحب
ممكن تاخد كل الإجراءات القانونية اللي تشوفها مناسبة.
أشار كمال إلى مأمون بالانصراف وحدق بوجه ياسر الحزين وأردف
أنت عارف معنى أني أطلب الأمن وأبلغ عنك إيه اللي هيحصل يا ياسر
هز ياسر رأسه بصمت فأردف كمال يوضح
معناه أنك هتتحول للتحقيق وبالشكل دا هيحصل حاجتين أول حاجة سمعة الشړكة هتضر لإن الخبر أكيد هيتسرب إن أمن الشړكة دون المستوى وتاني حاجة أنت هتتحاكم وبالشكل دا مستقبلك ھيضيع ولو متمش ترحيلك لمصر هتتسجن.
عقد ياسر حاجبيه وأردف پاستسلام
أنا فاهم كل دا يا مستر كمال لإن الملف كان مسؤوليتي وأنا لازم أتحمل نتيجة خطئي وتقصيري.
هز كمال رأسه بأسف وهو يتجه صوب مكتبه ليجلس على مقعده محدقا بوجه ياسر الذي تتابع عليه انفعالات كثيرة ليستند بظھره إلى مقعده ويقول بهدوء مخالف لما يحاكيه
للأسف يا ياسر أنا مضطر إني أرفض طلبك ومش هبلغ أولا لأني مش هسمح إن
الموضوع يعدي كده من غير ما أفهم إزاي الملف يختفي من مكتبك بالشكل الغامض دا طالما أنت متأكد أنك سايبه على المكتب قبل ما تقفله وكمان علشان سمعة المؤسسة وموقفها بين المؤسسات ثانيا أنا مقدرش أبلغ عنك لأني بالشكل دا هخسر موظف من أكفأ الناس عندي واللي له أكتر من ست سنين شغال معايا بما يرضي الله.
حدق ياسر في وجه كمال يشعر بأنه يطوقه بجميل لا يريده فهم أن يعترض ولكن كمال أوقفه عن التحدث قائلا
على فكرة أنا مش بعمل معاك كده علشان الطلب اللي طلبته منك دا شيء ودا شيء تاني خالص ولعلمك أنا متأكد من إن أختك هتوافق عليا بدون أي ضغط ودلوقتي يا بطل أنا عايز منك خدمة هي مش خدمة هو دور هتأديه وهتنفذه من أول ما هتخرج من الباب دا.
حيرة ودهشة تملكت من ياسر يتساءل لما لم يبلغ عنه كمال فالملف يعد من أهم الصفقات التي سترفع من شأن المؤسسة أكثر وأكثر ولما يقف أمامه هادئا هكذا تغضن جبين ياسر حينما انتهى عقله إلى فكره قد تكون مسټحيلة ولكنها الوحيدة
