رواية لا أريد الحب

شوفتي أول ما عرف أن زميلها بيضايقها نقله بمكالمة تليفون واحدة.

تمنت أحلام لو كان كمال رافق ابنها وتقدم رسميا بدلا من طلبه الغريب ليد ابنتها وأعبرت عن حيرتها تلك بقولها

 طب يا ابني لما هو عايز يتقدم لأختك مجاش بنفسه ليه ولا هو ناوي يتجوزها بالمراسلة

زفر ياسر بضيق وأجابها

 هو مش هيقدر ينزل مصر يا ماما علشان معندوش وقت دا حتى قال لي إنه هيعمل لي توكيل واكتب كتابه عليها بموجب التوكيل دا وإنه هيبعت لها تذكرة السفر وأي حاجة تطلبها حتى فستان الفرح هيبعته ليها وهيستقبلها فمطار دبي بنفسه.

استنكرت أحلام حديث ابنها ونظرت له بدهشة وأردفت

كلام إيه دا يا ابني أنت عايز أختك تتجوز واحد لا شافته ولا أتكلمت معاه ولا حتى تعرفه ويتكتب كتابها عليه بتوكيل وتسافر له بفستان فرحها ليه يعني وهي كانت معېوبة علشان ميتعملهاش فرح ويتقدم لها زي الناس ما بتتقدم بقولك أيه يا ياسر أنت تكلمه وتقوله يفتح الله احنا معندناش بنات للجواز حتى ولو كان مين هو.  

هز ياسر رأسه بتفهم وقال موضحا لوالدته

 ما أنا قلت له الكلام دا يا ماما عارفة وقف وبص لي وقال لي أتكلم أنت بس مع أختك وشوف ردها وأنا متأكد إنها فالآخر هتوافق لو أنت بس أصريت عليها وصمم أني أنزل مصر الأول علشان أكلمها فالموضوع وبصراحة أنا أساسا مش مرحب بالموضوع دا.

ټنهدت أحلام پحزن وقالت ټنعي حظ ابنتها

 عيني عليها البت حظها مايل وملهاش بخت دا حتى الدكتور اللي أتقدم لها عرفت إنه بيعشم الممرضات بالجواز ولولا اللي اسمها سميحة قالت لها كانت أختك وقعت فالخية بړجليها بعد ما ربنا سترها عليها واتنسى موضوعها مع كريم.

عقد ياسر حاجبيه مع سماعه لاسم كريم وقال

 بس يا ماما مكنش يصح أبدا تدخلي كريم البيت تاني بالشكل دا أنا مقدرش أقولك لا على وجود خالتي علشان عارف أنك ھتزعلي مني لرفضي وجودها إنما كريم كمان لأ والبجح ما صدق وراح يجيب أولاده دا المفروض يكون حسيس ورجله متعتبش البيت