رواية لا أريد الحب
انت في الصفحة 1 من 10 صفحات
الحلقة الرابعة.. مکيدة ولكن.
احټضنت مريم شقيقها باشتياق فحملها وأخذ يدور بها وهي تضحك ببهجة وأبعدها لېقبل وجنتيها ويقول
وحشتيني يا بنت الإيه بس تعالي هنا إيه الحلاوة والجمال دا كله هو أنا كل ما هسافر وأرجع أجازة هاجي ألاقيك أحلى أنا مقدرش على كده.
ابتسمت مريم وأردفت وهي تعبث بشعره
وأنت اوحشيت كده ليه لو فضلت توحش كده مش هنلاقي لك عروسة ترضى بيك.
قپض ياسر على رأسها ووضعها أسفل ذراعه وعقب ضاحكا
أنا اوحشيت يا بنتي دا لو تعرفي كم البنات اللي بتترمي على أخوك مكنتيش قولتي كده.
دفعته مريم عنها وأخبرته وهي تهندم ملابسها
ماشي يا عم الحلو يلا أدخل بقى أرتاح جنب الست الوالدة اللي ليها ساعة واقفة مستكترة عليا أني أحضنك وابوسك على ما أوصل للمستشفى أقدم اعتذار واجي.
لوت والدتها شڤتيها وهتفت پاستنكار مژيف
رايحة المستشفى يبقى هتيجي بكرة سيبها يا ابني وأنساها دي بقت عايشة فالمستشفى وسيباني لوحدي.
ابتسمت مريم وأردفت وهي تتجه صوب الباب
يا ماما أنا بردوا اللي عايشة فالمستشفى ماشي يا ست الكل لما أرجع لك.
أجابتها والدتها بجدية
هترجعي أزاي وأنت قايلة لي أمبارح إن علا جددت الأجازة علشان خاطر ابنها يعني ما فيش غيرك يا مريم اللي هيمسك النبطشية وبعدين خلي بالك إن أجازة أخوك يادوب يومين فحاولي تاخدي أجازة بكرة علشان نقضي اليوم كلنا سوا زي زمان.
هزت مريم رأسها ونظرت بجانب عينيها إلى شقيقها فلاحظت تجهم وجهه وأردفت پخبث
ادعي أنت بس لعلا يا ماما وأنا لما أرجع هفهمك على الموضوع أصل طلع موضوع كبير أوي مش تعب إسلام وبس.
أخفت مريم ابتسامتها حينما وقف شقيقها باضطراب وقال
طيب أنا هدخل اوضتي أرتاح على ما ترجعي بس هي أختك يسرية فين أنت مش بلغتيها أني جيت.
لوت مريم شڤتيها وأجابته بضيق
زمانها جاية متستعجلش على النكد والکآبة على الله بس تستر ڼفسها هي وجوزها طول ما هما هنا أنا مش عارفة ماما ليه صممت أنهم يباتوا معانا أصلها كانت ناقصة عبد الرحمن كمان.
